Facebook Twitter Search
Map-marker-alt Envelope Phone-alt

Антибоди тест COVID-19 халдварыг таван минутад оношилно – ХУДАЛ

Худал

“One step test kit” гэсэн бичигтэй цэнхэр уут бүхий тестээр COVID-19-ийн халдварын таван минутад оношлох тухай олон нийтийн сүлжээд пост оруулжээ. 

Тухайлбал, МҮХАҮТ-ын ерөнхийлөгч О.Амартүвшин ийнхүү пост оруулсан байна. 

Уг тестийг иргэн Та аваад гэртээ таван минутад халдвартай эсэхээ оношлох боломжтой юу гэдгийг бид UNICEF-ийн Эрүүл мэндийн ахлах зөвлөх, доктор Б.Цогтбаатартай холбогдон нягталлаа. 

Зураг дээрх энэхүү цэнхэр өнгийн “антитела” тест нь өмнө нь коронавирусийн халдвар авсан эсэхийг оношилдог буюу хүний биед эсрэг биет үүссэн эсэхийг тодорхойлдог байна. Түүнчлэн энэхүү тестийг гэрээр ашиглах боломжтой ч чихрийн шижин, жирэмсний тест шиг энгийн биш учраас тодорхой сургалт авсан, мэдлэгтэй байх шаардлагатайг Б.Цогтбаатар анхааруулж байна. Учир нь уг тестээр шалгахад уусмал дусаах зэрэг нэмэлт үйл ажиллагаа орох нь. 

Харин одоо Улаанбаатар хотод 11 цэг байгуулан зохион байгуулж буй шинжилгээгээр “антиген” тест ашиглаж байгаа бөгөөд энэ нь хүний биед коронавирусийн халдвар тухайн мөчид байгаа эсэхийг тодруулдаг байна. 

Өөрөөр хэлбэл, Антибоди тест COVID-19 халдварыг таван минутад оношилно гэдэг нь худал мэдээлэл буюу өмнө нь халдвараар өвчлөөд эдгэсэн эсэхийг уг тестийн тусламжтай мэдэж болох юм байна.

Нягталсан: Ц.Тамир 

Төстэй мэдээлэл
Худал
Амиа алдсан гэх алба хаагчдын зураг ХУДАЛ

Товч агуулга: Баянзүрх дүүргийн 26-р хорооны нутагт өнөөдөр(2024.01.24) болсон дэлбэрэлтийн улмаас үүргээ гүйцэтгэж байсан Онцгой байдлын гурван алба хаагч амиа алдсан харамсалтай хэрэг гарсан. StOne, S’s boutique зэрэг нэртэй фэйсбүүк хэрэглэгчид “Хичнээн хайрлаж өсгөсөн хөвгүүд ээжийгээ үлдээгээд, аавийгаа орхиод одчихов доо. Гүн эмгэнэл илэрхийлье” гэсэн үгтэй пост цахим орчинд тараад байна. Тухайн постод ашигласан зураг […]

Нотлогдоогүй
Хүүхдүүдийн дунд тархсан гепатит КОВИД-19-ийн вакцинтай хамааралтай нь НОТЛОГДООГҮЙ

Товч агуулга Их Британи: Хүүхдийн гепатит нь коронавирусийн вакцинтай хамаатай гэсэн ямар ч нотолгоо байхгүй АНУ-д 109 хүүхдэд элэгний гепатит оношлогдсон ч вакцинд хамрагдах насны хүүхдүүд биш Factcheck: Хүүхдүүдийн дунд гепатитийн хүнд хэлбэрийн өвчлөл дэлхий даяар нэмэгдэж байгаа нь Pfizer-BioNTech компанийн Pfizer вакцинтай холбоотой хэмээн эрдэмтэн судлаачид дүгнэсэн гэх мэдээлэл олон нийтийн сүлжээнд тархжээ. Гэвч […]

Худал
ДЭМБ Vero Cell вакциныг бүртгэсэн гэдэг мэдээ цуурхал – ХУДАЛ

Tserenkhuu Ishtseden хэмээн фэйсбүүк хэрэглэгч “ДЭМБ Vero Cell вакциныг “зөвшөөрлөө бүртгэж авлаа гэнээ” гэсэн мэдээ цуурхал шүү! Гагцхүү онцгой нөхцөлд хэрэглэж болно, гэхдээ үр дүнгийн мэдээлэлд экспертизын групп итгэхгүй байгаа гэж Гебрейесус хэлсэн” гэсэн постыг тавдугаар сарын 8-ны өдөр нийтэлжээ. Уг постыг 213 хүн цааш түгээж, 139 хүн сэтгэгдэл бичиж, 532 хүн лайк дарсан байна. […]

Худал
Пфайзер вакцины дараах үхэл Японд 751 хүрлээ – ХУДАЛ

Batchuluun Natsagdorj хэмээн фэйсбүүк хэрэглэгч “ПФАЙЗЕР ВАКЦИНЫ ДАРААХ ҮХЭЛ ЯПОНД 751 ХҮРЛЭЭ” гэсэн агуулгатай постыг 2021.07.26-нд нийтэлжээ. Уг постод “ПФАЙЗЕР ВАКЦИНЫ ДАРААХ ҮХЭЛ ЯПОНД 751 ХҮРЛЭЭ. Монголд синофарм (вероселл) тэргүүтэй вакцины дараа 782 хүн нас барлаа. Японд вакцин тариулснаас болж нас барсан хүний тоо 751 боллоо. Вакцин тариулаад эхний 7 хоногтоо нас барсан хүний тоо […]

Худал
УБ-Бээжин нислэгийн тийз 10,2 сая төгрөгт хүрчээ – ХУДАЛ

Tsahiur.mn сайт 2022.09.01-ний өдөр “УБ-Бээжин чиглэлийн нислэгийн тийз

Худал
Эмэгтэйчүүд нэгээс дээш хүүхэдтэй бол 50 насандаа тэтгэвэрт гарах нь… – ХУДАЛ

УИХ-ын гишүүн асан Ц.Оюунгэрэл твиттер хуудаснаа “Эмэгтэйчүүд нэгээс дээш хүүхэдтэй бол 50 насандаа тэтгэвэрт гарах нь…” гэсэн гарчиг бүхий мэдээллийг шэйрлэж, “Энэ мэдээ үнэн бол Монголоо Грекийн замаар дампууруулахаар шийдэж дээ, ЗГ. Грек улс тэтгэвэрийн насаа багасгаад хэдхэн жилийн дотор бүрэн дампуурч, өрөө дарахын тулд хэдэн арлаа зарсан байдаг” хэмээжээ. Энэхүү жиргээний мөрөөр мэдээллийг нягтлуулах […]

Өөр мэдээ олдсонгүй.
Монголын хэвлэл мэдээллийн салбарт анхны бие даасан, мэргэжлийн, ашгийн төлөө бус редакц юм.
Зурвас илгээх
Холбоо барих
© 2020 FACTCHECK.MN
factcheckmongolia
MnFactcheck
ДЭЭШ ОЧИХ
ВЭБ ХӨГЖҮҮЛЭГЧ - GEEKS

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх

Хайх