Товч агуулга
- Вакцины найрлага дахь хөнгөн цагаан нь дархлаа тогтоцыг нэмэгдүүлж, урт хугацаанд хамгаалах тогтвортой хариу урвал үүсгэдэг.
- Натрийн хлорид, L-гистидин нь дархлааг зохицуулах, антиоксидант, дархлааны Т эсийн Н2 рецепторыг идэвхжүүлдэг.
- Полисорбат 80 нь вакцины хадгалах хүчинтэй хугацаанд вакцины найрлагад агуулагдах бусад бодисыг бэхжүүлдэг.
- Натрийн борат нь нян үржихээс сэргийлэх үйлчилгээтэй байна.
- Эдгээр бодис нь хүний биед ямар нэгэн гаж нөлөөгүй.
Жүрмэд Занаа гэх фэйсбүүк хэрэглэгч 2024.11.28-нд “ГАРДАСИЛ ВАКЦИНЫ НАЙРЛАГАД ИЙМ ХОРНУУД БАЙНА!!!!! ИЙМ ЮМААР ДАРХЛАА ТОГТООДОГ ГЭДЭГ ҮЛГЭРТ БҮҮ ИТГЭЦГЭЭЭ,, ХҮМҮҮС ЭЭЭЭЭ!!!!!!!!!” гэсэн пост оруулжээ.
Уг пост дахь агуулгыг нягталж өгөх хүсэлт ирсний дагуу нягталлаа.
“Амин хүчил, аморф хөнгөн цагаан гидроксифосфат сульфат, нүүрс ус, L-гистидин, эрдэс давс, полисорбат 80, натрийн борат, витамин, мөөгөнцрийн уураг
- Amino acids –
- amorphous aluminium hydroxyphosphate sulfate, аморф хөнгөн цагаан гидроксифосфатын сульфат. ГАЖ НӨЛӨӨ НЬ:
- АЛЦХАЙМЕР ӨВЧИН
- ХОЖМЫН АМИОТРОФИК СКЛЕРОЗ
- АНЕМИЯ
- ЛЕКОЦИД
- КОЛИТ
- ШҮДНИЙ БУУЛЬ ӨРӨВСӨХ
- БӨӨРНИЙ ҮЙЛ АЖИЛЛАГАА МУУДАХ
- ЭЛЭГНИЙ ҮЙЛ АЖИЛЛАГАА МУУДАХ
- МЭДРЭЛИЙН БУЛЧИНГИЙН ХЯМРАЛ
- ОСТИОМАЛАСИЯ
- ПАРКИНСОНЫ ӨВЧИН
- ИДЭЭТ ӨРӨВСӨЛ
- carbohydrates,
- L-histidine,
- mineral salts,
- polysorbate 80″ гэжээ.
Factcheck:
Монгол Улсад ашиглаж байгаа, ХПВ-ийн эсрэг вакцин нь АНУ-ын Мэрк Шарп & Дом Корпорацын Нидерланд улс дахь үйлдвэрт үйлдвэрлэгдсэн. Гардасил (Gardasil™) вакцины нэг хүн тун нь дараах найрлагатай байна. Үүнд дөрвөн хэв шинжийн L1 уураг болон нэмэлтээр Хөнгөн цагаан 225 мкг, Натрийн хлорид 9.56 мг, L-гистидин 0.78 мг, Полисорбат-80 50мкг, Натрийн борат 35 мкг агуулагдаж байна. Харин антибиотек болон нөөшлөгч бодис агуулаагүй.
Гардасил вакцинд L1 уургийн вирус төст мэдээллийг агуулдаг.
Вакцины найрлага дахь хөнгөн цагаан нь дархлаа тогтоцыг нэмэгдүүлж, урт хугацаанд хамгаалах тогтвортой хариу урвал үүсгэдэг
Натрийн хлорид 9.56 мг, L-гистидин 0.78 мг нь дархлааг зохицуулах, антиоксидант, дархлааны Т эсийн Н2 рецепторыг идэвхжүүлдэг.
Полисорбат 80 – 50 мкг нь вакцины хадгалах хүчинтэй хугацаанд вакцины найрлагад агуулагдах бусад бодисыг бэхжүүлдэг Натрийн борат нь нян үржихээс сэргийлэх үйлчилгээтэй байна.
Эдгээр бодис нь хүний биед ямар нэгэн гаж нөлөөгүй юм. Тухайлбал, вакцины найрлага дахь хөнгөн цагаан нь бидний өдөр тутмын хоол хүнс, бусад хэрэглээнээс авч байгаа хөнгөн цагааны хэмжээнээс хамаагүй бага байна.
Дээр дурдсан өвчлөлүүдтэй Хүний папилломавирусийн эсрэг Гардасил вакцин нь холбоотой гэсэн нотолгоо, үндэслэл алга. Харин уг вакцины аюулгүй байдал болон үр дүнг ДЭМБ болон олон улсад хийсэн судалгаа харуулж байна.
Вакцины найрлагын талаар өмнө нь баримт нягталсан мэдээллийг ЭНД дарж ээс уншина уу.
Иймд дээрх пост нь олон нийтийг ТӨӨРӨГДҮҮЛСЭН ташаа мэдээлэл байна.
Эрүүл мэндтэй холбоотой аливаа мэдээллийг албан ёсны, баталгаатай эх сурвалжаас авч, үргэлж нягталж байхыг Factcheck.mn сануулсаар байгаа билээ.
Эх сурвалж:
- ДЭМБ
- АНУ-ын Хүнс болон эмийн агентлаг
- Халдварт өвчин судлал, хяналтын төв
- ХСҮТ
- ХӨСҮТ
- ЭМЯ
