ХҮҮХЭД 7 НАСТАЙГААС СУРГУУЛЬД ОРУУЛАХ санал гаргажээ – ХУДАЛ

Xemnel.com фэйсбүүк хуудастХҮҮХЭД 7 НАСТАЙГААС СУРГУУЛЬД ОРУУЛАХ санал гаргажээ. Дэмжиж байвал 1 гэж бичээд ШЕЙР!” гэсэн гарчигтай мэдээллийг өнөөдөр нийтэлжээ.

2021 оны 4-р сарын 13-ны 22:30 цагийн байдлаар уг мэдээлэлд 4300 хүн хариу үйлдэл үзүүлж, 535 хүн шэйр хийж, 1600 хүн сэтгэгдэл бичжээ.

Уг мэдээллийг нягталлаа.

Мэдээллийг medleg.me гэх сайтад нийтэлсэн бөгөөд Боловсрол, шинжлэх ухааны сайд Л.Энх-Амгалангийн зургийг оруулжээ. Агуулгыг дэлгэрүүлбэл “ЕБС сургуулийн хүүхдүүдийг 7 настайгаас нь эхлүүлэх санал гарчээ. Энэ тухайд арай батлагдаагүй байгаа ба хүүхдийн хүмүүжүүлэх эмэгтэй хүүхэдтэй зөв харьцах харилцааг эзэмшүүлэх гэх мэт саналыг гаргасан байна. Одоогоор арай шийдэгдээгүй байгаа ба УИХ энэ долоо хоногт хийх ажлуудаа баталсан. БЗД 80,000 иргэнийг шинжилгээнд хамрагдуулахаар ажил эхэллээ. 2,2 цагаар хувиартай байрнуудаар явж авна. Хөдөө орон нутагт явах гэж байгаа хүмүүс өөр харьяаны ачаалал багатай газраар өгнө. Эх сурвалж: goldenecos.com” гэсэн байна.

Ингээд доор нь ОХУ-ын Ерөнхийлөгч Владимир Путин улсынхаа 7 нас хүртэлх бүх хүүхдэд шинэ жилийн бэлэг болгон 5000 рубль буюу 200,000 төгрөг өгөхөөр болсон гэсэн paparazzi.mn гэсэн зураг, У.Хүрэлсүх, Х.Нямбаатар нарын зураг, Шадар сайд асан Я.Содбаатарын зургийг оруулжээ.

УИХ-ын хаврын чуулганаар боловсролын салбар тэр дундаа Сургуулийн өмнөх болон бага, дунд боловсролын тухай хуулийн шинэчилсэн найруулгын төслийг хэлэлцэхээр товлосон. Гэхдээ энэ хуулийн төсөлд 7 настайгаас сургуульд элсүүлэх талаар заалт байхгүй. Мөн хараахан УИХ-ын байнгын хороодоор хэлэлцүүлж эхлээгүй байгаа юм.

Мөн УИХ-ын чуулган энэ долоо хоногт хуралдахгүй зөвхөн ажлын хэсгүүд хуралдах болохыг УИХ-ын Тамгын газраас мэдээлээд буй. Гэхдээ хэлэлцэх асуудлын жагсаалтад боловсролын салбартай холбоотой хуулийн төсөл байхгүй байгаа юм.

Мөн Боловсрол, шинжлэх ухааны яамнаас тодруулахад салбар яамнаас ийм санал гаргаагүй гэдгийг хэллээ.

Мөн БШУЯ-ны веб сайт болон салбарын сайд Л.Энх-Амгалангийн албан ёсны цахим хуудаст ЕБС-ийн сурагчдын сургуульд орох насны тухай хэлэлцсэн талаар мэдээлэл байхгүй байна.

Өөрөөр хэлбэл дээрх мэдээлэл худал гэдэг нь нотлогдож байна.

Тухайн сайтын тухайд холбоо барих гэсэн мэдээллийн хэсэггүй, өнөөдөр оруулсан бүх мэдээлэл нь Altangerel гэсэн ганцхан нэрээр орсон төдийгүй, шэйр хийх, санал өгөхийг уриалсан шинж бүхий мэдээлэлтэй байгаа нь итгэж болох эх сурвалж биш байж болох талтай байна.

Төстэй мэдээлэл

Коронавирусийн дельта хувилбар дэлхийн улс орнуудад илэрч, халдвар дахин нэмэгдэх болов. Үүнтэй зэрэгцээд олон нийтийн сүлжээгээр вакцинтай холбоотой олон нийтийг төөрөгдүүлсэн элдэв пост зөвхөн Монголд төдийгүй гадны улс орнуудад ч тархсаар байна. Тиймээс нийгэмд буруу ойлголт өгсөн мэдээллүүдийг олон улсын баримтыг нягтлагчид шалган нягталж түгээсээр байгаа юм. Наймдугаар сарын 5-нд USA Today-ийн нягталсан мэдээллийг хүргэе. […]

Нийслэлийн удирдах ажилтны шуурхай зөвлөгөөн өнөөдөр 08:00 цагт товлогдож, өвөлжилтийн бэлтгэл ажлын талаар хэлэлцэх төлөвлөгөөтэй байв. Гэвч хурлын ирц хангалтгүй, маш олон газар, хөтөлбөрийн дарга ирээгүй тул хотын даргын үүрэг гүйцэтгэгч Ж.Батбаясгалан тэднийг чөлөөлж, хариуцлага тооцох талаар мэдэгдсэн юм. Тэрбээр: Авто замын газар Аялал жуулалчлалын газар Боловсролын газрын дарга Газрын албаны дарга Орон сууцны, дэд […]

Өнгөрсөн 2016-2020 онд нийслэлийн Засаг даргаар ажилласан эрхмүүдээр livetv С.Батболд, С.Мөнхчулуун, С.Амарсайхан, Ж.Батбаясгалан нарыг нэрлэж, зурагтай нь мэдээлсэн нь ташаа байна.  2016 оны орон нутгийн сонгуулийн дараа С.Батболд хотын даргаар сонгогдон ажилласан ч 2018 оны арванхоёрдугаар сард ажлаа хүлээлгэн өгсөн юм. Ингэснээр тэрбээр анх удаа өөрийн хүсэлтээр албан тушаалаасаа буусан хотын мээр болж байв. Ийнхүү […]

Товч агуулга Amar Erdene гэх фэйсбүүк хэрэглэгч 2024.12.07-нд дараах постыг нийтэлжээ. Үүнд “Бид буюу хүн төрөлтөн ирээдүйд ямар нэг ургын гажиггүй ген буюу монгол зэрлэг дархлааг хайх боловч, тэр үед та нарын хийсэн өнөөдрийн вакцины гайнаас болж өөрийгөө хамгаалах дархлаагүй мал мэт болно. Дархлаан систем төрөхөөсөө асар хүчтэй кодтой бөгөөд, ямар ч нөхцөлд тэсэн амьдрах […]

Miniih – Минийх нэртэй фэйсбүүк хуудаст “Ковид тусаагүй хариуцлагатай иргэдээ урамшуулна” гэх мэдээллийг оруулжээ. Энэхүү мэдээллийг нягталлаа. Уг мэдээллийг https://xyznews24.com гэх сайт оруулсан бөгөөд тухайн мэдээлэлд “Өнөөдөр нийгмийн бодлогын байнгын хорооны хуралдаан Төрийн ордонд болж байна. Хуралдааны үеэр УИХ-ын гишүүн, Нийгмийн бодлогын байнгын хорооны дарга М.Оюунчимэг ковид тусаагүй иргэдээ төрөөс урамшуулах хэрэгтэй талаар онцлов. Тэрбээр […]

Товч агуулга Зургаан сартайгаас доош насны хүүхдийг ээж нь вакцин хийлгэсний дараах эхний 48 цагт хөхүүлэхдээ болгоомжтой байхыг судлаачид сануулаад судалгааны үр дүнд вакцинжуулалт нь аюулгүй байсан гэдгийг хэлжээ. Аль нэг вакцин нь хөхөөр хооллож буй нярай хүүхдэд хор хөнөөл учруулдаг гэсэн нотолгоо байхгүй. Вакцин нь эхчүүдийн хөхний сүүнд коронавирус буюу SARS-CoV-2-ыг таньдаг эсрэгбие, тэр […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх