КОВИД-19 вакцин Англид хүүхдийн нас баралтыг нэмэгдүүлсэн – ТӨӨРӨГДҮҮЛСЭН

Товч агуулга

Эмнэлзүйн хувьд эмзэг бүлгийн хүүхдүүдийг COVID-19-ийн вакцинжуулалтад хамруулахыг чухалчилсан тул вакцин хийлгээгүй хүүхдүүдийн нас баралтын түвшин илүү өндөр байна гэдгийг Английн ҮСХ-ны хэвлэлийн төлөөлөгч тайлбарлажээ.

Эмнэлзүйн хувьд эмзэг бүлгийн хүүхдүүд, залуучууд хавсарсан өвчингүй хүмүүсээс хамаагүй эрт вакцин хийлгэсэн.

Англид 35-аас доош насны нэг ч хүн COVID-19-ийн эсрэг вакцин хийлгэсний улмаас нас бараагүй.



КОВИД-19-ийн эсрэг вакцин Англи улсад хүүхдийн нас баралтыг нэмэгдүүлж байна гээд Их Британийн Үндэсний статистикийн хороог эш татсан постууд олон нийтийн сүлжээнд ихээр цацагджээ.

Тэгвэл уг мэдээллийг Ройтерс агентлаг нягтлаад ХУДАЛ хэмээн үнэлсэн байна.

Factcheck:

Уг мэдээллийг вакцины талаар байнга ташаа мэдээлэл түгээдэг сайтад гарсан бөгөөд коронавирусийн эсрэг вакцин хийлгэсэн хүүхдүүдийн нас барах магадлал 52 дахин их байгаа тухай бичжээ.

Уг мэдээллийг бэлтгэхдээ 2021.01.01-10.31-ний хооронд хийсэн вакцинжуулалтаас үүдэлтэй нас баралтын талаарх статистикийг 10-14 болон 15-19 насныхны нас баралтын түвшинтэй харьцуулсан хэмээн тайлбарласан байна.

Уг мэдээллийг дараах байдлаар олон нийтийн сүлжээнд хүмүүс шэйрлэж эхэлжээ.

Тэгвэл уг дата мэдээлэл нь маш ихээр төөрөгдүүлсэн болохыг Английн ҮСХ-ны хэвлэлийн төлөөлөгч Ройтерс агентлагт албан ёсоор мэдэгдсэн байна.

Нэгдүгээрт, 35 ба түүнээс дээш насны бүлэгт Англи, Уэльс даяар КОВИД-19-ийн вакцинжуулалттай холбоотой нас барсан хэмээх 15 тохиолдол бүртгэгдсэнээс 10 нь вакцинд хамрагдсан нь үндсэн шалтгаан гэж бүртгэгджээ.

Хоёрдугаарт, эмнэлзүйн хувьд эмзэг бүлгийн хүүхдүүдийг COVID-19-ийн вакцинжуулалтад хамруулах ажил нэн тэргүүнд тавигдсан тул вакцин хийлгээгүй хүүхдүүдийн нас баралтын түвшин илүү өндөр байна гэдгийг Английн ҮСХ-ны хэвлэлийн төлөөлөгч тайлбарласан байна.

Түүнчлэн “Вакцинжуулалтын улмаас нас барсан” гэсэн бүртгэл буюу 2021.01-10 сард эмнэлзүйн хувьд эмзэг хүүхдүүд COVID-19 вакцинд хамрагдах боломжтой байсныг ҮСХ-ны төлөөлөгч нь хэлжээ. Өөрөөр хэлбэл, эмнэлзүйн хувьд эмзэг залуучууд хавсарсан өвчингүй хүмүүсээс хамаагүй эрт вакцин хийлгэсэн байна.

Англи улс 2021.08 сараас эмнэлзүйн эмзэг бүлгийн 12-15 насны хүүхдүүд болон дархлаа султай хүмүүсээ вакцинд хамрагдахыг санал болгож эхэлсэн. Вакциныг 2021.09 сар хүртэл Английн 12-15 насны бүх хүүхдэд хийгээгүй гэсэн үг юм. 2022.01.30-ныг хүртэл 5-11 насны эмзэг бүлгийн хүүхдүүд COVID-19-ийн тэсрэг вакцинд хамрагдаагүй байна.

Өөрөөр хэлбэл, вакцинд хамрагдсан хүүхдүүдийн тоо вакцин хийлгээгүй хүүхдүүдийнхээс бага бөгөө вакцин хийлгэсэн бүлэгт тодорхой хавсарсан өвчтэй хүүхдүүд голчлон хамрагдаж байгаа аж.

Иймд “Эмнэлзүйн хувьд эмзэг хүүхэд, залуусын нас баралтын түвшин хавсарсан өвчингүй хүүхдүүдтэй харьцуулахад өндөр байдаг нь вакцин хийлгэсэн өсвөр үеийнхний нас баралтын түвшин вакцин хийлгээгүй хүмүүсээс өндөр байгааг тайлбарлаж байна” гэдгийг ҮСХ-ны хэвлэлийн төлөөлөгч Ройтерс агентлагт тайлбарлажээ.

Вакцин хийлгэсэн бүлэг нь ихэвчлэн эмнэлзүйн эмзэг бүлгийн хүүхдүүд байдаг тул вакцин хийлгэсэн хүүхдүүдийн эндэгдэл өндөр байна гэсэн үг. Англид 35-аас доош насны нэг ч хүн COVID-19-ийн эсрэг вакцин хийлгэсний улмаас нас бараагүй.

Тиймээс дээрх мэдээлэл нь олон нийтийг төөрөгдүүлсэн ТАШАА агуулга хэмээн үнэлжээ.

Эх сурвалжууд:

https://www.reuters.com/article/factcheck-coronavirus-vaccines-idUSL1N2UT0RC

https://www.gov.uk/government/news/all-young-people-aged-16-and-17-in-england-to-be-offered-vaccine-by-next-week

https://www.reuters.com/world/uk/britains-top-medics-recommend-12-15-year-olds-get-covid-vaccine-2021-09-13/

https://www.england.nhs.uk/2022/01/nhs-expands-covid-vaccinations-to-the-most-vulnerable-5-to-11-year-olds

НҮБ-ын Хүүхдийн сантай хамтран бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Khas Zaya гэх фэйсбүүк хэрэглэгч “Ж.Соронзон давж заалдаад

Коронавирусийн дельта хувилбар дэлхийн улс орнуудад илэрч, халдвар дахин нэмэгдэх болов. Үүнтэй зэрэгцээд олон нийтийн сүлжээгээр вакцинтай холбоотой олон нийтийг төөрөгдүүлсэн элдэв пост зөвхөн Монголд төдийгүй гадны улс орнуудад ч тархсаар байна. Тиймээс нийгэмд буруу ойлголт өгсөн мэдээллүүдийг олон улсын баримтыг нягтлагчид шалган нягталж түгээсээр байгаа юм. Наймдугаар сарын 5-нд USA Today-ийн нягталсан мэдээллийг хүргэе. […]

Билгүүн номч Бямбын Ринчен, Домогт “Битлз” хамтлагийн гишүүн асан, хөгжимчин, ая зохиогч Жон Леннон нарын зураг ойрын өдрүүдэд олон нийтийн сүлжээгээр түгээд буй.  Уг зургийг бид нягтлахад эвлүүлэг болох нь нотлогдлоо. Тодруулбал, Жон Ленноны уг зураг нь 1974 оны наймдугаар сарын 29-нд Нью-Йорк хотноо гэрэл зурагчин Боб Груэний авсан зураг ажээ. Боб Груэн энэ зургийн […]

Товч агуулга Долдугаар сарын дунд ба наймдугаар сарын эхээр л гэхэд вакцин хийлгээгүй хүмүүс COVID-19-ийн улмаас нас барах тохиолдол нь бүүстер тун хийлгэсэн хүмүүсийнхээс 10 дахин их байна. Вакцины нөлөөгөөр хүний биеийн дархлаа муудах, үгүй болох гэсэн ойлголт байхгүй. COVID-19 вакцинаар тогтсон дархлаа нь өвдсөнөөс илүү найдвартай, аюулгүй хамгаалалт болдгийг судалгааны үр дүнгээр тогтоосон. Tata […]

Товч агуулга Газрын тухай хуульд хамгийн сүүлд 2022.07.05-нд нэмэлт өөрчлөлт оруулсан ба дээр пост дахь агуулга бүхий заалт алга. Ж.Энхбаяр одоогоор парламентад дэвшиж, сонгогдоогүй буюу УИХ-ын гишүүн биш, Үндэсний Аюулгүй Байдлын Зөвлөлийн нарийн бичгийн даргаар ажиллаж байна. Уг бичлэг дорж хаяж хоёр жилийн өмнөх үйл явдлыг харуулж байна. Хөтлөгч Ezo Enhzorig нэртэй фэйсбүүк хаягаас 2022.09.15-ны […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх