Нүүр хуудас Нягталсан мэдээлэл Ковид-19 Монголд мал амьтан ковид туссан уу?

|

Монголд мал амьтан ковид туссан уу?

Д. Даваасүрэн гэх фэйсбүүк хэрэглэгч “Хятад вакцин хийлгэсэн хүн бүр толгой дараалан өвдөж, Аймагуудад PCR хийхгүйгээр ТШ оношоор олон мянган хүнийг эмчилгээнд оруулаад улсын мэдээнд тусгахгүй дарагдуулж, Хөдөө маш хүнд байна. Мал амьтанд ковид..,” гэх постыг 2021.09.29-нд нийтэлжээ.

Уг агуулгыг нягталлаа.

Factcheck:

Монгол Улс дахь КОВИД-19 цар тахлын нөхцөл байдлаар Үндэсний статистикийн хороо ХӨСҮТ-ийн тоон мэдээлэлд үндэслэн хийсэн судалгаагаар 2021.08.31-ний байдлаар нийт батлагдсан тохиолдлуудын 60.4 хувь нь аль нэг төрлийн вакцины нэг болон хоёр тунд хамрагдсаны дараа өвчилсөн байна. Тодруулбал, өвчилсөн иргэдийн 6.8 хувь нь нэгдүгээр тунд хамрагдсаны дараа, 53.6 хувь нь бүрэн тунд хамрагдсаны дараа өвчилсөн байна. 

Үүнийг вакцины төрлөөр нь ялгаж харуулснаас үзвэл АстраЗенека хийлгэсэн хүмүүсийн 10, Спутник хийлгэсэн хүмүүсийн 9.7 хувь нь халдвар авсан бол Синофарм үйлдвэрийн Вероселл буюу хятад вакцин хийлгэсэн хүмүүсийн 5.6, Файзер хийлгэсэн хүмүүсийн 3.9 хувь нь халдварт өртжээ.

Тиймээс хятад вакцин хийлгэсэн хүн бүхэн өвчилсөн гэдэг нь үндэслэлгүй байна. 

Коронавирусийн эсрэг вакцин хийлгэсний дараа халдвар авах боломжтой. Харин вакцинд хамрагдсанаар тухайн хүн коронавирусийн халдварын улмаас хүндрэх, эмнэлэгт хэвтэх, нас барах эрсдэлээс сэргийлэхээс гадна КОВИД-19-ийн халдварыг тархаахгүй байх хамгийн сайн арга болохыг ДЭМБ, АНУ-ын Халдварт өвчний хяналт, сэргийлэлтийн төв, Жон Хопкинсын их сургууль зэрэг мэргэжлийн байгууллагуудын судалгаа, зөвлөгөөнүүдийн дагуу мэдээлсээр байгаа.

Эрүүл мэндийн яам коронавирусийн халдварын нөхцөл байдлыг өдөр бүр мэдээлэхдээ PCR-ийн шинжилгээгээр батлагдсан тохиолдлуудаа зарлаж байгаа гэдгээ мэдээлж буй. 2021.10.29-ний мэдээллээр орон нутаг 671 тохиолдол шинээр нэмэгдсэнийг PCR-аар баталгаажуулсныг мэдээлсэн.

Тиймээс орон нутагт PCR шинжилгээ авахгүй дарж байна гэдэг нь үндэслэлгүй байна.

Монгол Улсад КОВИД-19-ийн халдварын тохиолдол батлагдсанаас хойш малд халдвар тархсан талаар мэдээлэл гарч байгаагүй юм. Энэ талаар Зоонозоны Өвчин Судлалын Үндэсний төвөөс тодруулахад “Мал, болон гэрийн тэжээвэр амьтанд КОВИД-19-ийн халдвар тархсан тохиолдол минжин дээр л гарсан” гэдгийг хэлж, малд ковид тархсан гэдэг агуулгыг няцаалаа. Өнгөрсөн наймдугаар сард Улаанбаатар хотын минж үржүүлгийн газрын долоон минжнээс коронавирусийн халдвар илэрснийг ЗӨСҮТ өмнө нь мэдээлж байв.

Иймд Д. Даваасүрэн гэх дээрх фэйсбүүк хэрэглэгч нь олон нийтийн сүлжээнд иргэдийг төөрөгдүүлсэн, ташаа мэдээлэл түгээсэн байна.

Цар тахлын энэ үед коронавирусийн халдвартай холбоотой аливаа мэдээллийг баталгаатай, албаны эх сурвалжаас авч, үргэлж нягталж байхыг FactCheck Mongolia сануулсаар байгаа билээ.

Эх сурвалжууд:

ЗӨСҮТ

https://1212.mn/BookLibraryDownload.ashx?url=2021%20VIII%20rev.pdf&ln=Mn

https://www.cdc.gov/coronavirus/2019-ncov/vaccines/effectiveness/why-measure-effectiveness/breakthrough-cases.html

https://www.hopkinsmedicine.org/health/conditions-and-diseases/coronavirus/breakthrough-infections-coronavirus-after-vaccination

https://www.who.int/emergencies/diseases/novel-coronavirus-2019/media-resources/science-in-5/episode-49-can-i-get-infected-after-vaccination

НҮБ-ын Хүүхдийн Сангийн дэмжлэгтэй нягтлав.

Энэ зургийн alt аттрибут хоосон байна. Нэр нь - unicef-japan-gov-1024x576.png
 

Төстэй мэдээ

МУБИС-ийн 2 оюутнаас халдвар илэрч, 6 оюутан халуурч байна – ХУДАЛ

МУБИС-ийн хоёр оюутнаас халдвар илэрч, зургаан оюутан халуурч байгаа талаар олон нийтийн сүлжээ, зарим хэвлэл мэдээллийн байгууллагууд мэдээлээд байна. Тэгвэл энэ нь худал болохыг...

Токио 2020 Олимп зохион байгуулагдахгүй гэсэн мэдээлэл ХУДАЛ!

Коронавирусийн халдвар ихсэж байгаатай холбоотойгоор Токио 2020 зуны Олимп зохион байгуулагдахаа больсон гэх мэдээлэл өчигдрөөс Япон улс болон бусад олон улсын нийгмийн мэдээллийн сүлжээнд...

ЗГ: Хүүхдийн мөнгийг 11 сарын 17-ноос олгоно – ХУДАЛ, шилжүүлж эхэлсэн – ХУДАЛ

Өчигдөр буюу 2020 оны арваннэгдүгээр сарын 16-ны өдөр Улсын онцгой комиссын хуралдааны дараа Засгийн газрын албан ёсны мэдээллийг дамжуулдаг Zasag.mn сайтад “Маргаашаас хүүхдийн 100...

УИХ-ын гишүүн Ж.Чинбүрэнгийн “Мэдээллийн урсгал”-аар өгсөн ВАКЦИНТАЙ холбоотой ХУДАЛ МЭДЭЭЛЛҮҮД

Коронавирусийн эсрэг Дархлаажуулалтын ажлын хэсгийн ахалж байгаа, УИХ-ын гишүүн Ж.Чинбүрэн 2021 оны дөрөвдүгээр сарын 28-ны өдөр “Мэдээний урсгал” нэвтрүүлэгт орохдоо вакцины талаар мэдээлэл өгсөн. Эдгээр...

БШУЯ: Сурагчдын амралтын хугацааг наашлуулах талаар яриагүй

Боловсрол, шинжлэх ухааны сайдын тушаалаар энэ жилээс эхлэн ерөнхий боловсролын сургуулийн хичээлийн жилийн бүтцэд өөрчлөлт оруулж, гурван улирлаар хичээллүүлэх болсон. Тиймээс амралтын хуваарьт...

Хандив өгөх

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно. 

Биднийг дэмжсэн танд маш их баярлалаа.

FACTCHECK апп суулгах заавар

Та FACTCHECK сайтын PWA аппыг суулгахын тулд товчийг дарж дараа нь ‘Add to Home Screen’ товчийг дарна уу.

Та FACTCHECK сайтын PWA аппыг суулгахын тулд ‘Суулгах’ товчийг дарна уу.
Суулгах
Та FACTCHECK сайтын PWA аппыг суулгахын тулд товчийг дарж дараа нь ‘Install’ товчийг дарна уу.
Та FACTCHECK сайтын PWA аппыг суулгахын тулд SAFARI ICON товчийг дарж дараа нь ‘Add to Home Screen’ товчийг дарна уу.
Та FACTCHECK сайтын PWA аппыг суулгахын тулд вэб хөтчийнхөө ‘Add to Home Screen’ товчийг дарна уу.
Та FACTCHECK сайтын PWA аппыг суулгахын тулд холбоос оруулдаг нүдний баруун талд байгаа тэмдэг дээр дарж ‘Install’ товчийг дарж суулгана уу.
Одоогоор FACTCHECK сайтын PWA апп нь таны вэб хөтөч дээр суулгах боломжгүй байна. Та дараах хөтчийг татаж суулгаад манай PWA аппыг суулгах боломжтой:

Та дараах маягтыг бөглөж бидэнтэй холбоо барина уу:

FACTCHECK нягталсан мэдээлэлдээ үнэлгээг хэрхэн хийдэг вэ?

Нягтлуулах, хуурамч мэдээлэл илгээх

Та хаа нэгтээ эргэлзээтэй мэдээлэлтэй таарсан уу? Ялангуяа олны танил, улс төрчдийн хэлсэн эргэлзээтэй мэдээлэл унгиж эсвэл сонссон уу? Бидэнд нягтлуулах мэдээллээ илгээгээрэй!

Мэдээлэл илгээхдээ тухайн мэдээллийг олж уншсан эх сурвалжийн линк (url) болон огноог бичнэ үү.

Бид таны имэйл хаягыг мэдээллийг нягтлан шалгах зорилгоор тантай холбоо барихаас бусад зорилгоор ашиглахгүй болно.