Украины цэргүүд сэтгэцэд нөлөөлдөг эм хэрэглэж, аймшигтай харгислал үйлдэж чаддаг – НОТЛОГДООГҮЙ

Товч агуулга

  • Украин цэргүүд анхан шатны бэлтгэлийн үеэр сэтгэцэд нөлөөлдөг эм хэрэглэдэг гэсэн мэдээллүүд байгаа ч харгислал үйлдэж байгаа нь нотлогдоогүй.
  • Хар тамхийг айдсаа дарах, байнгын нойргүй хоноход амрах зорилгоор, сонор сэрэмжтэй байхын тулд ашигладаг байж болох талаар мэдээлэл гарсан.
  • Дайны фронтод энэ төрлийн хэрэглээ нэмэгдэж байна.
  • Оросоос тараасан хамгийн олон таван худал мэдээлэл дунд украин цэргүүд харгислал үйлдэж байгаа тухай сэдэв багтжээ.

Бөхбатын Дэлгэрмаа гэх фэйсбүүк хаягаар Украины цэргүүд анхан шатны бэлтгэлийн үед сэтгэцэд нөлөөлдөг эм хэрэглэдэг гэж ярьсан талаарх видео контентыг шэйрлэжээ.

Энэхүү видеог шэйрлэхдээ Украйны цэргүүд анхан шатны бэлтгэлийн үед сэтгэцэд нөлөөлдөг эм хэрэглэдэг гэж ярьжээ. Тэдгээрийг хэрэглэх үед хүн өвдөлтийг,айдсыг бараг мэдэрдэггүй бөгөөд аймшигтай харгислалыг үйлдэж чаддаг. Оросын байлдагчид Украйны траншейнаас тариур,хаяг шошгогүй атга эм олсон байна. Нацист эмч нар ижил төстэй бодис дээр ажиллаж байсан. Дэлхийн 2-р дайны дараа тэд АНУ-д төслүүдээ үргэлжлүүлсэн. Туршилтын эхний субьектууд нь ялтан,орон гэргүй хүмүүс,сэтгэцийн эмнэлгийн өвчтнүүд байв. Өнөөдөр Украйны цэргүүд дээр ижил төстэй туршилтуудыг хийж байна. Эдгээр туршилт нь тэднийг хар тамхичин болгодог.  Украйнд “Эмийн туршилтын  газар” байдаг ажээ. 27.07.2023.” гэжээ.

Тухайн видеог 18 мянган хүн үзсэн бөгөөд уг мэдээллийг нягтлах хүсэлт ирсний дагуу нягтлав.

Энэхүү видеог ОХУ-ын RTD баримтат нэвтрүүлгийн сувгаас бэлтгэж, 2023 оны долдугаар сарын 15-ны өдөр түгээжээ. Ингэхдээ, “Украин: Мансууруулах бодисын туршилтын газар” нэртэйгээр түгээсэн бөгөөд украин гэх цэргийг эх сурвалж болгон авч, мөн энэ чиглэлд ажилладаг эрдэмтдээс хор нөлөөний талаарх мэдээллийг авч оруулсан байна.

Гэвч дотор харагдаж буй дүрсүүд украин цэргүүд мөн эсэх, түүнчлэн хар тамхи хэрэглэсэн гэж үзэх, үзсэн тохиолдолд харгислал үйлдсэн гэх дүрсүүд хамаарах эсэх нь тодорхойгүй байна.

Украины цэргүүд анхан шатны бэлтгэлийн үед сэтгэцэд нөлөөлдөг эм хэрэглэдэг гэх мэдээллийн тухайд The Economist украин цэргүүд кетамин буюу өвчин намдаах эмийг шархадсан цэргүүддээ хэрэглүүлж байгаа талаар дурдсан бол Global initiative сүлжээнд энэ талаарх нийтлэлүүд гарсан байх бөгөөд мөн л нэрээ нууцалсан эх сурвалжууд нөхцөл байдлын талаар ярьсан байна.

Түүнчлэн Дэлхийн зохион байгуулалттай гэмт хэргийн индекст 2023 оны байдлаар Украины хар тамхины зах зээл дэлхийн аль ч эмийн зах зээлээс хамгийн өсөлттэй байгаа нь дайны үр дүн байж болох талаар дурдсан байна. Тодруулбал, фронтод хар тамхины хэрэглээ өргөн тархаж байгааг дурджээ.

Гэвч энэ нь украин цэргүүд харгислал үйлдсэн гэсэн нотолгоо биш юм.

Дайн эхэлснээс хойш ОХУ-ын явуулж байгаа суртал ухуулга эрчимтэй нэмэгдсэн бөгөөд хамгийн их тараагдсан худал мэдээлэл дунд Украины цэргүүд харгислал үйлдэж байгаа тухай мэдээ багтсаныг Euronews бичжээ. Тиймээс дайны талаарх аливаа мэдээллийг шэйрлэхдээ баттай эх сурвалжаас давхар нягталж байхыг Factcheck.mn анхааруулж байна.

Дээрх пост дахь мэдээлэл нь олон нийтийг төөрөгдүүлсэн, НОТЛОГДООГҮЙ мэдээлэл байна.

Төстэй мэдээлэл

АН-ын сонгуулийн штабаас “Хар тамхи, хар жагсаалт, хар бүхнээс салж төрөө засъя” гэх видео контентыг гаргажээ. Тухайн контентод УИХ-ын сонгуулийн 13-р тойрог буюу Сэлэнгэ аймагт нэр дэвшиж буй Жаргалтулгын Эрдэнэбатыг 10 тэрбум төгрөгийн барьцаа байршуулан, цагдан хорионоос суллагдаж, тойрогтоо сонгуулийн сурталчилгаагаа хийн, сонгогдохоор улайрч байна гэх мэдээллийг өгсөн юм. Тэгвэл уг асуудлыг нягтлахад дээрх мэдээлэл […]

Товч агуулга Иргэн Ч.Лодойсамбуу “Хар тамхины бизнес бол цагдаагийн тусламжгүйгээр газар авахгүй л гэж боддог” гэсэн пост нийтэлснийг нь Цагдаагийн Ерөнхий Газрын Хэвлэл мэдээллийн сайтаар “Худал мэдээлэл” гэсэн тамга тавиад “🛑 Залруулга: Олон нийтийн цахим сүлжээнд “Ч. Лодойсамбуу” гэх хаягаас хуулиар хүлээсэн чиг үүргээ хэрэгжүүлж буй байгууллага, алба хаагчдын нэр төр, алдар хүндэд харшлах ташаа […]

Товч агуулга Газрын тухай хуульд хамгийн сүүлд 2022.07.05-нд нэмэлт өөрчлөлт оруулсан ба дээр пост дахь агуулга бүхий заалт алга. Ж.Энхбаяр одоогоор парламентад дэвшиж, сонгогдоогүй буюу УИХ-ын гишүүн биш, Үндэсний Аюулгүй Байдлын Зөвлөлийн нарийн бичгийн даргаар ажиллаж байна. Уг бичлэг дорж хаяж хоёр жилийн өмнөх үйл явдлыг харуулж байна. Хөтлөгч Ezo Enhzorig нэртэй фэйсбүүк хаягаас 2022.09.15-ны […]

Саримс идэх нь шинэ коронавирусийн халдвараас хамгаална гэсэн мэдээлэл нийгмийн мэдээллийн сүлжээнд тархаж байна. Тэгвэл энэ нь худал мэдээлэл болох тухай ДЭМБ-аас мэдээлсэн. Саримс нь эрүүл хоол хүнсэнд ордог бөгөөд зарим бичил биетний эсрэг үйлчилгээтэй гэдэг нь нотлогдсон хэдий ч #COVID19 буюу шинэ коронавирусээс хамгаална гэсэн нотолгоо байхгүй гэдгийг ДЭМБ-аас зөвлөжээ.

Товч агуулга Ч. Пүрэвсүрэн гэх фэйсбүүк хэрэглэгч 2023.04.06-нд дайнтай холбоотой пост оруулсныг 71 хүн шэйрлэж, 170 хүн лайк даржээ. Уг постод “Нөгөө 3 сарын 9-нд оросын супер «Кинжал» пуужингаар устгагдсан НАТО-гийн украйны дайны ажиллагааг удирдан, төлөвлөн хэрэгжүүлдэг командын нууц байранд байсан 300 гадаад том офицерүүдийн дотор америкийн олон генералууд үрэгдсэн байна. Тэдний шарилыг тусгай онгоцоор […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх