Монгол эрчүүдийг ОХУ руу сайн дурын цэрэг татлагад бүртгэнэ гэх мэдээлэл ХУДАЛ

Батлан хамгаалах яам, ОХУ-ын Батлан хамгаалахын сайд гэсэн лого бүхий “Сайн дурын цэрэг татлага” гэсэн зарлал бүхий постер цахим орчинд тарсан. Энэхүү зарлалд “ОХУ-ын Луганск, Донецкийн Бүгд найрамдах улсад явуулж буй цэргийн тусгай ажиллагаатай холбогдуулан Монгол Улсын 18-45 насны эрэгтэйчүүдийг гэрээт цэргийн албанд бүртгэж эхэллээ. Орос ахан дүүстэйгээ цуг Тужийн нарс, Халх гол, Чөлөөлөх дайнд мөр зэрэгцэн тулалдаж явсан он жилүүдээ эргэн дурсаж НАТО-гийн гар хөл болсон Украины эсрэг ариун дайнд мордоцгооё” хэмээн бичжээ.

Мөн энэхүү цэрэг татлагын бүртгэл 2022 оны 10-р сарын 1-нээс эхлэн ОХУ-ын Элчин сайдын яаман дээр явагдана гэсэн байх бөгөөд иж бүрэн шинжилгээний төлбөрийг ЭМНД-ийн сангаас олгоно гэсэн байна.

Энэ мэдээллийг хуурамч мэдээллийн эсрэг Fact Check Mongolia сүлжээний гишүүн GoGo.mn сайт нягтлан хуурамч болохыг мэдээлжээ.

GoGo.mn сайт Батлан хамгаалах яамнаас тодруулахад “Энэ бол худал мэдээлэл. Бид удахгүй албан ёсны мэдэгдэл гаргаж нийтэлнэ” гэсэн байна.

Мөн Зэвсэгт хүчний жанжин штабтай холбогдоход “Монгол бол тусгаар тогтносон улс. Манай иргэд өөр улсад цэргийн алба хаахгүй. Ямар зорилгоор ийм мэдээлэл цахим орчинд тарааж буйг нь тогтоогоогүй байна” гэсэн мэдээллийг өгсөн болохыг мэдээллээ.

Төстэй мэдээлэл

Худал

Нэмэлт тун хийлгэж буй хүмүүс ХДХВ-ийн халдвартай – ХУДАЛ

Товч агуулга Хэдийгээр ДОХ өвчин нь вирусээр үүсгэгддэг

Японы Ерөнхий сайдын тухай хуурамч мэдээлэл Монголд түгээжээ

Р. Адъяасүрэн
2020-03-17

Тэгвэл уг мэдээллийг нягталж шалгахад зураг эвлүүлсэн байжээ. Мөн япон хэл дээрх текстэд Ерөнхий сайд гамшиг болсон газартай танилцсан тухай л өгүүлжээ. Харин түүний доод хэсгийн зургийг эвлүүлэн хуурамчаар хийжээ. Уг зурган дээрх үйл явдал бол 2019 оны 10 сарын 17-ны өдөр Японы зүүн хойд хэсгээр далайн хүчтэй хар шуурганд өртсөн Фукушима, Мияги зэрэг мужийн […]

Хятадын 100 хувийн хөрөнгө оруулалттай компани НӨӨЦИЙН МАХ нийлүүлсэн нь үнэн

“Цан сан тиан ий”, “Дун юань хаа” ХХК гэх Хятад компаниудын үйлдвэрлэсэн НӨӨЦИЙН МАХ-ны шошго бүхий зураг, хятадуудаар стратегийн хүнсээ бэлдүүлэхийг эсэргүүцсэн пост, сэтгэгдлүүд сүүлийн өдрүүдэд нийгмийн сүлжээгээр тарж байна. Дурьдвал: “Монголчууд биднийг маш дорд үзэж, гол хүнс болох махыг маань Хужаа нараар бэлтгүүлж, аюулгүй байдалд заналхийлж байна. Мах бол Монголчуудын гол хүнс. Гэвч тэрхүү […]

Худал

Д.Сумъяабазар: Иргэд ухамсартай байвал хөл хорьж, цагдахгүй – ХУДАЛ

Цолмонбаатар Тамир
2021-03-29

Монгол Улс Media фэйсбүүк группт “Д.Сумъяабазар: Иргэд ухамсартай байвал хөл хорьж, цагдахгүй” гэсэн мэдээг оруулжээ. Ингэхдээ “Ард түмэн ухамсаргүйдээ яасан юм бэ. Эцсийн эцэст улстөрчид л ард иргэдийг турхирч байгаагаас биш эгэл жирийн иргэд ар гэртээ байх нь байж, ажлаа хийх нь хийгээд мөрөөрөө л байна даг. Хотын дарга та багахан шиг даапална уу” гэсэн […]

Германд Омикроны халдвар авсан хүмүүсийн 96% нь вакцины бүрэн тунтай байсан уу?

Дэлхий дахинд тархаад байгаа коронавирусийн омикрон хувилбартай холбоотойгоор олон нийтийн сүлжээгээр энэ талаарх иргэдийг төөрөгдүүлсэн мэдээлэл маш их тархаж байна. Германы институт нийт омикроны халдвараар өвчилсөн хүмүүсийн 96% нь вакцины бүрэн тунтай байсан гэсэн мэдээлэл мөн олон нийтийн сүлжээнд таржээ. Энэхүү мэдээллийг нягталж өгөх хүсэлт уншигчаас ирсний дагуу FactCheck.mn нягталлаа. FactCheck: Германы Роберт Кохын институт […]

Худал

Ковид19 тестийн ЭЕРЭГ гэсэн үр дүн халдвартай гэсэн үг биш -ХУДАЛ

Batchuluun Natsagdorj гэх фэйсбүүк хэрэглэгч “Хүн төхөлхтний эсрэг үйлдэж буй хамгийн том хууран мэхлэлт” гэсэн гарчигтай нэгэн постыг 2021.12.06-ны өдөр оруулжээ. Уг постод Би вирологи (вирус судлал) болон паталог (эмгэг судлал) -оор мэргэшсэн. Кэмбриджийн их сургуульд суралцсан. Эмгэг судлалын хүрээлэнгийн захирлаар мөн ажиллаж байсан. Одоогоор би Хойд Каролина дахь COVID-19 тест борлуулдаг биотехнологийн компанийн ерөнхийлөгчөөр […]

Өөр мэдээ олдсонгүй.