Вакцин тариулсан залуус 5 жилийн дотор хүүхэдтэй болж болохгүй – НОТЛОГДООГҮЙ

Мягмаржав Чойсүрэн хэмээн фэйсбүүк хаягнаас “Вакцин тариулсан эрэгтэй, эмэгтэй залуус 5 жилийн дотор хүүхэдтэй болж болохгүй гэнэ. Энэ юу гэсэн үг вэ, үр удмыг таслах уу” гэсэн пост оруулжээ. Уг постыг 233 хүн цааш түгээж, 75 хүн сэтгэгдэл бичиж, 78 хүн лайк даржээ.

Мягмаржав Чойсүрэнгийн түгээсэн мэдээллийг бид нягталлаа.

Монгол Улс 2021 оны хоёрдугаар сарын 23-наас коронавирусийн эсрэг вакцинжуулалтыг эхлүүлж, өнөөдөр(2021.03.15)-ийн байдлаар 118,294 хүнд вакцины эхний тунг хийгээд байгааг ЭМЯ мэдээлсэн. Дархлаажуулалт эрчимжиж байгаа энэ үед коронавирусийн вакцинтай холбоотой иргэдийг төөрөгдүүлсэн мэдээлэл ихээр гарч байгаа бөгөөд Factcheck.mn эдгээр мэдээллийг нягталсаар байна.

Манай улсын хувьд жирэмсэн болон хөхүүл, хүүхэдтэй болохоор төлөвлөж байгаа эмэгтэйчүүдэд вакцин хийхгүй байгаа. Тиймээс бид гаднын фактчекерүүдийн нягталсан мэдээллээс хүргэж байна.

Хамгийн шинэ мэдээлэл буюу 2021 оны хоёрдугаар сарын 26-нд баримтыг нягтлагч Factcheck.org сайтад хүргэснээр COVID-19-ийн эсрэг вакцин нөхөн үржихүйд нөлөөлдөг тухай нотолгоо одоог хүртэл алга гэжээ.

Америкийн Эх барих, эмэгтэйчүүдийн эмч нарын нийгэмлэг, Нөхөн үржихүйн анагаах ухааны нийгэмлэг, Эх, ургийн анагаах ухааны нийгэмлэг зэрэг мэргэжлийн байгууллагууд хоёрдугаар сарын 5-нд COVID-19 вакцин нь хүүхдээ тээх чадварт нөлөөлж болзошгүй гэсэн нотолгоо байхгүй хэмээн мэдэгдэл гаргасан байна.

Түүнчлэн коронавирусийн эсрэг вакцин нь жирэмсэн эмэгтэйчүүдэд хэрэглэхгүй байх заалтгүй гэдгийг мэдээлж буй. АНУ-д л гэхэд 2021 оны нэгдүгээр сарын 20-ны байдлаар 15,131 жирэмсэн эмэгтэй вакцин хийлгээд байгаа аж.

Тиймээс дээрх мэдээлэл ташаа болох нь нотлогдож байна.

Төстэй мэдээлэл

Товч агуулга: Баасанжавын Отгон сэтгүүлч өөрийн фэйсбүүк хуудсаараа 2024.01.14-нд “3000 уурхай ашиглуулчихаад 32 тэрбум долларын өрөнд ороод, 3000 гаруй булаг шанд тойром гол усаа ширгээчихээд Баялагтаа эзэн гэж орилж суухаар УХААРААЧ” гэсэн пост оруулжээ. Уг постод 4.8К хүн хариу үйлдэл үзүүлснээс 3.2К нь цааш түгээсэн байна. Энэхүү агуулгыг нягталж өгөх хүсэлт ирсний дагуу нягталлаа. Factcheck: […]

Гоо Гоо хэмээн фэйсбүүк хаягаас “АНУ-ын Дээд шүүх бүх нийтийн вакцинжуулалтыг цуцаллаа” гэсэн гарчиг бүхий постыг 2021.06.13-нд нийтэлснийг бид нягтлан хүргэсэн.  Өмнөх нягталсан мэдээллийг ЭНД дарж үзэх боломжтой. Тэгвэл уг постод мөн “Pfizer-ийн ахлах эрдэмтэн асан Майк Иедон олон нийтэд “Ковид-19 вакцин” хэмээх бодис тарьсан хүмүүсийг аврах нь одоо оройтсон гэсэн байр сууриа дахин илэрхийлэв” […]

Товч агуулга Урьдчилсан тайлангууд нь мэргэжлийн шинжээчдээр хянагдаж, баталгаажуулаагүй ба хэвлэл мэдээллийн хэрэгслээр батлагдсан мэдээлэл болгон нийтлэх ёсгүйг анхааруулжээ. Иш татсан судалгаанд насанд хүрэгчдэд зориулсан нэмэлт тун бүхий вакцин нь КОВИД-19-өөс хамгаалах нөхцөлийг хангасан гэжээ. Вакцины нөлөөгөөр хүний биеийн дархлаа муудах, үгүй болох гэсэн ойлголт байхгүй. Аль ч вакцин хорт хавдар үүсгэх, өдөөх үндэслэл, нотолгоо […]

Саримс идэх нь шинэ коронавирусийн халдвараас хамгаална гэсэн мэдээлэл нийгмийн мэдээллийн сүлжээнд дахин тархаад байна. Тэгвэл энэ нь худал мэдээлэл болох тухай ДЭМБ-аас энэ оны 2 дугаар сард мэдээлсэн. Саримс нь эрүүл хоол хүнсэнд ордог бөгөөд зарим бичил биетний эсрэг үйлчилгээтэй гэдэг нь нотлогдсон хэдий ч COVID19 буюу шинэ коронавирусээс хамгаална гэсэн нотолгоо байхгүй гэдгийг ДЭМБ-аас зөвлөжээ. […]

Урьд шөнө хичээнгүйлэн бэлдсэн цэцэгс гэх зураг Монголд биш Arslan.mn сайтын албан ёсны фэйсбүүк хуудаст 2022 оны 9-р сарын 2-ны өдөр “Урьд шөнө хичээнгүйлэн бэлдсэн цэцэгс“ гэсэн тайлбар бүхий хогийн саванд хийсэн баглаатай цэцэгсийн зургийг оруулжээ. Уг постод 10 цагийн дотор 1100 хүн хариу үйлдэл үзүүлсний 515 нь уйлж буй, 205 нь ууртай эможи дарсан […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх