“ДЭМБ бол Хятадын Цэц! Харин хортой гэдгийг нь эрдэмтэд хэлээд эхэлчихлээ” – ХУДАЛ

Tserenkhuu Ishtseden гэх фэйсбүүк хаягаас “Хятад вакцины хэрэглээг ДЭМБ 12 сарын 31-нд зөвхөн “онцгой бүлэгт” гэж хязгаарласан, хортой гэдгий нь бол хэлэхгүй шдээ, ДЭМБ бол хятадын Цэц! Харин хортой гэдгийг эрдэмтэд хэлээд эхэлчихлээ!” гэсэн постыг нийтэлжээ. Уг постыг 230 хүн шэйрлэж, 523 хүн лайк дарсан бол 133 хүн коммент бичсэн байна.

Энэхүү мэдээллийг нягталлаа.

Factcheck:


Аливаа вакциныг эмнэлзүйн гурван удаагийн туршилтад оруулсны эцэст хүлээн зөвшөөрдөг.

Эхний шатанд вакцины аюулгүй байдлыг үнэлж, тунг нь тодорхойлно. Энэ шатанд ихэвчлэн 10-100 эрүүл насанд хүрэгчдийг хамруулдаг.

Хоёрдугаар шатанд мөн л аюулгүй байдлыг үнэлэхээс гадна эрүүл хүмүүсийн дархлааны системийн хариу урвалыг хэр сайн идэвхжүүлж байгааг тодорхойлох судалгаа хийгддэг. Энэ шатанд 100-1,000 хүнийг хамруулдаг.

Гуравдугаар шатны туршилт бол хамгийн сүүлийнх. Энэ шатанд 10,000 болон түүнээс дээш эрүүл, сайн дурын хүмүүсийг хамруулж, тухайн өвчнөөс хамгаалж буй эсэхийг шалгадаг.

Хэрэв тухайн вакцин эдгээр гурван үе шат бүхий туршилтаар аюулгүй бөгөөд үр дүнтэй нь батлагдвал бүх нотлох баримтыг холбогдох агентлагууд хянан үзэж, өргөн хэрэглээнд ашиглахыг зөвшөөрдөг.

Зөвшөөрөгдсөний дараа тухайн вакцины аюулгүй байдал, үр дүнтэй байдлыг үргэлжлүүлэн хянасаар байдаг.

Хятадын Синофарм үйлдвэрийн Вероселл вакцин одоогоор ДЭМБ-ын яаралтай тусламжийн жагсаалтад багтах хүсэлтээ өгсөн. Өөрөөр хэлбэл, эмнэлзүйн гурав дахь шатаа дуусгасан бөгөөд нотлох баримт бичгүүдээ ДЭМБ-д хүлээлгэн өгсөн гэсэн үг. ДЭМБ тус вакцины чанар, аюулгүй байдал, үр дүнгийн мэдээллийг нягталж, эрсдлийн үнэлгээ хийж, эмнэлзүйн туршилтаас гадуур ашиглах эсэхийг шийднэ.

ДЭМБ Вероселл вакциныг үнэлэх хамгийн сүүлийн шатандаа явж буй бөгөөд эцсийн шийдвэрийг тавдугаар сарын 3-ны дотор гаргана гэж мэдэгдсэн.

Гэхдээ улс орнууд ДЭМБ баталсан эсэхээс үл хамааран дээрх эмнэлзүйн гурван үе шатыг амжилттай давсан вакциныг хүлээн зөвшөөрч болдог.

Тиймээс өнөөдрийн байдлаар улс орнууд коронавирусийн эсрэг өөр өөр вакциныг хүлээн зөвшөөрөөд байгаа билээ. Одоогийн байдлаар Вероселл вакциныг 40 улс хүлээн зөвшөөрсөн байна.

Вероселл вакцины он цагийн дараалал:

2020/01: Синофарм идэвхгүй вирус ашиглаж уламжлалт аргаар гаргаж авсан коронавирусийн эсрэг вакциныг хөгжүүлж эхлэв.

2020/06: Судлаачид тус вакциныг сармагчин дээр туршихад сайн үр дүн гарч байв. Нэг, хоёрдугаар шатны туршилтаар тус вакцин нь сөрөг нөлөө багатай гэж нотлогдсон ба хүний биед коронавирусын эсрэг биет үүсгэж байсан нь тогтоогджээ.

2020/07: Тус вакцины гуравдугаар шатны туршилт Арабын нэгдсэн улсад хийгдэж эхлэв.

2020/08: Тус вакцины гуравдугаар шатны туршилт Морокко болон Перу улсад хийгдэж эхлэв.

2020/09/14: Арабын нэгдсэн улс тус вакциныг эмнэлгийн ажилтнуудад хийх зөвшөөрөл олгов. Засгийн газрын гишүүд ч мөн хамрагдаж эхлэв.

2020/11: Синофармын захирал Хятадад нэг сая гаруй хүн тус вакциныг тариулсан гэж мэдэгдэв.

2020/11/3: Дубайн захирагч, шэйх Мохаммэд бин Рашид ал-Мактоум тус вакциныг хийлгэснээ зарлав.

2020/12/3: Арабын нэгдсэн улс тус вакциныг бүрэн хүлээн зөвшөөрсөн бөгөөд 86 хувийн үр дүнтэй гэж зарлав.

2020/12/13: Бахрайн улс тус вакциныг хүлээн зөвшөөрөв.

2020/12/30: Синофарм тус вакциныг 79.34 хувийн үр дүнтэй гэдгийг зарласнаар БНХАУ-ын Засгийн газар тус вакциныг хүлээн зөвшөөрөв.

2021/1/3: Египт улс тус вакциныг яаралтай тусламжийн үед хэрэглэхээр болов. 

2021/3/12: Унгар улс Синофармын нэг тунд 36 доллар төлөхөөр болж дэлхийн хамгийн үнэтэй вакцины нэг болгов.

Эх сурвалж:

Нягталсан: А.Одонтуяа

НҮБ-ын Хүүхдийн Сангийн дэмжлэгтэйгээр нягтлав.

Төстэй мэдээлэл

Зэвсэгт хүчний 326 дугаар ангид алба хааж байсан байлдагч арваннэгдүгээр сарын 12-13-нд шилжих шөнө амь насаа алдсан харамсалтай хэрэг гарлаа. Нийслэлийн хэмжээнд 2023 оны хоёрдугаар ээлжийн цэрэг татлагыг аравдугаар сарын 19-22-нд зохион байгуулсан. Гэвч цэрэгт татагдаад сар ч болоогүй 20 настай хүү амиа алдсан нь Монголын Зэвсэгт Хүчин иргэнийхээ эрүүл, аюулгүй амьдрах эрхийг ноцтой зөрчсөн […]

Товч агуулга Tserenkhuu Ishtseden нэртэй фэйсбүүк хэрэглэгч “Серби (Косово) руу НАТО (квинты-G7) халдан довтоллоо Украин нээх сонин биш болсоон Нөгөө манай НоВар гэсэн дэлдгэрүүд амьдуу хөөш? Орос Хятад орвол дайн дэгдэнэ!” гэх мэдээллийг нийтэлжээ. Түүний уг постод 508 хүн хариу үйлдэл үзүүлж, 112 хүн сэтгэгдлээ бичин, 86 хүн шэйрлэжээ. Сэтгэгдэл бичсэн хүмүүсийн дийлэнх нь энэ […]

  Канадын баруун мужид Montebello, Quebec хэмээх нэг сая гаруй хүнтэй хот бий. Аялал жуулчлал энд их хөгжсөн. Ялангуяа “Parc Omega” дахь амьтадын хүрээлэнд хэдийгээр жинхэнэ “амьд” биш ч гэсэн үзэсгэлэнт байгалтай төгс зохицсон зэрлэг амьтадын зураг авахаар жуулчид маш ихээр ирдэг байна. Буга согоо гэх мэт илт аюулгүй амьтад хүнд ойртон ирж гар дээрээс нь сүү […]

Tserenkhuu Ishtseden гэх фэйсбүүк хэрэглэгч 2021.12.27-нд КОВИД-19-ийн Омикрон

Монгол Улсын Ерөнхий сайд асан, УИХ-ын гишүүн С.Батболдыг Эрдэнэт болон Оюутолгойтой холбоотойгоор Монгол Улсад 400 сая ам.долларын хохирол учруулсан гэж АНУ-ын шүүх хэрэг нээсэн тухай мэдээлэл 2020 оны арванхоёрдугаар сарын эхээр гаднын зарим сайтаар гарч эхэлсэн бөгөөд үүний дараа С.Батболд өөрөө мөн тайлбар ярилцлага өгсөн билээ. Энэ хэрэгтэй холбоотой олон нийтийн сүлжээгээр явж буй зарим […]

Монгол Улсын 31 дэх Ерөнхий сайд хариуцлага хүлээн өөрийн хүсэлтээр чөлөөлөгдөхөөр болсноо өнөөдөр зарлаж, улмаар УИХ-ын чуулганаар уг асуудлыг хэлэлцсэн. Ингээд өнөөдөр 20:00 цагийн орчимд У.Хүрэлсүхийн Засгийн газар огцорлоо. Энэхүү үйл явдалтай холбоотойгоор цахим орчинд Карма.О гэх хаягнаас “Манай Хүкийн мэдэгдэл Японд шуугиан тарьж байна. Японы парламентын гишүүн твитер хуудаснаа “Монголчууд үнэхээр хариуцлагатай мундаг хүмүүс […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх