“Нэг хаалга-нэг шинжилгээ”-г авах хууль зүйн үндэслэл бүрдээгүй

Нийслэлийн хэмжээнд 2021 оны хоёрдугаар сарын 11-ний 06:00 цагаас эхлэн Гамшгаас хамгаалах бүх нийтийн бэлэн байдлын хэсэгчилсэн зэрэг шилжсэн. 12 хоногийн хугацаатай хөл хорионы үеэр “Нэг хаалга-нэг шинжилгээ”-г зохион байгуулж, нийслэлийн 411 мянган өрх бүрийн нэг гишүүнээс шинжилгээ авахаар болсон.

Хэрэв иргэд шинжилгээнээс татгалзвал Зөрчлийн тухай хуулийн дагуу торгох шийтгэл ногдуулах талаар ч яриад буй. Тэгвэл энэ шинжилгээ авах нь хууль зүйн үндэслэлтэй эсэхийг бид хуульч Л.Галбаатартай хамтран нягталлаа.

Засгийн газраас бүх нийтийн бэлэн байдлын зэрэгт шилжих Улсын онцгой комиссын саналыг дэмжиж 2021 оны хоёрдугаар сарын 10-ны өдөр тогтоол гаргасан.

Уг тогтоолд “Нэг хаалга-нэг шинжилгээ”-ний талаар огт дурдаагүй байна. Гамшгаас хамгаалах тухай хуулийн 26.1.7, 27(1).1.2-ын дагуу дээрх шинжилгээ авах эсэхийг заавал заах ёстой.

Хөл хорионы хугацаа тогтоох болон тухайн хугацаанд юу хийх чиглэлийг Засгийн газраас тогтооно. УОК нь Засгийн газраас ирсэн чиглэлийн дагуу ажиллах бөгөөд санал оруулах, гаргасан шийдвэрийг хэрэгжүүлэх үүрэгтэй. Иргэдийн амьдралтай холбоотой шийдвэрийг шууд бие даан гаргах боломжгүй байхаар хуульд тусгасан байна.

Өнөөдрөөс эхлээд 12 хоног үргэлжлэх Нэг хаалга нэг шинжилгээ УОК халдварын нөхцөл байдалтай үр дүнгээ хэрхэн тооцсон талаар Шадар сайд С.Амарсайхан “УОК цаг үеийн нөхцөлтэй холбогдуулан Нэг хаалга нэг шинжилгээ арга хэмээг зохион байгуулж байгаа. Сар шинийн баяраар олон өдөр амардаг. Энэ үеэр тархалт нэмэгдэх эрсдэл улам өндөрсөх магадлалтай байгаа тул Сар шинээр өндөржүүлснийг нэмэгдүүлж хатуу хөл хорионы арга хэмжээг тогтсон. УБ хотын 7 дүүрэг 89 идэвхтэй голомт байна. Эх сурвалж тодорхойгүй цөөнгүй голомт байна. УБ-аас хальж аймаг руу тархах эрсдэл өндөр. Гэхдээ гол зарчим аливаа асуудлын араас хөөх биш болохоос нь өмнө эрсдэлийг тооцож зохион байгуулалтаа хийж хумьж 6 дахин нэмэгдэх эрсдэлд орох эрсдэлтэй гэж үзэж байгаа тул зохион байгуулж байгаа. Энэ хүрээнд хатуу хяналттай хариуцлага хүлээж үйл ажиллагааг явуулна. Нэг хаалга нэг шинжилгээг шийдэхийн тулд УОК-ын дэргэд хөндлөнгийн бүтцүүд бий болж байгаа” гэсэн юм.

Харин нийслэлийн Засаг дарга Д.Сумъяабазар “Нэг хаалга нэг шинжилгээ арга хэмжээг нийслэлийн нутаг дэвсгэрт зохион байгуулах ажлын хэсгийг нэгдүгээр чиг үүрэг хэрэгжүүлэх дэд ажлын хэсгийг зохион байгуулах бүрэлдэхүүннийг хавсралтыг баталсан. Хоёрт нь нутаг дэвсгэр дээр түр цэг болон явуулын шинжилгээний баг ажиллуулж, өрх бүрийн нэг иргэнийг шинжилгээнд хамруулахад харъяа хэлтэс, албан хаагчдыг оролцуулан зохион байгуулах, нэгдсэн удирдлагаар хангаж ажиллахыг дүүргийн дарга нарт үүрэг болгож байна. Гуравт Дээрх арга хэмжээг хугацаанд нь зохион байгуулахыг нутгийн захиргааны болон харьяа байгууллагуудын албан хаагчдыг нэгдсэн зохион байгуулалтаар ажилууулахыг НЗДТГт албан хаагчдыг бүрэн хамруулах үүрэг болгож байна. УОК-оос гарсан шийд НОК-ын шийдвэрийн уялдааг хангаж захирамжууд гарах учиртай. УОК гаргасан шийдвэрийг дагуу захирамжийг бэлдсэнийг танилцуулж байна” гэсэн юм.

Гэвч 2021 оны хоёрдугаар сарын 11-ний 16:45 цагийн байдлаар энэ захирамж Нийслэлийн Засаг даргын Тамгын газрын албан ёсны сайтад ороогүй байна.

Нягталсан: Хуульч Л.Галбаатар

Төстэй мэдээлэл

Товч агуулга: “Эрдэнэс Тавантолгой” ХК-ийн хувьцааны ногдол ашиг болгож, иргэн бүрд 116,000 орчим төгрөгийн Цагаан сараас өмнө бэлнээр олгохоор төлөвлөж байгаа талаар тус компанийн Бүрэн эрхт төлөөлөгч Ж.Ганбат УИХ-ын чуулганы үеэр мэдээлэв. Энэ нь тус компанийн 2022 оны ногдол ашиг ажээ. 2024 оны УИХ-ын сонгууль дөхөж байгаа энэ үед “Эрдэнэс Тавантолгой” компаниас иргэддээ ийнхүү ээлжит […]

Монгол Улсын ФАТФ-ын Саарал жагсаалтаас гарсан хэмээн ташаа мэдээлэл түгээсэн Гадаад харилцааны сайд уг мэдээллээ залруулахдаа дахин буруу мэдээлэл түгээв. Тэрбээр өөрийн твиттер хуудасдаа “Татварын сайн засаглалын зарчмуудыг хэрэгжүүлэхэд ЕХ-той хамтран ажиллах шаардлагатай улсуудын жагсаалт” буюу саарал жагсаалтаас Монгол Улсыг гаргасан шийдвэрийг ЕХ-ны Сангийн сайд нар энэ 6-нд гаргасан болохыг мэдээлсэн.”, “ЕХ-ны “саарал жагсаалт” нь […]

Олон улсын цэргүүд коронавирусийн эсрэг Монголын төрийн далбаан дор нэгдэж хийсэн гэх видео бичлэг олон нийтийн сүлжээгээр цацагдаад байгаа билээ.    Олон нийт энэхүү бичлэгийг шинэ коронавирусийн халдвар гарснаас хойш зориуд хийсэн хэмээн ойлгож байгаа тул фактчек буюу баримтыг нягталж, бичлэгийг анх цацсан “Монгол цэрэг-дэлхийн цэрэг” фэйсбүүк хуудсаар дамжуулан эх сурвалжтай холбогдож энэ талаар тодруулсан юм. Тэгвэл […]

Арванхоёрдугаар сарын 18-наас 1-5 дугаар ангийн сурагчдын хичээлийг цахимд

Товч агуулга Дани улсын Эрүүл мэндийн яамнаас 18-аас доош насны хүмүүст COVID-19 вакциныг санал болгохоо больсон ч энэ насны бүлгийн вакцинжуулалтыг хориглоогүй. Данийн хүн амын 81% орчим буюу 5.8 сая хүн коронавирусийн эсрэг 2 тун вакцин хийлгэсэн бол 62% нь бүүстер тунд хамрагджээ. Огт вакцинд хамрагдаагүй иргэдээ тус улс вакцин хийлгэхийг зөвлөсөн хэвээр байна. Дани […]

Монголын аялал жуулчалын салбарт сүүлийн үед зуун сая давсан тоог ойр ойрхон иш татах болов. Засгийн газрын хэрэг эрхлэх газрын дарга Л.Оюун-Эрдэнийн 400 сая жуулчин хүлээн авах талаарх яриа намжиж амжаагүй байтал БОАЖ-ын шинэ сайд бас л зуун сая давсан жуулчны тухай ярьсан нь “Өдрийн сонин”-ы 2020 оны есдүгээр сарын 8-ны 179 дугаарт нийтлэгджээ. Тодруулбал, […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх