Шадар сайд Я.Содбаатар “УОК-оос хэзээ ч хатуу хөл хорио тогтоох чиглэл өгөөгүй шүү. Иргэд л өөрсдөө гэрээсээ гарахгүй ажилдаа явахгүй байгаа” гэсэн зураг цахим орчинд тараад байна.
Энэхүү мэдээллийг нягталж шалгалаа.
Юун түрүүнд мэдээлэл үнэн эсэхийг ikon.mn сайтаас тодруулахад “Манайд ийм мэдээлэл ороогүй. Манайд орсон мэдээллийн зургийг ашиглан ийм мэдээлэл тараасан байна” гэсэн хариултыг өглөө.
Уг мэдээллийн гарчгаар google-ээс хайлт хийхэд мөн илэрцгүй байгаа нь үүнийг баталж байна.
Зурагт 2020 оны 12-р сарын 2-ны өдөр ikon.mn сайтад нийтлэгдсэн гэсэн мэдээлэл байх бөгөөд энэхүү мэдээллийг нягталж шалгахад фотошоп ашиглан засварласан байна.
Ikon.mn сайт 2020 оны 12-р сарын 2-ны өдөр нийтэлсэн “Я.Содбаатар: Халдвар бүртгэгдээгүй аймаг хооронд зорчиход COVID-19-ийн шинжилгээ өгөх шаардлагагүй” гэх мэдээллийг зургийн програм ашиглан өөрчилсөн болох нь нотлогдлоо.
Нягталсан Ц.Тамир
