Францын иргэн: Би Монголын ЭМЯ-ыг шүүхэд өгөөгүй. Харин ч намайг эдгээсэн эмч нарт баярлаж явдаг

Монгол Улсад бүртгэгдсэн коронавирусийн анхны тохиолдол болох Францын иргэн манай ЭМЯ-ыг шүүхэд өгч байгаа тухай мэдээлэл нийгмийн сүлжээнд олон нийтийг анхаарлыг татаад байна..

Тодруулбал, “Ковид, гадаадад гацсан Монголчууд, хандивын мөнгийг хуваасан төрийн албан тушаалтнууд гэх мэт сэдвээр хэсэг нөхөдтэйгөө ярьж суутал нөгөө Анх-Отгон чинь Францдаа очоод шинжилгээ хийлгэсэн нь сөрөг биет (ковид тусаагүй) гараагүй. Тэгээд Монголын эрүүл мэндийн яамыг шүүхэд өгч байгаа гэх яриа сонслоо. Би анх удаа сонссон болохоор ихэд сонирхож бас гайхав. Тэр Францын онлайн хаягийг мэдэх хүн байвал тус болоорой! Би ярилцлага хийж өөрийнх нь амнаас сонсоё! Энэ мэдээ үнэн бол Ковид сонгуулийн дэглэмийн том шоу жүжиг байсан нь дэлгэгдэнэ. Бас өвчтэй гэж оношлогдсон улс өвдөөгүй байсан тухай сонсов. Мөн эдгэрээд гарсан хүмүүсийг хэвлэл мэдээлэлд яриа өгүүлэхгүй байх хатуу гэрээнд гарын үсэг зуруулсан гэх…” гэсэн постыг одоогийн байдлаар буюу 2020 оны 9 дүгээр сарын 15-ны өдрийн 18:00 цагийн байдлаар 458 хүн цааш түгээж, 386 хүн сэтгэгдлээ бичин, 1,200 хүн лайк даржээ.

Энэхүү мэдээлэл үнэн эсэхийг бид нягтлахаар дараах эх сурвалжуудтай холбогдсон юм.

Монгол Улс дахь Францын ЭСЯ: Энэ нь хувь хүн, түүний эрүүл мэндтэй холбоотой асуудал учраас ЭСЯ-ны зүгээс мэдээлэл өгөх боломжгүй.

ХӨСҮТ-ийн захирал Д.Нямхүү: Тийм мэдээлэл сонсоогүй. Үнэхээр тийм мэдээлэл гарсан бол учир нь олдох байх. Францын иргэн маань биеийн байдал нь маш хүнд байж байгаад 40 гаруй хоног эмчлэгдэж, “Францад байсан бол би нас барсан хүмүүсийн тоонд орох байсан. Монгол эмч нартаа баярлалаа” гээд талархаад явсан хүн тэгэх үндэслэл байхгүй” хэмээн няцаав.

Ингээд Францын иргэнтэй өөртэй нь холбогдоход “Би коронавирусийн халдвар туссан эсэхдээ эргэлзэж байгаагүй. ЭМЯ-нд гомдол гаргасан зүйл огтхон ч байхгүй. Харин ч намайг эдгээсэн Монголын эмч нарт үргэлж талархаж явдаг” хэмээн хэллээ.

Дээрх постод бичсэнчлэн “Мөн эдгэрээд гарсан хүмүүсийг хэвлэл мэдээлэлд яриа өгүүлэхгүй байх хатуу гэрээнд гарын үсэг зуруулсан” гэсэн мэдээллийг ХӨСҮТ-д эмчлүүлээд эдгэрсэн хоёр эх сурвалжаас тодруулахад мөн няцаасан юм. Тус халдвараар өвчлөөд эдгэсэн монгол иргэний ярилцлага хэвлэлд нийтлэгдсэн нь уг мэдээллийг ташаа болохыг нотолж байна.

Нягталсан: Ц.Тамир (MCIR)

Төстэй мэдээлэл

Ташаа

Хүүхдийн унаган дархлааг сүйрүүлнэ – ТАШАА

Товч агуулга Долдугаар сарын дунд ба наймдугаар сарын эхээр л гэхэд вакцин хийлгээгүй хүмүүс COVID-19-ийн улмаас нас барах тохиолдол нь бүүстер тун хийлгэсэн хүмүүсийнхээс 10 дахин их байна. Вакцины нөлөөгөөр хүний биеийн дархлаа муудах, үгүй болох гэсэн ойлголт байхгүй. COVID-19 вакцинаар тогтсон дархлаа нь өвдсөнөөс илүү найдвартай, аюулгүй хамгаалалт болдгийг судалгааны үр дүнгээр тогтоосон. Tata […]

Вакцин хийлгэсэн хүний тоогоор ДЭМБ Засгийн газарт 2000 доллар өгдөг үү?

С.Жавхлангийн хийсэн лайвын үеэр яригдсан ХУДАЛ мэдээллүүд УИХ-ын гишүүн асан, дуучин С.Жавхлан аравдугаар сарын 15-наас “Монголоо аваръя” хөдөлгөөн эхлүүлж, Сүхбаатарын талбайд суулт хийсэн ба энэ талаараа тогтмол лайв хийж, талбайд цугласан иргэдийн сэтгэгдлийг үүгээрээ дамжуулсан юм. Гэвч энэ үеэр зарим иргэн КОВИД-19 халварт өвчин болон вакцины талаар олон нийтэд ташаа ойлголт дамжуулж байгааг бид нягтлан […]

Худал

Вакцины нэр өөрчлөгдөж, хугацаа дууссан байна -ХУДАЛ

Цахим орчинд Tsendee Purev нэртэй хэрэглэгч “Вакцины нэр

Унаач хүүхэд 3 м өндөрт хүчилтөрөгчийн давхар ислийг үнэртэх нь вакцин – ҮНДЭСЛЭЛГҮЙ

admin
2021-06-26
Ковид-19

Зургадугаар сарын 18-нд Монголын үндэсний бөхийн холбоо, Монголын морин спорт, уяачдын холбоо, Монголын үндэсний харваачдын холбоод хамтарсан мэдээлэл хийсэн юм. Энэ үеэр спортын сэтгүүлч, тайлбарлагч Монгол Улсын соёлын гавьяат зүтгэлтэн Л. Цагаандалай коронавирустэй холбоотой байр суурь хэлснийг нягталлаа. Тэрбээр “Тал нутагтаа морио уяад явж байгаа хүн бол вакцин гэж бичээд байгаа, өглөө бүхэн вакцин хийлгэж […]

FACTCHECK: Монгол мутаци илэрсэн талаар бүртгэгдээгүй

НЭМҮТ-ийн зөвлөх, Монголын анагаах ухааны академийн гишүүн, биологийн шинжлэх ухааны доктор, профессор Ц.Оюунбилэгийн Unuudur.mn сайтад өгсөн ярилцлагаас вакцинтай холбоотой мэдээллүүдийг нягталлаа. “УИХ-ын гишүүн Ж.Чинбүрэн саяхан “Вакцин тариулаад халдвар авсан хүмүүсийн дотор “Вироселл” хийлгэсэн хүн хамгийн цөөн байна” гэж ярьсан. Би үүнийг үндэслэлтэй гэж үзэж байгаа. Яагаад гэвэл идэвхгүйжүүлсэн вакцин бол бүтэн вирус. Хонины махтай зүйрлэвэл […]

“Урд хөршид нас барагсдын тоо 1 тэрбумд дөхөж яваа болтой!” – ҮНДЭСЛЭЛГҮЙ

Tserenkhuu Ishtseden гэх фэйсбүүк хэрэглэгч 2023.01.07-нд буюу өнөөдөр “ШУУРХАЙ МЭДЭЭ. Блүүмбергийн мэдээгээр бол урд хөршид хоногт 5000 (албан) хүн нас барсан гэдэг худлаа хоногтоо 37-40сая хүн нас барж нийт нас барагсадын тоо 1тэрбумд дөхөж яваа болтой! ВСС төстэй мэдээ өгч” гэсэн пост оруулжээ. Түүний постыг 7 цагийн дотор 903 хүн шэйрлэж, 222 хүн шэйрлэсэн бөгөөд […]

Өөр мэдээ олдсонгүй.