Үндэсний их баяр наадмын тухай хуульд нэмэлт, өөрчлөлт оруулах тухай хуулийн төслийг өнгөрсөн тавдугаар сард УИХ-ын гишүүн Х.Болорчулуун, Б.Саранчимэг, Ж.Ганбаатар, Ж.Бат-Эрдэнэ нар УИХ-д өргөн бариад байсан. Улмаар арванхоёрдугаар сарын 4-ний өдрийн Байнгын хорооны хуралдаанаар уг хуулийн төслийг дэмжин УИХ-аар хэлэлцүүлэх болсон юм.
Өмнө нь Засгийн газрын тогтоолоор өвлийн улиралд морь уралдуулахыг хориглосон хэдий ч уг хуулийн төсөлд Хаврын тэргүүн сарын шинийн 14-ний өдөр “Ерөөл өргөх” хаврын бүсийн уралдааныг зохион байгуулах заалт орсон.
Тиймээс бид хаврын тэргүүн сарын 14-ний өдөр 2010-2019 онуудад хэдэнд тохиож байсан ба хэдэн хэм хүйтэн байсныг ФАКТ-ЧЕК хийж үзсэн.
2010-2019 он хүртэлх хаврын тэргүүн сарын шинийн 14-ний өдөр нь хоёрдугаар сарын 13-наас гуравдугаар сарын 14-ний өдрүүдэд таарч байгаа бөгөөд энэ өдрүүдийн хурдан морины уралдаан болдог үеийн цаг агаар буюу 09:00 цагийн байдлаар хамгийн багадаа -13 ихдээ -27 хэмийг зааж байсан юм.
| Шинийн нэгэн | Шинийн 14 | 9:00 | 15:00 | шөнө |
| 2010.02.14 | 2010.02.27 | -21 | -13 | -26 |
| 2011.02.03 | 2011.02.17 | -27 | -22 | -28 |
| 2012.02.22 | 2012.03.07 | -25 | -13 | -32 |
| 2013.02.11 | 2013.02.24 | -23 | -7 | -27 |
| 2014.01.31 | 2014.02.13 | -31 | -18 | -35 |
| 2015.02.19 | 2015.03.04 | -20 | -4 | -26 |
| 2016.02.09 | 2016.02.21 | -21 | -13 | -21 |
| 2017.02.27 | 2017.03.11 | -13 | -6 | -18 |
| 2018.02.16 | 2018.03.01 | -24 | -8 | -27 |
| 2019.02.05 | 2019.02.18 | -26 | -6 | -29 |
Дээрх хүснэгтээс харвал Хаврын тэргүүн сарын шинийн 14-ний өдөр нь хэдийгээр Хаврын уралдаан гэж буй боловч хүйтний эрч сулраагүй, өвлийн улирлаас ялгаагүй гэж үзэж болохоор ажээ.
Бэлтгэсэн: FactCheck Mongolia /Р.Адъяасүрэн (gogo.mn), Ц.Тамир (MCIR)/
