UBN.mn, M21, Elch.mn зэрэг сайт “ҮХЦ: “Ерөнхийлөгчөөр 50 хүрсэн, сүүлийн 5-с доошгүй жил эх орондоо байнга суусан, МУ-ын уугуул иргэнийг 6 жилийн хугацаагаар зөвхөн нэг удаа сонгоно” гэсэн нь ҮХ зөрчсөн эсэхийг хэлэлцэнэ” гэсэн гарчигтай мэдээ нийтэлжээ. Энэхүү мэдээллийг нягтлах хүсэлт ирсний дагуу нягталлаа.
Үндсэн хуулийн цэц 2026.05.08-ны өдрийн дунд суудлын хуралдаанаар Монгол Улсын Ерөнхийлөгчийн тухай хуулийн 6.1 дэх хэсэгт “Ерөнхийлөгчийн бүрэн эрхийн хугацаа Үндсэн хуулийн гучдугаар зүйлийн 2 дахь хэсэгт зааснаар 4 жил байна.” гэж заасан нь Монгол Улсын Үндсэн хуулийн Гучдугаар зүйлийн 2 дахь хэсэгт “Ерөнхийлөгчөөр тавин нас хүрсэн, сүүлийн таваас доошгүй жил эх орондоо байнга оршин суусан, Монгол Улсыг уугуул иргэнийг зургаан жилийн хугацаагаар зөвхөн нэг удаа сонгоно” гэж заасныг зөрчсөн эсэх тухай маргааныг хянан шийдвэрлэхээр товлосноо 2026.04.30-ны өдөр цахим хуудастаа мэдээлжээ.
Гэтэл энэ мэдээллийг дээрх агуулгаар гарчигласан нь Үндсэн хууль дахь Ерөнхийлөгчийн талаарх заалтыг хэлэлцэх гэж байгаа мэтээр олон нийтэд буруу ойлголт өгсөн байна. Энэ нь Ерөнхийлөгчийн тухай хуулийн заалт Үндсэн хуулийн заалтыг зөрчсөн эсэх тухай агуулга байна.
Үндсэн хуулийн цэц энэ талаар дараах агуулгыг гаргажээ.
Мөн энэ талаар хуульч Б.Пүрэвсүрэн тайлбарлахдаа “Үндсэн хуулийн цэц ойлгомжтой мэдэгдсэн байна. Гол хэлэлцэх асуудал нь Ерөнхийлөгчийн тухай хуулийн 6 дугаар зүйлийн 1 дэх хэсгийг хэлэлцэх бөгөөд энд 4 жил байна гэсэн нь Монгол Улс ын Үндсэн хуулийн 30.2-т заасан хэсгийг зөрчсөн гэдгийг хэлэлцэнэ гэсэн байгаа юм. Тэгэхээр хэвлэлүүд ТАШАА мэдээлсэн байна” гэлээ.
Иймд мэдээллийн дээрх сайтуудын гарчиг иргэдийг ТӨӨРӨГДҮҮЛЖЭЭ.
