Нийгмийн мэдээллийн сүлжээнд төлбөртэй сурталчилгаа явуулж буй албан ёсоор бүртгүүлсэн цахим хаяг болон нэр дэвшигчдээс бусад хаягуудыг бид нягталж үзэхэд маш сонирхолтой үр дүн харагдлаа.
Нийгмийн мэдээллийн сүлжээнд төлбөртэй сурталчилгаа явуулж буй нам, эсэл, нэр дэвшигчээс бусдыг нь ялгаад харвал дараах фэйсбүүк хаягууд үлдэж байгаа юм.
| Нэр | Хариуцагч | Зарцуулсан мөнгө($) | Сурталчилгааны тоо |
| Ард түмний ялалт | Ард түмний ялалт | 24715 | 73 |
| zarig.mn | Ган үзэгтэн ХХК | 7781 | 73 |
| Нада | Нада | 7060 | 20 |
| Бид ардчиллынхан | Бид ардчиллынхан | 6882 | 29 |
| Мэдээллийн ажилтан | Мэдээллийн ажилтан | 5742 | 111 |
| Алдагдсан 12 жил | Алдагдсан 12 жил | 4199 | 19 |
| Нийслэл хуудас | Нийслэл хуудас | 3336 | 14 |
| 48 | 48 | 3198 | 9 |
| 126к | 126к | 2992 | 12 |
| АН-ыг үнэнчээр дэмжигчид | АН-ыг үнэнчээр дэмжигчид | 2291 | 25 |
| Шударга шуугиан | Шударга шуугиан | 2288 | 24 |
| Улсаа зарахгүй шударга иргэдийн хөдөлгөөн | Улсаа зарахгүй шударга иргэдийн хөдөлгөөн | 1634 | 19 |
Эдгээр хуудсыг нэг бүрчлэн нягтлав.
Factcheck:
Эдгээрийг нэг бүрчлэн харвал “Ард түмний ялалт” хуудас нь 2024.06.10-нд буюу сонгуулийн сурталчилгаа эхэлсэн өдөр нэрээ ийнхүү өөрчилсөн хуудас байгаа бөгөөд бүхэлдээ МАН-ын сурталчилгаа явсан байна.
“Нада” гэсэн пэйжийг шалгавал өнгөрсөн сарын хугацаанд 7060 ам.долларыг Метад төлж ХҮН намтай холбоотой мэдээллүүдийг түгээж иржээ.
“Бид ардчиллынхан” хуудсаар дамжуулсан постууд дандаа АН-ын дарга, гишүүдийн нэрийг дурдсан, ардчиллаа аврах тухай гарчиг зонхилсон ч агуулгын хувьд АН-ын эсрэг байгаа нь сонирхол татав. Тухайлбал, Архичин даргатай АН-аас ардчилалаа аврая! ,
Элбэгдоржийн хамгийн том хандивлагч нь МАК, би бэлэн мөнгийг нь зөөж явсан болохоор мэдэж бна. Тэр хандивынхаа хариуд Цагаан суваргын ордыг МАК-д өгсөн!!!
ЗОРИГ-гүй Гантөмөр
Нэрээ ТАТ, АРХИ уухаа боль
Намын пиарын мөнгө
Найзруугаа .аахаа болиочээ ГАНТӨМӨР-өө…
Намын пиарын мөнгө
Найзруугаа .аахаа болиочээ ГАНТӨМӨР-өө… гэх мэт постууд төлбөртэй түгээжээ.
“Бид ардчиллынхан” дээд тал нь 600-700 ам.доллар төлж постууд нийтэлжээ. Тус хаягаас төлбөртэй нийтлүүлсэн постуудын агуулга нь МАН-ыг, Ерөнхий сайдыг багаар дэмжих утгатай байна.
“Мэдээллийн Ажилтан” гэдэг пэйжийг харвал мөн л МАН-ыг дэмжсэн постуудыг төлбөртэй түгээж иржээ.
“Мэдээллийн Ажилтан” гэх дээрх пэйж хуудсыг 2021.04.21-нд буюу цар тахлын үеэр Мэдээллийн Урсгал нэртэй нээж байсан бол 2021.07.29-нд Мэдээллийн Ажилтан болгон нэрийг нь өө
“Алдагдсан 12 жил” гэх пэйжээр мөн л АН-ын эсрэг агуулга бүхий постуудыг төлбөртэй түгээжээ.
Дээрх “Алдагдсан 12 жил” пэйж хуудсыг 2016.07.15-нд Айдас ба аймшиг нэрээр нээж байжээ. Дараа нь 2018 онд Айдас ба аймшиг Geeks гэж өөрчилсөн бол 2024.05.08-нд буюу УИХ-ын сонгуулийн сурталчилгаа эхлэхээс өмнө Алдагдсан 12 жил болгон нэрийг нь өөрчилсөн байна.
“Нийслэл хуудас”, “126К”гэсэн пэйжүүд ХҮН намын үйл ажиллагааг дэмжсэн постуудыг төлбөртэй түгээжээ.
“48” гэсэн пэйжүүд мөн ХҮН намтай холбоотой мэдээллийг түгээсэн байна. Гэвч агуулгын хувьд харвал дэмжсэн биш эсрэг утгатай постууд зонхилжээ.
Тухайлбал, “Хөгжлийн банк, Нүүрсний хулгай, Цавчаа ногооны хулгайчдыг шүгэлдсэн ХҮН олуулаа болоод ордонд ирнээ гээд алга болжээ.#ХҮНээХайжБайна “, Наранбаяр багш цэцэрлэг “нураалаа” гэсэн постуудыг төлбөртэй нийтэлсэн байна.
Уг “48” гэсэн пэйж хуудсыг анх ХҮН академи нэрээр 2020.12.02-нд нээсэн бол 2024.05.22-нд буюу сонгуулийн сурталчилгаанаас өмнө нэрийг нь сольжээ.
“АН-ыг үнэнчээр дэмжигчид” гэсэн хуудас мөн л логоноосоо АН-ын цахим хуудас мэт харагдах боловч агуулгын хувьд АН-ын эсрэг сурталчилгаануудыг түгээсэн байна.
“Шударга шуугиан”, “Шударга монголчууд” гэсэн хоёр пэйжийн тухайд контентуудаа устгажээ. Харин постуудын текст хэвээр байгаа бөгөөд агуулга нь мөн л АН-ын эсрэг утгатай байна.
Ийнхүү 1,000 ам.доллароос дээш дүнтэй ам.доллар төлж сонгуулийн утгатай пост түгээсэн, намын албан ёсны биш 11 пэйж хаягийг нягталж үзэхэд 2 нь ХҮН намыг, 9 нь МАН намыг дэмжсэн агуулгуудыг нийтэлжээ. Эдгээр 11 пэйж 64337 ам.долларыг Метад төлсөн бөгөөд үүний 54285 ам.доллар буюу 84.3% нь МАН-ыг дэмжсэн постод зарцуулагдсан байна.
Уншигч Та бүхэн энэхүү мэдээллийг өөрсдөө шалгаж үзэх боломжтой юм. Та тухайн Фэйсбүүк пэйж хуудсаар ороод ABOUT гэсэн цэс рүү орж, PAGE TRANSPARENCY гэсэн хэсэгт нэвтрээд дэлгэрэнгүй мэдээллүүдийг харах боломжтой.
Улмаар дараах зураг дээр үзүүлсэнчлэн хамгийн доор хэсэгт байгаа Go to ad Library гэсэн бичиг дээр дарснаар төлбөртэй пост бүрийн талаарх дэлгэрэнгүй мэдээллийг харах боломжтой.
Энэхүү мэдээллийг сонгогчийн боловсролд зориулан нягтлав.
