БҮХ ТОМ БАНКНУУД АРД ТҮМЭНДЭЭ ЖИЛИЙН СҮҮЛИЙН УРАМШУУЛАЛ ӨГЧ БАЙНА – ХУДАЛ

Олон нийтийн цахим сүлжээнд “МОНГОЛЫН БҮХ ТОМ БАНКНУУД АРД ТҮМЭНДЭЭ ЖИЛИЙН СҮҮЛИЙН УРАМШУУЛАЛ ӨГЧ БАЙНА. “Сайн уу” хувийн мессежээр 1,500,000 төгрөгийг шууд хожоорой. Энэ бол зээл биш БАЯР ХҮРГЭЕ” гэсэн пост сүүлийн өдрүүдэд тараад байна. Энэ мэдээлэл үнэн эсэхийг нягталж өгөх хүсэлт ирсний дагуу нягталлаа.

Factcheck:

Nasanjargal Saraa гэх фэйсбүүк хэрэглэгч 2023.12.30-ны өдрөөс эхлэн дээрх агуулгатай постыг Prius 20 Эзэмшигчдийн нэгдсэн групп, sonata 6 mongolia гэх мэт олон группт түгээж эхэлжээ.

Гэвч уг мэдээлэлд иргэд итгэж, “Сайн уу” гэсэн комментыг групп бүрд 20, 50 гээд ялгаатай тооны хүмүүс бичсэн байна.

Энэ талаар Монголын хамгийн олон харилцагчтай ХААН банкны Олон нийттэй харилцах хэлтсээс лавлахад тус банк ямар нэгэн урамшуулал олгоогүй бөгөөд аливаа мэдээллийг өөрийн албан ёсны цахим хуудас, вэб сайтаар дамжуулан өгдөг гэдгээ хэллээ.

Арилжааны банкууд харилцагчдын мөнгийг хадгалдгийн хувьд оны эцэст хадгаламжийн хүүг л иргэдэд олгодог. Өнгөрсөн оны хувьд системийн томоохон банкууд хувьцаат компани болж, олон нийтэд хувьцаа гаргасан. Энэ хүрээнд 2024 онд анхны ногдол ашиг тараах боломж нээгдэх ч үүнийг компанийн ТУЗ-ийн хурлаар шийдвэрлэдэг.

Компанийн тухай хуулийн 46.5.Төлөөлөн удирдах зөвлөл нь санхүүгийн жил дууссанаас хойш 50 хоногийн дотор ногдол ашиг хуваарилах эсэх талаар хэлэлцэн шийдвэрлэсэн байна хэмээн заасан байна.

Түүнчлэн банкууд зөвхөн харилцагчдад, хувьцаа эзэмшигчдэдээ хүү, ногдол ашиг олгох боломжтой буюу Монгол Улсын бүх иргэнд урамшуулал олгох үндэслэл байхгүй юм.

“Сайн уу” гэж бичээд чатаар холбогдохын цаан иргэд банкны данс болон хувийн мэдээллээ алдаж, цахим залиланд өртөх эрсдэлтэйг Цагдаагийн байгууллагаас сэрэмжлүүлсээр байна.

Цахим залилангийн гол агуулга нь урамшуулал амлах, сугалаанд хожих тухай байдаг. Цаад зорилго нь данс, хувийн мэдээллийг нь аваад мэдээлэлд нь нэвтрэн дансыг нь хоослох зорилготой. Тиймээс цахим залиланд өртөхгүй байх сэрэмжлүүлгийг тогтмол хүргэж байгааг арилжааны банкууд мэдээлж байна.

Цахим гэмт хэргийн тоо сүүлийн жилүүдэд огцом өсжээ.

Цахим гэмт хэргийн 85% нь залилах гэмт хэрэг байгаа бол 3.9% нь цахим мэдээлэлд хууль бусаар халдах хэрэг эзлэх болсныг Эрүүгийн цагдаагийн албаны Кибер гэмт хэрэгтэй тэмцэх хэлтсийн эрүүгийн ахлах мөрдөгч, цагдаагийн хошууч Б.Дөлгөөн хэвлэлд ярьжээ.

Иймд иргэд олон нийтийн сүлжээн дэх мэдээллийг нягталж, аливаа мэдээллийг албан ёсны эх сурвалжаас авч байхыг Factcheck.mn сануулсаар байна.

Эх сурвалж:

  • ХААН банк
  • ЦЕГ
  • ҮСХ
Төстэй мэдээлэл

Мягмар гараг буюу 2020 оны арваннэгдүгээр сарын 17-ын өдөр УОК хуралдсаны дараа нийслэлийн автомашины хөдөлгөөнийг илүү хумихаар шийдвэрлэсэн талаар мэдээлэхдээ хоорондоо зөрүүтэй тоонууд хэлсэн юм Мэдээллийн үеэр нийслэлийн Засаг дарга Д.Сумъяабазар: Бүх нийтийн бэлэн байдлын зэрэгт шилжүүлсэнтэй холбоотойгоор тээврийн хөдөлгөөнийг нарийн цагийн хуваарьт шижлүүлсэн. Бид 17,000 тээврийн хэрэгсэл хөдөлгөөнд оролцоно гэж тооцоолсон. Гэтэл өнөөдрийн байдлаар бидний […]

Bachi Nyangar гэх фэйсбүүк хэрэглэгч 2022.03.10-нд “Pfizer дуусаа!

Tserenkhuu Ishtseden хэмээх фэйсбүүк хэрэглэгч 2021.06.24-нд коронавирусийн эсрэг вакцины хүүхдүүдэд үзүүлж буй нөлөөллийн талаар нэгэн пост оруулсныг 1.8К хүн шэйрлэж, 1.5К хүн лайк даржээ. Уг постод: “ДЭМБ хүүхдэд туршилтын журмаар вакцин хийхийг зөвшөөрсөн шийдвэрээ цуцлаж буйгаа зарлалаа. “Том хүн, эмч нар, настан нарыхаа урдуур оруулж хүүхдүүдийг вакцинжуулж болохгүй гэдгийг дэлхийн бүх улс орнуудад Зөвлөмж болголоо! […]

Иргэний хөдөлгөөний намын дарга асан Ж.Занаа КОВИД-19-ийн эсрэг вакцины найрлагын талаар пост оруулсныг 33 хүн цааш хуваалцжээ. Цар тахлын энэ үед ташаа мэдээллийг олон нийтэд түгээж, түүнд нь нэг хүн итгэхэд л эрүүл мэндээрээ үнэлж баршгүй хохирол амсах эрсдэлтэй.  Иймээс түүний пост дахь мэдээллийг нягтлан хүргэхдээ коронавирустэй холбоотой аливаа мэдээллийг заавал нягталж байхыг дахин дахин […]

Коронавирусийн цар тахал Монгол Улсад голомтлон халдварласнаас хойш тус өвчинтэй холбоотой хуурамч зөвлөгөө олон нийтийн сүлжээнд ихээр тарж, иргэнд түүнийг нь хуваалцсаар байна. Иймд эрүүл мэндийн зөвлөгөөг үнэн худал болохыг заавал нягталж байж туршихыг сануулаад уншигчаас ирсэн хүсэлтийн дагуу дараах мэдээллийг UNICEF-тэй хамтран нягталснаа хүргэе. Олон нийтийн сүлжээд “Италийн эмч Джем Джамиль Ахмед маш чухал […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх