Сүүнд хушны самар хийж буцалгаад хүүхдүүддээ 3 орой дараалан өгвөл ханиад хүрэхгүй – НОТЛОГДООГҮЙ

“Ээж нараа хадгалаад аваарай!!! Аяга сүүнд хушны самар хийж буцалгаад хүүхдүүддээ 3 орой дараалан өгвөл ханиад хүрэхгүй…” гэсэн гарчигтай, gerbul.life хэмээн цахим хуудаст нийтлэгдсэн мэдээлэл 1.9 к хүнд хүрчээ.  

Тухайн мэдээлэлд “Улирал солигдож байгаа үед мөн хүүхдүүд олноор нэг дор цугларч байгаа энэ үед ямарч сайн дархлаатай хүүхэд нэг нэгнээсээ ханиадны вирус аваад байдаг. Яг ийм үед аяга сүүнд + атга хушны самар хийгээд /ястай / буцалгаад халуун бүлээнээр нь унтахын өмнө хамгийн багадаа 3 орой дараалан өгвөл нэн тустай байдаг. Миний хүүхэд өвдвөл таны хүүхэд өвдөнө, таны хүүхэд өвдвөл миний хүүхэд өвдөнө, хүүхдүүдээ эрүүл байлгая ээж аавуудаа” хэмээн бичсэн байна. 

Энэхүү зөвлөгөө нь бодитой эсэхийг бид нягтлахаар Нийгмийн эрүүл мэндийн үндэсний төвийн хоол судлалын албатай холбогдоход “Манай төвд яг энэ талаар дагнаж хийсэн судалгаа одоохондоо байхгүй. Гэхдээ энэ мэт шинжлэх ухааны үндэслэлгүй аливаа зөвлөгөөг дагаж, хүүхдүүддээ туршихгүй байхыг анхааруулмаар байна” гэсэн юм. 

Хушны самар нь уураг өндөртэй, эрүүл мэндэд тустай гэдэг ч хүүхдэд аль болох их идүүлэхгүй байхыг зөвлөдөг. Ийм бид хүүхдийн харшлын эмч,  доктор Ж.Соёл-Эрдэнээс тодруулахад “Хушны самрыг хоёр нас хүртэлх хүүхдэд өгөхгүй байхыг зөвлөдөг. Харшилтай бол тэрнээс дээш насны хүүхдэд ч өгөхгүй байхыг зөвлөдөг. Харин сүүнд ястай нь буцалгаж өгдөг тухай анх удаа сонсож байна. Ээжүүдэд гэж хэлэхэд, батлагдаж, нотлогдоогүй, олон нийтийн сүлжээнд байгаа элдэв зөвлөгөөг туршихгүй байх хэрэгтэй. Хүүхдэд яаж ч сөргөөр нөлөөлж болно шүү дээ” гэлээ. 

Дэлхий дахинд сүүлийн жилүүдэд эрүүл мэндийн хуурамч, нотлогдоогүй зөвлөгөө ихээр тараах болсон нь олон нийтийн сүлжээний бас нэгэн асуудал болоод буй. Тиймээс улс орнууд олон нийтийг төөрөгдүүлсэн мэдээлэлтэй тэмцэх ажлаа эрчимжүүлсээр байгаа билээ.

Нягталсан: Ц.Тамир (MCIR)

Төстэй мэдээлэл

Товч агуулга: Баянзүрх дүүргийн 26-р хорооны нутагт өнөөдөр(2024.01.24) болсон дэлбэрэлтийн улмаас үүргээ гүйцэтгэж байсан Онцгой байдлын гурван алба хаагч амиа алдсан харамсалтай хэрэг гарсан. StOne, S’s boutique зэрэг нэртэй фэйсбүүк хэрэглэгчид “Хичнээн хайрлаж өсгөсөн хөвгүүд ээжийгээ үлдээгээд, аавийгаа орхиод одчихов доо. Гүн эмгэнэл илэрхийлье” гэсэн үгтэй пост цахим орчинд тараад байна. Тухайн постод ашигласан зураг […]

“Иргэн хувиараа бизнес эрхэлдэг та 2024.01.01 нээс АЛДАГДАЛТАЙ ажилласан ч та татвар төлнө, монголын бүх иргэд дансаар орсон мөнгөнөөсөө 1 хувийн татвар төлнө, чөлөөт цагаараа фитнест явж, хамт олноороо дуулах хоол идэх эргүй боллоо нийслэл хотын татвар 2 хувь болж нэмэгдлээ, одоо төлдөг төлбөрөө 2 дахин нэмж төлнө гэсэн үг үү……😪😪🫨🫨😦” гэсэн агуулгатай пост цахим […]

Долдугаар сарын 19-нд Munkhbayar Ch нэртэй Фэйсбүүк хэрэглэгч “Ахиад

Урьд шөнө хичээнгүйлэн бэлдсэн цэцэгс гэх зураг Монголд биш Arslan.mn сайтын албан ёсны фэйсбүүк хуудаст 2022 оны 9-р сарын 2-ны өдөр “Урьд шөнө хичээнгүйлэн бэлдсэн цэцэгс“ гэсэн тайлбар бүхий хогийн саванд хийсэн баглаатай цэцэгсийн зургийг оруулжээ. Уг постод 10 цагийн дотор 1100 хүн хариу үйлдэл үзүүлсний 515 нь уйлж буй, 205 нь ууртай эможи дарсан […]

Товч агуулга Монголд төрж, өсөж байгаа 10 хүүхдийн 4 нь аутизмтай болж байгаа бол 2020 оны байдлаар 5 настай аутизмтай хүүхдийн тоо 33 мянга орчим болохоор байгаа нь үндэслэлгүй болохыг нотолж байна. Улс орнуудын товлолт вакцинууд аутизм өвчнийг үүсгэдэггүй болохыг олон судалгаа нотолсон. Европын орнууд 19 төрлийн вакцинаар хүүхдүүдийн дархлаажуулж байгаа ба төрснөөс 24 цагийн […]

Монгол Улс ураны томоохон төсөл хэрэгжүүлэх гэж байгаатай холбогдуулан Цөмийн энергийн тухай хуульд нэмэлт, өөрчлөлт оруулах төслийг УИХ-аар хэлэлцэж эхэлсэн. Энэхүү хуулийн төсөлд уран олборлохтой холбоотой суурь АМНАТ ашигт малтмал борлуулалтын орлогын 5% байхаар, нэмэгдүүлэн тооцох АМНАТ нь ашигт малтмалын зах зээлийн үийн өсөлтөөс хамааран 0-9% байхаар, харин тусгай АМНАТ-ыг тухайн ордын онцлог, ашигт малтмалын […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх