Товч агуулга
2021-2022 онд хүүхдүүдийн нас баралт 8,200% өсөөгүй.
Вакцин нас баралтын түвшинд нөлөөлсөн гэсэн нотолгоо байхгүй.
Англид 2020.03-2022.08 сар хүртэлх хугацаанд нийт 54 хүн КОВИД-19-тэй холбоотойгоор нас барсан гэж бүртгүүлснээс 10-19 насны хүүхдийн нас баралт нэг тохиолдсон.
“Энэ жил хүүхдүүдийн нас баралт 8,200% өссөн. 2021-2022 онд хүхдүүдийн нас баралт ингэж нэмэгджээ. Вакцинууд бол аюулгүй биш, үр дүнгүй” хэмээн ярьсан цэрэг хувцастай залуугийн 5 минутын видео олон нийтийн сүлжээнд 2022.10.11-нд анх тархжээ.
Фэйсбүүк, Твиттер, Инстаграм гээд цахим сүлжээгээр дамжин 2,300 гаруй шэйрлэгдсэн уг видеон дахь агуулгын эх сурвалж нь The Expose сайт байсан хэмээр Ройтерс агентлаг нягталсан байна.
Харин тус сайт 2022.05.20-нд нийтэлсэн уг мэдээндээ Их Британийн ҮСХ-ны 2022 оны гуравдугаар сарын дата мэдээлэлд дүн шинжилгээнд үндэслэсэн бөгөөд COVID-19-ийн вакцин хийлгэсний дараа хүүхдүүдийн нас барах эрсдэл нь вакцинд хамрагдаагүй хүүхдүүдтэй харьцуулахад 8,100% -аас 32,000% хүртэл нэмэгддэг гэж бичжээ.
Тэгвэл дээрх хоёр эх сурвалжийн аль аль нь олон нийтийг төөрөгдүүлсэн буруу мэдээлэл түгээсэн болохыг Английн ҮСХ-ны хэвлэлийн төлөөлөгч Ройтерс агентлагт и-мэйлээр тайлбарлаж, албан ёсны байр сууриа илэрхийлсэн байна. Тэрбээр “2021-2022 онд хүүхдүүдийн нас баралт 8,200% өсөөгүй.
Сүүлийн гурван жилийн үзүүлэлтийг харьцуулбал 2020 оны 1-39 дэх долоо хоног хүртэлх хугацаанд 0-14 насны хүүхдийн 2,419 нас баралт бүртгэгдсэн бол 2021 оны хувьд 2,415, 2022 онд 2,496 бүртгэгдсэн. Өөрөөр хэлбэл, том зөрүү байхгүй” хэмээн тайлбарлажээ.
Вакцин хийлгэсэн болон вакцинд хамрагдаагүй хүүхдүүдийн нас баралтын тухайд тэрбээр мөн тайлбар өгсөн байна. 2021 оны сүүлч болон 2022 оны эхээр эрүүл мэндийн шалтгаантай, эрсдэлт бүлгийн хүүхдүүд Англид вакцинд хамрагдах дарааллын эхэнд эрэмбэлэгдэж байсан. “Иймд эмнэлзүйн хувьд эмзэг хүүхэд, залуучуудын нас баралтын түвшин хавсарсан өвчингүй хүүхдүүдтэй харьцуулахад өндөр байдаг нь вакцин хийлгээгүй хүүхдүүдийн нас баралтын түвшин яагаад өндөр байгааг тайлбарлаж байна” гэж хэвлэлийн төлөөлөгч хэлээд “Гэсэн хэдий ч вакцин нь нас баралтын түвшинд нөлөөлсөн гэсэн нотолгоо байхгүй” гэжээ.
2020.03 сараас 2022.08 сар хүртэлх хугацаанд нийт 54 хүн КОВИД-19-тэй холбоотойгоор нас барсан гэж бүртгүүлснээс 10-19 насны хүүхдийн нас баралт нэг тохиолдсон байна.
Иймд КОВИД-19-ийн вакцин хүүхдүүдийн нас баралтыг нэмэгдүүлж байна гэдэг нь олон нийтийг ТӨӨРӨГДҮҮЛСЭН, ХУДАЛ агуулга хэмээн Ройтерс агентлагийн баримт нягтлагчид үнэлжээ.
Эх сурвалжууд:
https://www.reuters.com/article/factcheck-vaccinedeaths-children-idUSL1N31K0ZE
НҮБ-ын Хүүхдийн Сангийн дэмжлэгтэйгээр хамтран бэлтгэв.
