Товч агуулга
Вакцин нь 100% үр дүнтэй байдаггүй тул хийлгэсэн зарим хүн КОВИД-19-ийн улмаас нас барж болно.
КОВИД-19-ийн нас баралтын хувьд вакцинд хамрагдаагүй хүмүүс, 4, 5 дугаар сард КОВИД-19-ийн эсрэг вакцин хийлгэж байсан хүмүүстэй харьцуулахад нас баралтын түвшин өндөр байна.
The Expose хэмээх блог бичдэг сайтад “Борисыг огцроход анхаарлаа сарниулж байх хооронд Их Британийн засгийн газар дөрөвдүгээр сараас хойш нийт COVID-19-ийн нас баралтын 94% нь вакцинд хамрагдсан бөгөөд үүний 90% нь гурвалсан/дөрөв дахин тарилга хийсэн тухай тайланг чимээгүйхэн гаргажээ” гэсэн гарчигтай мэдээлэл нийтлэгджээ.
Уг блогийг бичихдээ Үндэсний Статистикийн Газрын мэдээллийг эш татаж, “Сүүлийн хоёр сарын хугацаанд Английн вакцин хийлгэсэн хүн амын хувьд аймшигтай зүйл байсныг нотолж байна” гэж бичжээ.
GB News-ийн хөтлөгч Марк Долан мөн КОВИД-19-ийн улмаас нас барсан вакцинд хамрагдаагүй, вакцинд хамрагдаагүй, гурван удаа вакцин хийлгэсэн хүмүүсийн тоог харуулсан нийтлэл доторх графикийг “Бурхан минь, энэ худал гэж найдъя” хэмээн жиргэжээ. Түүний жиргээг 12,000 гаруй удаа цааш жиргэсэн байна.
Дээрх блогт “Вакцин хийлгэсэн хүн амын дархлааны системд асар их хохирол учруулж байгааг тодорхой харуулсан” гэж өгүүлсэн нь худал хэмээн баримтыг нягтлагч Fullfact дүгнэжээ. Учир нь Их Британийн вакциныг хяналтыг тавьдаг гол байгууллага болох Эм, эрүүл мэндийн бүтээгдэхүүний зохицуулах агентлаг дархлаа тогтолцоонд вакцин ийм их хэмжээний хохирол учруулах ямар ч үндэслэл байхгүйг мэдэгдсэн байна. Энэ талаар өмнө нь ч мөн төстэй ташаа ойлголт олон нийтийн сүлжээгээр тарж байжээ. Блогт ашигласан график дахь тоон мэдээлэл яагаад төөрөгдүүлж байгааг Fullfact дараах байдлаар нягталсан байна.
Factcheck:
График дээрх тоонууд зөв бөгөөд 2022 оны 4, 5 дугаар сард Нас барсны гэрчилгээнд тэмдэглэснээр КОВИД-19-ийн шалтгаанаар нас барсан гэсэн бүртгэлийн 94% нь вакцинд хамрагдсан хүмүүс байсан талаар Английн Статистикийн хороо нь мэдээлсэн байна. Гэхдээ вакцинжуулалтын хамарсан хүрээг тооцох хэрэгтэй бөгөөд вакцинууд үр дүнгүй, эсвэл аюултай гэсэн үг биш юм.
Вакцин нь 100% үр дүнтэй байдаггүй тул хийлгэсэн зарим хүн КОВИД-19-ийн улмаас нас барж болно. Гэхдээ хүн амын ийм том хувь, ялангуяа өндөр настан, хамгийн эмзэг бүлгийнхэн вакцинд хамрагдсан тул вакцин хийлгээгүй хүмүүстэй харьцуулахад илүү тоогоор нас барсан байх боломжтой буюу гайхах зүйл биш гэдгийг тайлбарлажээ.
Английн ҮСХ-ны нас баралтын шинжилгээний ахлагч Сара Коул Твиттер хуудсандаа ижил статистикийн мэдээллийн хүснэгтүүд нь КОВИД-19-ийн нас баралтын хувьд вакцинд хамрагдаагүй хүмүүс, 4, 5 дугаар сард КОВИД-19-ийн эсрэг вакцин хийлгэж байсан хүмүүстэй харьцуулахад нас баралтын түвшин өндөр байгааг харуулж байна гэжээ. Тэрбээр “Вакцин хийлгэсэн болон вакцинд хамрагдаагүй хүмүүсийн тоо, шинж чанар нь өөр өөр байдаг тул бид бүлэг тус бүрийн нас баралтын тоог харгалзан үзэх хэрэгтэй” гэжээ.
Мөн тэрбээр Expose болон Марк Долан нарын түгээсэн график дээр тайлбар хэлэхдээ “Хэдийгээр харагдаж байгаа тоонууд нь зөв боловч цааш агуулгыг бүрэн гаргахгүй. Бүлэг тус бүрийн хүн амын тоог харгалзан үзэх ёстой бөгөөд энэ нь вакцин хийлгэсэн хүмүүсийн КОВИД-19-ийн нас баралтын түвшин вакцин хийлгээгүй хүмүүсээс бага байгааг харуулж байна” гэжээ.
Иймд дээрх агуулга нь олон нийтийг төөрөгдүүлсэн, бүрэн бус, ТАШАА мэдээлэл байна.
Эх сурвалжууд:
https://fullfact.org/health/phe-ukhsa-bolsonaro/
https://coronavirus.data.gov.uk/details/vaccinations?areaType=nation&areaName=England
