Товч агуулга

Хүүхдийн хөгжлийн гаж нөлөөтэй холбоотойгоор КОВИД-19-ийн эсрэг вакциныг санал болгохоо больж, зогсоосон тухай баттай нотолгоо байхгүй.

Дани улс COVID-19 вакциныг эмнэлзүйн эрсдэлтэй 5-11 насны хүүхдүүдэд санал болгож байна.

5-15 насны хүүхдүүдэд Pfizer/BioNTech вакцин маш сайн үр дүнтэй байсныг Бие даасан эм, эрүүл мэндийн бүтээгдэхүүний зохицуулах агентлагаас баталгаажуулсан.



Dr. Simone Gold гэх хаягтай жиргээч 2022.09.08-нд “Шуурхайн мэдээ: Их Британид 5-11 насны хүүхдүүдэд КОВИД-19-ийн эсрэг вакциныг цаашид зөвлөхгүй боллоо. Өнгөрсөн сарын сүүлч гэхэд таван нас хүрээгүй хүүхдүүдэд вакцин хийхийг хориглолоо. Энэ нь хүүхдүүдийн хөгжлийн гаж нөлөөнөөс үүдэлтэй шийдвэр аж” гэсэн утгатай пост оруулсныг TheDispatch.com сайтын баримт нягтлагчид шалгасан байна.

2022.09.21-нд баримтыг нягтлах хүртэл уг жиргээг 17,000 хүн шэйрлэж, 45,000 хүн лайк даржээ.

The Dispatch Fact Check-ийн нягталсан мэдээллийг хүргэж байна.

FactCheck:

Симон Голд нь хуурамч мэдээлэл түгээдгээрээ цуутай, тэр дундаа КОВИД-ын талаар хуурамч мэдээллийг түгээгч, вакцин идэвхтэй эсэргүүцэгч нэгэн ажээ. Тэрбээр ивермектин ба гидроксихлорокиныг COVID-19-ийн эмчилгээ болгон сурталчилсан “Америкийн тэргүүлэх эмч нар” компанийг үндэслэгч юм байна.

Хүүхдийн хөгжлийн гаж нөлөөтэй холбоотойгоор КОВИД-19-ийн эсрэг вакциныг санал болгохоо больж, зогсоосон тухай баттай нотолгоо алга.

2022 оны хоёрдугаар сард Вакцинжуулалт, Дархлаажуулалтын Хамтарсан Хороо(JCVI) 5-11 насны, эмнэлзүйн эрсдэлийн бүлэгт хамаарахгүй хүүхдүүдэд Pfizer-BioNTech вакциныг хийхийг зөвлөсөн. Одоо бол COVID-19 вакциныг эмнэлзүйн эрсдэлтэй 5-11 насны хүүхдүүдэд санал болгож байгааг Их Британийн Эрүүл мэнд, аюулгүй байдлын агентлагийн Вакцин болон КОВИД-19-ийн тархвар судлал хариуцсан дэд захирал Гэвин Дабрера The Dispatch Fact Check-д и-мэйлээр хариу ирүүлэхдээ тайлбарлажээ.

Тус агентлагаас 2022.02.16-нд гаргасан хэвлэлийн мэдэгдэлд вакцины удирдамжид орсон дээрх өөрчлөлтийн талаар бичихдээ “Хамгийн сүүлийн үеийн нотолгооноос харахад вакциныг болзошгүй шинэ давалгаанаас өмнө нэвтрүүлэх нь эдгээр цөөхөн хүүхдийг хүнд өвчин, эмнэлэгт хэвтэхээс хамгаалж, мөн насны бүлэгт хөнгөн халдвараас ч богино хугацаанд хамгаалж байна” гэжээ.

Мөн Үндэсний эрүүл мэндийн байгууллагаас 5-15 насны хүүхдүүдэд Pfizer/BioNTech вакцин маш сайн үр дүнтэй байсныг Бие даасан эм, эрүүл мэндийн бүтээгдэхүүний зохицуулах агентлагаас баталгаажуулсныг Эрүүл мэндийн үйлчилгээний үндэсний төвөөс мэдээлсэн байна.

Бристолын их сургуулийн Хүүхдийн анагаахын профессор, Вакцинжуулалт, Дархлаажуулалтын Хамтарсан Хорооны гишүүн Адам Финн The Guardian сонинд тайлбарлахдаа энэхүү вакцинжуулах бодлого нь хамгийн эмзэг бүлгийн хүмүүст зориулсан, учирч болох хүндрэлийг эрэмбэлсэн болохыг тайлбарлаад “Гэсэн хэдий ч одоо баримталж буй бодлогын гол чиглэл бол намрын тусламжийн хөтөлбөрийг саяхан зарласны дагуу цочмог халдварын эрсдэлтэй хүмүүсийг дархлаажуулах явдал юм” гэжээ.

Иймд хүүхдийн хөгжлийн гаж нөлөөнөөс үүдэн Англи КОВИД-19-ийн вакцинаа Их Британи зогсооно гэдэг нь ХУДАЛ агуулга хэмээн үнэлсэн байна.

Эх сурвалжууд:

https://factcheck.thedispatch.com/p/fact-checking-claims-about-covid-2fc

https://www.gov.uk/government/news/jcvi-updates-advice-on-vaccinations-for-5-to-11-age-group’

https://www.nhs.uk/conditions/coronavirus-covid-19/coronavirus-vaccination/coronavirus-covid-19-vaccination-for-children/coronavirus-covid-19-vaccine-side-effects-and-safety-for-children/

НҮБ-ын Хүүхдийн сантай хамтран бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Тэгвэл уг мэдээллийг нягталж шалгахад зураг эвлүүлсэн байжээ. Мөн япон хэл дээрх текстэд Ерөнхий сайд гамшиг болсон газартай танилцсан тухай л өгүүлжээ. Харин түүний доод хэсгийн зургийг эвлүүлэн хуурамчаар хийжээ. Уг зурган дээрх үйл явдал бол 2019 оны 10 сарын 17-ны өдөр Японы зүүн хойд хэсгээр далайн хүчтэй хар шуурганд өртсөн Фукушима, Мияги зэрэг мужийн […]

Олон улсын цэргүүд коронавирусийн эсрэг Монголын төрийн далбаан дор нэгдэж хийсэн гэх видео бичлэг олон нийтийн сүлжээгээр цацагдаад байгаа билээ.    Олон нийт энэхүү бичлэгийг шинэ коронавирусийн халдвар гарснаас хойш зориуд хийсэн хэмээн ойлгож байгаа тул фактчек буюу баримтыг нягталж, бичлэгийг анх цацсан “Монгол цэрэг-дэлхийн цэрэг” фэйсбүүк хуудсаар дамжуулан эх сурвалжтай холбогдож энэ талаар тодруулсан юм. Тэгвэл […]

Монгол бүсгүйчүүд нэртэй фэйсбүүк пэйжид 2022 оны 2-р сарын 9-ний өдөр “Монгол Улсаас өвлийн олимпод оролцож буй анхдагч уран гулгалтын тамирчин Г. Марал-Эрдэнэ. Амжилт хүсээд дэмжээрэй. Монгол хүн байна даа энэ постыг #Like дараад #Share хийгээрэй” гэсэн пост оржээ. Есөн цагийн хугацаанд энэхүү постод 842 хүн хариу үйлдэл үзүүлж, 488 хүн хуваалцсан бөгөөд 136 сэтгэгдэл […]

Засгийн газрын хэрэг эрхлэх газрын дарга Л.Оюун-Эрдэнэ өнгөрсөн дөрөвдүгээр сарын 20-нд МҮОНТВ-ийн мэдээллийн хөтөлбөрөөр Монгол Улсад 400 сая жуулчин ирэх боломж байгаа талаар ярьсан нь боломжтой эсэх талаар бид нягтлан хүргэсэн билээ.  Тэрбээр Хэнтий аймгийн Чингис Хот, Дадал сумыг 200 км замаар холбож, шинэ гүүртэй болсноор ийм боломж үүснэ хэмээн ярьсан юм.  Тэгвэл ЗГХЭГ-ын дарга Л.Оюун-Эрэдэнэ ямар нэгэн […]

Хэд хоногийн өмнөөс “Ройтерс”: С.Баярцогтыг 10 сая ам.долларын авлигын хэрэгт буруутгалаа гэсэн гарчигтай мэдээ фэйсбүүк орчинд түгээгдэж эхлэв. Тухайн мэдээлэл нь www.shuud.mn сайтын бэлтгэсэн мэдээлэл бөгөөд энэхүү үйл явдал нь өнөөдрөөс хоёр жилийн өмнө буюу 2018 оны гуравдугаар сарын 20-ны өдрийн үйл явдал болох нь мэдээ уруу ормогц харагдаж байна. Гэвч тухайн мэдээллийг нийгмийн мэдээллийн сүлжээнд […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх