Вакцинтай, гэнэт нас барсан хүний судаснаас 1-2 м үл мэдэх шимэгч олдож байгаа – ХУДАЛ

Bachi Nyangar гэх фэйсбүүк хэрэглэгч 2021.01.31-нд “Америкийн моргийн ажилтан вакцинтай хүн гэнэт нас барсан хүний бие судас дотроос 1-2 метрийн урт үл мэдэх резин шиг шимэгч олдож байгаа” гэсэн пост оруулаад гурван зураг хавсаргажээ. Уг постыг 157 хүн шэйрэлж, 199 хүн лайк дарсан байна.

Энэхүү постыг нягталж өгөх хүсэлт уншигчаас ирсний дагуу нягталлаа.

Factcheck:

Юуны өмнө дээрх постод хавсаргасан зургийг ашигласан эх сурвалжийг хайж үзэхэд доорх агуулгатай мэдээллүүд гарч ирэв. Тухайлбал, NewsWars гэх сайт Dr. Jane Ruby Show нэвтрүүлгээр гарсан ярилцлагыг нийтэлжээ.

Энэ нь вакцин тариулаад нас барсан хүний судаснаас үл мэдэгдэх шимэгч гарсан тухай биш, хачирхалтай цусны бүлэгнэл анзаарагдсан тухай мэдээлэл байна.

Коронавирусийн халдварын эсрэг вакцин хийлгэсэн хүмүүст ийм зүйл тохиолдсон гэх дээрхтэй адил мэдээллийг гадаад улсын иргэд ч цахим орчинд олноор түгээжээ. Тиймээс баримтыг нягтлагч олон улсын анхны санаачлагч Poynter академи энэ талаар 2022.02.10-ны өдөр нягталсныг хүргэж байна.

АНУ-д 900,000, дэлхий даяар 5.9 сая хүн КОВИД-19-ийн шалтгаанаар нас барсан.

КОВИД-19 өвчний шалтгаанаар нас барсан хүмүүсийн цогцост цусны судасны үрэвсэл, жижиг судаснуудын гэмтэл, цусны бүлэгнэл зэрэг өөрчлөлт олноор олдож байгааг тайлбарлаж болох юм.

Цар тахлын эхэн үед эмнэлэгт хэвтсэн өвчтөнүүдийн дунд КОВИД-19 болон цус бүлэгнэлтийн хамаарал илэрч байв. Тэдгээр өвчтөнд артери венийн судасны аль алинд нь цусны өтгөрөлт үүсэж, зарим тохиолдолд цус харвалт, зүрхний шигдээс КОВИД-19-ийн хүнд хэлбэрээр өвдсөн өвчтөнүүдэд ажиглагдаж байсан бол хөнгөн хэлбэрийн өвчтөнүүдэд цус өтгөрөх шинж тэмдэг илэрч байсан.

Аризона мужийн Финикс хот дахь NXT Generation Morgue Support-ийн тусгай зөвшөөрөлтэй ажилтан Моника Торрес “Вакцин үйлдвэрлэгдэж гарахаас өмнө КОВИД-19 өвчний улмаас нас барсан хүмүүст хэвийн бус цусны бүлэгнэл илэрч байсан бөгөөд нас барсан хүмүүст цусны бүлэгнэл илрэх нь түгээмэл үзэгдэл” гээд КОВИД-19-тэй хүмүүсийг чандарлахаас өмнө хөргөгчинд удаан хугацаагаар хадгалдаг тухай хэлжээ.

АНУ-ын мэргэжлийн байгууллага болох Оршуулгын газрын үндэсний холбооноос PolitiFact-д албан ёсоор тайлбар өгсөн ба тус байгууллагын ажилчид КОВИД-19-тэй холбоотой нас баралтад ижил төстэй шинж байгааг анзаарсан боловч энэ өөрчлөлт нь вакцин хийлгэсэн, хийлгээгүй хүмүүсийн дунд ижил байсныг дурдсан байна. Тус нийгэмлэгийн олон нийттэй харилцах албаны дарга Жессика Кот “Энэ бол зүгээр л үлгэр домог. Үүнд дүгнэлт хийх шинжлэх ухааны нотолгоо байхгүй” гэжээ.

Мөн Оршуулгын газрын үндэсний холбооны ерөнхийлөгч, доктор Хари П. PolitiFact-д ярихдаа “Оршуулгын газрын ажилтнууд чандарлаж байгаа цогцосын вакцинжуулалтын байдлыг мэддэггүй. Энэ мэдээлэл нас барсны гэрчилгээн дээр байхгүй” гэдгийг тайлбарласан байна. Өөрөөр хэлбэл, ажилчид ер бусын цусны бүлэгнэл нэмэгдэж байгааг анзаарсан гэж мэдэгдсэн ч тэд тухайн шарилыг вакцин хийлгэсэн байсан эсэхийг ялгах боломжгүй юм байна. Мөн КОВИД-19 халдварт өвчний үед цусны судас үрэвсэх, жижиг судсууд гэмтээх, цусны бүлэгнэл үүсгэдэг болохыг мэргэжилтнүүд тэмдэглэжээ.

ДЭМБ-ын мэдээлснээр КОВИД-19 цар тахал гарахаас өмнө зүрх судасны өвчлөл дэлхийн хэмжээнд нас баралтын тэргүүлэх шалтгаан байсан бөгөөд АНУ-д л гэхэд 2019 онд 17.9 сая хүн зүрх судасны өвчнөөр нас барсан нь дэлхийн нийт нас баралтын 32 хувийг эзэлсэн байна. Эдгээр нас баралтын 85 хувь нь зүрхний шигдээс, харвалтын улмаас нас баржээ.

Тиймээс оршуулгын газрын ажилтнуудын олон нийтэд гаргасан мэдээллийг Politifact буюу Poynter академи бүхэлд нь ХУДАЛ гэж үнэлсэн байна. Bachi Nyangar гэх фэйсбүүк хэрэглэгч нь нотлогдоогүй, ТАШАА мэдээллийг олон нийтэд түгээж, иргэдийг төөрөгдүүлжээ.

Эх сурвалжууд:

https://www.newswars.com/pivotal-interview-embalmers-finding-strange-clots-in-jabbed-people/

https://rumble.com/vtcsgw-worldwide-exclusive-embalmers-find-veins-and-arteries-filled-with-never-bef.html

АШУҮИС-ийн Дархлаа судлалын тэнхимийн ахлах багш, эмнэл зүйн дархлаа судлаач эмч, Анагаах ухааны доктор Т.Хонгорзултай хамтран бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

“Улаанбаатарт хөл хориог 2021 оны 3 сарын 31-нийг хүртэл сунгах хувилбар яригдаж байна.” гэсэн мэдээлэл фэйсбүүкийн Монголын хамгийн том интернэт зар хуудаст нийтлэгджээ. Энэхүү мэдээллэлд 119 хүн хариу үйлдэл үзүүлж, 17 хүн сэтгэгдлээ бичсэн байна. Ингэхдээ хөдөө орон нутаг уруу явах хүсэлтэй, гэр бүлээрээ ажилгүй байгаа тухайгаа төдийгүй өөр арга хэмжээ авч хэрэгжүүлэх хэрэгтэй хэмээжээ. […]

МУБИС-ийн хоёр оюутнаас халдвар илэрч, зургаан оюутан халуурч байгаа талаар олон нийтийн сүлжээ, зарим хэвлэл мэдээллийн байгууллагууд мэдээлээд байна. Тэгвэл энэ нь худал болохыг Засгийн газар, УОК-ын хэвлэлийн төлөөлөгч Ц.Ганзориг мэдэгдлээ. Тэрбээр “Буруу ташаа, албан бус мэдээлэл түгээж байгаа зарим хэвлэлийн мэдээг залруулж байна. Яаран нягтлаагүй мэдээллийг түгээх нь цар тахлаас урьдчилан сэргийлэхэд нэмэр болохгүй” […]

AVIRA GameStore гэх фэйсбүүк пэйжээс 2023.11.18-нд “Говь Алтай аймгийн Цээл суман дахь хүсэл биелүүлэгч луут гол. Юмыг яаж мэдэхэв хүсэлээ бодоод шэйр” гэсэн пост оруулжээ. Уг постыг 7.3К хүн шэйрлэсэн ба 150 хүн инээж байгаа эможи дарснаас бусад 538 хүн итгэснээ илэрхийлж лайк болон бусад эможи дарсан байна. Factcheck: Уг зургийг нягталлаа. Ингэхдээ зураг нягтлахад […]

2021 оны зургадугаар сарын 15-ны өдөр цахим орчинд “7-р сарын 1-нээс эхэлж хэрэгжих Соёлын тухай хуулийн хэсгээс. Хараалын үг хэлсэн болон фэйсбүүкт бичсэн хүмүүсийг торгодог болно. Ямар үгээс шалтгаалаад торгох мөнгөний хэмжээ 150.000-5.000.000 хооронд байна” гэх зурган мэдээлэл цацагдсан. Уг мэдээлэлд хараалын үг болон түүнд ногдох торгуулийн хэмжээг хүснэгтлэн оруулжээ. Бид энэхүү мэдээллийг нягталлаа. Factcheck: […]

КОВИД-19-ийн эсрэг вакцины нэмэлт тунтай холбоотой эргэлзээтэй асуултуудад Жон Хопкинсын их сургуулийн Халдвараас урьдчилан сэргийлэх асуудал эрхэлсэн ахлах захирал, доктор, профессор Лиза Марагакис, Жонс Хопкинсын Хариу арга хэмжээ авах албаны дарга, доктор Габор Келен нар хариулсан байна. КОВИД-19-ийн вакцин үр дүнтэй байгаа бол яагаад би нэмэлт тун хийлгэх шаардлагатай вэ? АНУ-ын Хүнс, эмийн зөвлөлөөс хүлээн […]

Tseren Ichinhorloo хэмээх фэйсбүүк хэрэглэгч коронавирусийн талаар дараах постыг оруулсан нь маш олон хүний хандалтыг авчээ. Долдугаар сарын 14-нд нийтэлсэн уг постыг 253 хүн лайк дарж, 232 хүн шэйрлэж, 68 хүн коммент бичжээ. Тэрхүү постод: Корона гэгч тахал дэлхий дахинаа гарлаа гэсэн ЖҮЖИГ массыг АЙДАСТ автуулан 2 жил болоход хүүхдүүд хичээлээсээ хоцрогдож, жижиг дунд бизнесийнхэн […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх