Ковид 19 халдвар аваад эдгэсэн маш олон хүн ой санамжаа алдсан-БАТЛАГДААГҮЙ

Баянзүрх дүүргийн ИТХ-ын Төлөөлөгчөөр ажиллаж байсан Болдын Дэмбэрэл твиттер хуудастаа “Ковид 19 халдвар аваад эдгэсэн маш олон хүн ой санамжаа алдсан байна. Зүгээр нэг ханиад томуу биш” хэмээн жиргэжээ.

Түүний постолсон энэхүү мэдээллийг бид НҮБ-ын Хүүхдийн сантай хамтран нягталлаа.

Элзивер нийгмийн эрүүл мэндийн байгууллагын яаралтай тусламжийн төвөөс коронавирусийн халдвар аваад ICU буюу эрчимт эмчилгээнд орсон цөөн түүврийн хүнээс ой санамжтай холбоотой судалгаа явуулснаа 2020 оны наймдугаар сарын 25-ны өдөр АНУ-ын Анагаах ухааны үндэсний номын сан, Эрүүл мэндийн үндэсний хүрээлэнгийн сайтад нийтэлжээ.

Энэхүү судалгааг 279 хүнээс авсан бөгөөд тэдний 120 нь утсаар холбогдон судалгаанд оролцохыг зөвшөөрчээ. Асуумжид оролцсон 120 хүний 34 хувь нь ой санамж муудсан тухайгаа утсаар хэлсэн байна. Тодруулбал, эмнэлэгт хэвтсэнээс хойш 100-аас дээш хоногийн дараа илэрч буй шинж тэмдгийн талаар судалгаанд оролцогчдын

55 хувь нь ядаргаа
42 хувь нь амьсгаадах
34 хувь нь ой санамжаа алдах
28 хувь нь төвлөрөл алдагдах,
30.8 хувь нь нойрны эмгэг илэрч байна гэж хариулжээ.

Энэхүү судалгааны талаар Монгол дахь НҮБ-ын Хүүхдийн сангийн эрүүл мэндийн мэргэжилтэн, доктор Ч.Батаа “Энэхүү судалгааг хийсэн байгууллага үр дүнгээ мэдээлэхдээ маш цөөн хүнд түүврээр хийсэн гэдгээ дахин дахин анхааруулсан байгаа. Өөрөөр хэлбэл, коронавирусийн халдвар аваад үхэл, амьдралын заагт хүрээд эдгэсэн хүмүүсийг хамруулсан. Мөн асуумжаа утсаар холбогдож авсан. Тухайн хүмүүсийн хариулт нь субьектив байгаа буюу тэр хүн үнэхээр юм мартаад байдаг болчихсон уу, эсвэл мартаад байна гэж өөрийгөө бодоод байна уу, батлагдахгүй байна” хэмээн тайлбарласан юм.

Өнөөдөр COVID-19 өвчнөөр дэлхийн 63.7 сая хүн халдварлаж, 1.47 сая хүн амиа алдаж, 44 сая хүн эдгэрээд буй. Харин дээрх судалгаа нь зөвхөн эрчимт эмчилгээнд орсон 120 хүнийг хамарсан бөгөөд 40 гаруй хүн нь мартаж, санах болсон хэмээн хариулсан.

Иймд COVID-19-ийн халдвар аваад эдгэсэн маш олон хүн ой санамжаа алдсан гэдэг нь төөрөгдүүлсэн, батлагдаагүй мэдээлэл болж байна.

Нягталсан Ц.Тамир

Төстэй мэдээлэл

Худал

Сургууль дээр хүүхдэд чинь худал хэлээд юу ч тарьж болно-ХУДАЛ

Товч агуулга Томуугийн вакцин нь уг вирусийн идэвхгүйжүүлсэн буюу эмгэг үүсгэхгүй бүтцийн тодорхой хэсгийг агуулсан, зохиомлоор дархлаа тогтоох тарилга. Харин mRNA бол вакцин үйлдвэрлэх шинжлэх ухааны дэвшилт технологи. mRNA нь шинэ технологи ч хүний ДНХ буюу удмын мэдээллийг өөрчлөх боломжгүй. Вакцины нөлөөгөөр хүний биеийн дархлаа муудах, үгүй болох гэсэн ойлголт байхгүй. Вакцин нь нөхөн үржихүй, […]

Худал

Санал тоолох төхөөрөмжид нөлөөлж, хүмүүсийн саналыг өөрчилсөн – ХУДАЛ

Товч агуулга Сонгуулийн санал хураалтын бүхий л цаг үед Сонгуулийн Удирдлагын Системд санал хураалт, нэр дэвшигчдийн үр дүн үнэн зөвөөр мэдээлэгддэг. Энэ албан бичиг нь 2020 оны сонгуулийн санал хураалтын явцыг дэлгэцээр харуулах үед зарим нэр дэвшигчийн санал дээр яагаад таслал гарч, улмаар авсан саналуудыг эрэмбэлэхэд алдаа гарсан тухай юм. Санал хураалтын үр дүнд ямар […]

Худал

Ж.Соронзон давж заалдаад БШУЯ-ыг ялжээ-ХУДАЛ

Khas Zaya гэх фэйсбүүк хэрэглэгч “Ж.Соронзон давж заалдаад

Хятад вакцин хийлгэсэн бүх хүн өвчилсөн үү?

Dulamjav Erdenechuluun гэх фэйсбүүк хэрэглэгч “Германд гадаа мааск зүүчихсэн хүн нэг ч байхгүй. Манайхан сүүлийн 2 жил гадаа доторгүй мааскнаас салалгүй байсаар хятад вакцин хийлгэсэн бүх хүмүүс өвчлөөд байхад 3 дах тун гэх юм. Германд 3 тунгийн сураг ч алга. Ахан дүүс 3 тун битгий хийлгээрэй. Монголчуудыг туршилтанд оруулж байна” гэсэн постыг 2021.10.30-нд нийтэлжээ. Factcheck: […]

Ташаа

Хүүхдийн унаган дархлааг сүйрүүлнэ – ТАШАА

Товч агуулга Долдугаар сарын дунд ба наймдугаар сарын эхээр л гэхэд вакцин хийлгээгүй хүмүүс COVID-19-ийн улмаас нас барах тохиолдол нь бүүстер тун хийлгэсэн хүмүүсийнхээс 10 дахин их байна. Вакцины нөлөөгөөр хүний биеийн дархлаа муудах, үгүй болох гэсэн ойлголт байхгүй. COVID-19 вакцинаар тогтсон дархлаа нь өвдсөнөөс илүү найдвартай, аюулгүй хамгаалалт болдгийг судалгааны үр дүнгээр тогтоосон. Tata […]

Францын иргэн: Би Монголын ЭМЯ-ыг шүүхэд өгөөгүй. Харин ч намайг эдгээсэн эмч нарт баярлаж явдаг

Монгол Улсад бүртгэгдсэн коронавирусийн анхны тохиолдол болох Францын иргэн манай ЭМЯ-ыг шүүхэд өгч байгаа тухай мэдээлэл нийгмийн сүлжээнд олон нийтийг анхаарлыг татаад байна.. Тодруулбал, “Ковид, гадаадад гацсан Монголчууд, хандивын мөнгийг хуваасан төрийн албан тушаалтнууд гэх мэт сэдвээр хэсэг нөхөдтэйгөө ярьж суутал нөгөө Анх-Отгон чинь Францдаа очоод шинжилгээ хийлгэсэн нь сөрөг биет (ковид тусаагүй) гараагүй. Тэгээд Монголын […]

Өөр мэдээ олдсонгүй.