Монголд эмэгтэй гишүүн, сайд, захирлын эзлэх хувь АНУ, Англи, Японоос илүү эсэхийг нягталлаа

“Танил болчихсон хэдэн хүүхнийг гайхдаг. Зовов дарлуулав гадуурхагдав эрх мэдэл дутлав… Ямар ч статистикаас үзэхүл монгол эмэгтэй гэр бүлд албанд эрх мэдэлт уламжлалтай.Гишүүн сайд захирлын хувь АНУ Англи Японоос илүү.Төр, хууль, нийгэм гадуурхдаггүй” гэж бичсэн нийтлэлч Баабарын жиргээг нягталж өгөх хүсэлт уншигчаас ирэв.

Үзэл бодлыг нягтлах боломжгүй ч уншигчийн хүсэлтийн дагуу “Ямар ч статистикаас үзэхүл монгол эмэгтэй гэр бүлд албанд эрх мэдэлт уламжлалтай.Гишүүн сайд захирлын хувь АНУ Англи Японоос илүү” гэсэн агуулгыг нягталлаа.

Factcheck:

2020 оны Дэлхийн Эдийн засгийн форумаас гаргасан “Дэлхийн жендерийн харьцааны индекс” судалгааны тайлангаар:

Япон улс 153 орноос 121-т бичигдсэн байна. Тус улсын Парламентын 10.1%, Засгийн газрын 5.3 хувь нь эмэгтэйчүүд байна.


АНУ 153 орноос 53-т бичигдсэн байна. Тус улсын Парламентын 23.6%, Засгийн газрын 21.7% нь эмэгтэйчүүд байна.

Их Британи улс 21-т бичигджээ.

Их Британийн Доод танхимын дэргэдэх, улс төрийн судалгаа, статистикийн House of Commons-ийн 2021 оны гуравдугаар сард танилцуулсан “Улс төр, нийгэм дэх эмэгтэйчүүд” судалгаагаар тус улсын Парламентад 220 эмэгтэй гишүүн байгаа буюу 34%, Засгийн газрын таван гишүүн эмэгтэй буюу 23%-ийг эзэлж байгааг дурджээ.

Төрийн албан хаагчдын 54%, шүүх байгууллагын 11, цэцэрлэг, бага ангийн багш нарын 88%, цагдаагийн албан хаагчдын 31%-ийг эмэгтэйчүүд гүйцэтгэж байгаа гэсэн тоо байна.

Харин Монгол Улс 79-т бичигдэж байгаа буюу дээрх гурван орноос Япон улсын л өмнө бичигджээ. Парламентын 17.1%, Засгийн газрын 13.3% нь эмэгтэйчүүд болохыг уг тайланд дурдсан байна.

Одоогийн байдлаар 2020 оны УИХ-ын сонгуулийн үр дүнд 13 эмэгтэй гишүүн сонгогдсон бол Засгийн газарт гурван эмэгтэй сайд ажиллаж байгаа юм.

Нийслэлийн ИТХ-ын өмнөх сонгуулиар Төлөөлөгч болсон 45 хүний 10 нь эмэгтэй байсан бол энэ удаа 8 эмэгтэй төлөөлөгч НИТХ-д ажиллаж байна.

Төрийн захиргааны удирдах албан тушаалтнуудын түвшинд 2016 оны сонгуулийн дараах түвшнийг харвал

  • Яамдын төрийн нарийн бичгийн түвшинд 7.7%
  • Агентлагийн даргын түвшинд 3.3%
  • Аймаг, нийслэлийн ЗДТГ-ын даргын түвшинд 18.2% байгаа бол
  • Аймаг, нийслэлийн ИТХ-ын даргын түвшинд 0% байна.

Бизнесийн салбарын тухайд Монгол Улсад үйл ажиллагаа явуулж байгаа аж ахуйн нэгж, байгууллагын захирлуудын 35 хувь нь эмэгтэйчүүд ба дийлэнх нь худалдаа, үйлчилгээний салбарт үйл ажиллагаа эрхэлж байгаа бол ЖДҮ эрхлэгчдийн 60-аас дээш хувийг эмэгтэй бизнес эрхлэгчид бүрдүүлж байгаа гэсэн хувийн байгууллагуудын хийсэн судалгааны тоон мэдээлэл байна.

Эмэгтэй бизнес эрхлэгчийн хувийг харвал 2018 оны байдлаар АНУ 25.5, Их Британи 25, Япон 16.8 хувьтай байна.

Дээрхээс үзвэл монгол эмэгтэйчүүд улс төрийн шийдвэр гаргах түвшинд Япон улстай харьцуулахад өндөр байгаа ч Америк, Англид доогуур түвшинд байна.  Бизнесийн салбарт ерөнхий дүнгээрээ монгол эмэгтэйчүүд өндөр оролцоотой ч топ компаниудын шийдвэр гаргах түвшинд бага байна.

Тиймээс дээрх мэдээлэл бүрэн үнэн биш, төөрөгдүүлсэн агуулгатай ажээ.

Эх сурвалжууд:

https://reports.weforum.org/global-gender-gap-report-2020/dataexplorer/#economy=null

https://researchbriefings.files.parliament.uk/documents/SN01250/SN01250.pdf

https://ceoworld.biz/2019/01/21/countries-with-the-most-women-business-owners-as-a-percentage-of-total-business-owners-2018/?fbclid=IwAR23UmCxsrrSDf0tF_OAlx2GGMI7i-uDNbZUN_d68ung_cstJKPHBrg0Erg
  • Жендерийн тэгш байдлын индекс.
  • Үндэсний статистикийн хороо.
Төстэй мэдээлэл

Нийслэлийн удирдах ажилтны шуурхай зөвлөгөөн өнөөдөр 08:00 цагт товлогдож, өвөлжилтийн бэлтгэл ажлын талаар хэлэлцэх төлөвлөгөөтэй байв. Гэвч хурлын ирц хангалтгүй, маш олон газар, хөтөлбөрийн дарга ирээгүй тул хотын даргын үүрэг гүйцэтгэгч Ж.Батбаясгалан тэднийг чөлөөлж, хариуцлага тооцох талаар мэдэгдсэн юм. Тэрбээр: Авто замын газар Аялал жуулалчлалын газар Боловсролын газрын дарга Газрын албаны дарга Орон сууцны, дэд […]

Гоо Гоо хэмээн фэйсбүүк хаягаас “АНУ-ын Дээд шүүх бүх нийтийн вакцинжуулалтыг цуцаллаа” гэсэн гарчиг бүхий постыг 2021.06.13-нд нийтэлжээ. Уг постод “АНУ-д Дээд шүүх бүх нийтийн вакцинжуулалтыг цуцалжээ. Билл Гейтс, АНУ-ын Халдвар судлалын ахлах мэргэжилтэн Фаучи, Биг Фарма нар АНУ-ын Дээд шүүхэд өнгөрсөн 32 жилийн хугацаанд хийсэн бүх вакцинууд нь иргэдийн эрүүл мэндэд аюулгүй байсныг нотолж […]

monopolnews.com гэх сайт 2021.11.01-нд “К.о.в.и.д тусаад эдгэрсэн хүмүүс эдгээрийг хэзээ ч хийж болохгүй. ЗААВАЛ УНШ!!!” гэсэн гарчигтай мэдээлэл нийтэлжээ. Уг мэдээнд коронавирусийн халдвар аваад эдгэсэн хүмүүс дараах зүйлсийг хийж болохгүй гэж мэдээлсэн байна. Тэдгээр зөвлөгөөг нягталлаа. Идэвхтэй дасгал сургуулилт бүү хий. Бүх эмч нар уушгины хатгалгаа, коронавирусийн дараа биедээ хэт их ачаалал өгч болохгүй, хагас […]

Коронавирусийн халдварын эсрэг вакцинтай холбоотой олон нийтийг төөрөгдүүлсэн мэдээллүүд цахим сүлжээнд тархсаар байна. Фэйсбүүк сүлжээнд “Хүүхэд нь коронавирусийн халдвартай. Ээж нь зүгээр. Гэвч хөхний сүүний өнгө нь өөрчлөгджээ” гэсэн агуулгатай пост жилийн өмнө буюу 2021.1 сард цахим орчинд тарж, зөвхөн энэ постыг 10к хүн шэйрлэжээ. Жилийн өмнөх энэ постыг сүүлийн үед дахин шэйрлэх болсон тул […]

Товч агуулга Миокардит буюу зүрхний үрэвсэл хүүхдүүдэд маш ховор тохиолддог. Ялангуяа, вакцин хийлгэсний дараа маш ховор тохиолддог гаж нөлөө бөгөөд миокардитаар өвчилсөн хүмүүс хурдан эдгэрдэг байна. V-safe программаар дамжуулан вакцин эрүүл мэндэд нь ямар нэгэн байдлаар нөлөөлсөн гэж мэдээлсэн 4500-4600 хүүхдийн 1% нь л эмнэлгийн тусламж авах шаардлагатай байжээ. Судалгаагаар вакцин биш, харин КОВИД-19-ийн халдвар […]

Чойдогийн Туул нэртэй фэйсбүүк хэрэглэгч “Монголд товлолт вакцинаас, 20 мянган хүүхэд аутизматай болж байна. Дөнгөж төрсөн нярайд хийж хорлодог. Вакцины бизнесчид, хөгжлийн бэрхшээлтэй хүүхдиг бурхны бэлэг, сорио нтр гэж мунхруулж, яаж асрах вэ энээ тэрээ гэхээс яагаад ийм болов гэдэг, асуудлын мөн чанарыг таниулдаггүй, судлуулдаггүй. Жич: эмч нар дэлхийн эмнэлэг, эмийн салбар бол бизнес болсон, […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх