Вакцины 4 дэх тун дархлааг улам сулруулна гэв – ТӨӨРӨГДҮҮЛСЭН

Товч агуулга

Вакцины нэмэлт тун хийлгэсэн хүмүүс хийлгээгүй хүмүүстэй харьцуулахад эмнэлэгт хэвтэх нь 70-90% бага байна.

Израильд хийсэн судалгаагаар коронавирусийн эсрэг вакцины 4 дэх тун эсрэг биетийг тав дахин нэмэгдүүлсэн үр дүн гарсан.



Нягтлах мэдээ

Goymedee гэх нэртэй сайт “Вакцины дөрөв дэх тун дархлааг улам сулруулна гэв” гэсэн гарчигтай мэдээ 2021.01.12-нд нийтэлжээ.

Уг мэдээнд

“Европын Эмийн агентлаг 2021.01.11-нд коронавирусийн эсрэг вакцины дөрөв дэх тунг хийх шаардлагатай эсэхэд эргэлзэж эхэлсэн гэсэн мэдээлэл байна. Тус агентлагийн судалгааны материалд дурдсанаар вакцины дөрөв дэх тун нь дархлаа сулруулдаг болох нь тогтоогджээ.

Европын эмийн агентлагийн албан ёсны төлөөлөгч Марко Кавалари “байнга вакцин хийлгэх нь эсрэгээрээ дархлааны системд ачаалал өгч, дархлааг улам сулруулдаг. Дөрвөн сар тутамд вакцин хийлгэх нь дархлааны системийг ажиллагаагүй болгодог” гэж тодотгов.

Дээрхтэй адил дүгнэлтийг Израйлийн “Шиба” эмнэлгийн профессор Гили Регев хийсэн байна. Түүний хэлснээр, вакцины дөрөв дэх тунгийн судалгаа нь дархлааг зөвхөн тавхан хувиар л дэмждэг болохыг харуулсан гэв” гээд “Эх сурвалж: Mignews” гэжээ.

Энэхүү мэдээллийг нягталлаа.

FactСheck:

Mignews.com гэх сайтад энэ талаарх мэдээлэл гарсан ч эх сурвалжийн холбоосыг оруулаагүй байна.

Харин англи хэлээр thequint.com сайтад мэдээ гарсан бөгөөд Bloomberg-ээс эш татсанаа дурджээ.

Bloomber.com энэ талаар 2021.01.12-нд мэдээлэл гаргажээ. Уг мэдээнд:

Дархлаа сэргээх нэмэлт тунгуудыг дөрвөн сар тутамд хийх нь дархлааны хариу урвалыг сулруулж, хүмүүсийг ядрааж байгааг Евродын Эмийн агентлаг мэдээлээд улс орнууд хүйтний энэ улиралд томуугийн вакцинжуулалтын нэмэлт хөтөлбөрүүдийг хэрэгжүүлэхэд илүү анхаарахыг зөвлөсөн талаар дурджээ.

ЕЭА-ийн Эрүүл мэнд дэх биологийн аюул, вакцины стратегийн дарга Марко Кавалери Bloomegr.com-д “Бүүстер тунг нэг, хоёр удаа хийлгэж болох юм. Харин байнга давтан хийлгэсээр байх уу гэдгийг бодох хэрэгтэй. Үүний тулд цар тахлаас энгийн байдал руу гарах талаар бодох хэрэгтэй” гэжээ.

Европын Эмийн агентлаг КОВИД-19-ийн эсрэг нэмэлт вакцины талаар 2021.01.11-нд гаргасан мэдэгдэлдээ дараах байдлаар мэдээлжээ.

Дэлхийд бүртгэгдсэн дата мэдээллээс үзэхэд дархлаа сэргээх нэмэлт тун хийлгэсэн хүмүүс бүүстер тунд хамрагдаагүй хүмүүстэй харьцуулахад шинэ хувилбараас илүү хамгаалагдаж байна. Өмнөд Африкийн мэдээллээс харахад вакцины хоёр тунтай хүмүүс эмнэлэгт хэвтэхээс 70% хамгаалагдаж байгаа бол Англид вакцины бүрэн тун хийлгээд хэдэн сарын дараа дархлаа буурсан байсан бол бүүстер тунд хамрагдсанаар эмнэлэгт хэвтэхээс 90% хамгаалсан байна.

Эрх баригчдын зөвлөмжийн дагуу одоогоор вакцинд хамрагдаагүй болон хагас хамрагдсан хүмүүсийг бүрэн хамруулах, нэмэлт тунг нэвтрүүлэх ажлыг хурдасгах хүчин чармайлтыг үргэлжлүүлэх ёстой гэдгийг онцолжээ.

Дэлхийн улс орнуудаас хамгийн түрүүд коронавирусийн эсрэг вакцины 4 дэх тунг хийж эхэлсэн Израиль улсад хийсэн судалгаагаар уг тун нь эсрэг биетийг тав дахин нэмэгдүүлсэн гэж дүгнэсэн байна.

Тиймээс goymedee гэх сайт олон нийтийг ТӨӨРӨГДҮҮЛСЭН, агуулгыг дутуу хүргэсэн мэдээлэл түгээжээ. 

Эх сурвалжууд:

https://mignews.com/news/health/chetvertaya-vakcina-mozhet-obrushit-immunitet.html

https://www.bloomberg.com/news/articles/2022-01-11/repeat-booster-shots-risk-overloading-immune-system-ema-says

https://www.ema.europa.eu/en/news/preliminary-data-indicate-covid-19-vaccines-remain-effective-against-severe-disease-hospitalisation

https://www.reuters.com/world/middle-east/israeli-study-finds-fourth-dose-covid-19-vaccine-boosts-antibodies-five-fold-pm-2022-01-04/

НҮБ-ын Хүүхдийн Сангийн дэмжлэгтэйгээр бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Иргэний хөдөлгөөний намын дарга Ж.Занаа COVID-19-тэй холбоотой бас нэгэн мэдээллийг постолжээ.  Тэрбээр “Д, Ц аминдэм байхад л болоод байгаа юмыг заавал вакцин гэж дайраад байх юм” гэсэн байна. Өмнө нь тэрбээр мөн коронавирус бол цар тахал биш, улирлын вирус бөгөөд цинкээр эмчлэгддэг хэмээн олон нийтийн сүлжээнд бичиж байсныг нь худал болох нь нотлогдож байсан юм.   […]

Товч агуулга Миокардит буюу зүрхний үрэвсэл хүүхдүүдэд маш ховор тохиолддог. Ялангуяа, вакцин хийлгэсний дараа маш ховор тохиолддог гаж нөлөө бөгөөд миокардитаар өвчилсөн хүмүүс хурдан эдгэрдэг байна. V-safe программаар дамжуулан вакцин эрүүл мэндэд нь ямар нэгэн байдлаар нөлөөлсөн гэж мэдээлсэн 4500-4600 хүүхдийн 1% нь л эмнэлгийн тусламж авах шаардлагатай байжээ. Судалгаагаар вакцин биш, харин КОВИД-19-ийн халдвар […]

Коронавирусийн эсрэг вакциныг зөвхөн Монгол Улс төдийгүй дэлхийн

“Зөв хөгжил” гэх фэйсбүүк хаягаас “Дөнгөж сая ерөнхийлөгч асан Ц.Элбэгдоржийг гэрээс нь тагнуулын ерөнхий газраас дайчлан баривчиллаа” гэсэн постыг зурагтай нь нийтэлжээ. Уг постыг 17 минутын дотор 14 хүн хуваалцаж, 145 хүн лайк дарж, 83 хүн сэтгэгдэл бичжээ. Энэхүү постыг бид нягталлаа. Ингэхдээ зургийг google болон Yandex сайтын зураг хайлтаар шалгаж үзлээ. Өмнө нь 2020 […]

Тэгвэл уг мэдээллийг нягталж шалгахад зураг эвлүүлсэн байжээ. Мөн япон хэл дээрх текстэд Ерөнхий сайд гамшиг болсон газартай танилцсан тухай л өгүүлжээ. Харин түүний доод хэсгийн зургийг эвлүүлэн хуурамчаар хийжээ. Уг зурган дээрх үйл явдал бол 2019 оны 10 сарын 17-ны өдөр Японы зүүн хойд хэсгээр далайн хүчтэй хар шуурганд өртсөн Фукушима, Мияги зэрэг мужийн […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх