3-р тун титэм вирусийг дэлгэрүүлж байна гэж ДЭМБ үзсэн – ХУДАЛ

uguulleg.com гэх сайт 2021.09.12-нд “ДЭМБ-ын ноцтой мэдэгдэл: 3-р тун хийж байгаа орнуудыг улам титэм вирусыг дэлгэрүүлэх ажиллагаа явуулж байна гэж үзэж байна” гэсэн гарчигтай мэдээлэл нийтэлжээ.

Уг мэдээллийг ороод уншвал…

Гурав дахь тун бол судалгааны шатанд явж байгаа, эрдэмтэд янз бүрийн таамаг гаргаж байгаа ч тэр нь бат.лагдаж, нот.логдоогүй байгаа талаар эрдэмтэд хэлсээр, анх.ааруулсаар байна.

Харин иргэдийн сонголтгүй болгож, шахалтанд оруулж байгаа энэ асуудалд хариуцлага ярих төр засаг, эзэн гэж энэ улсад алга. И.Цэрэнхүү гуай дөрвөн цагийн өмнө “ДЭМБ ноц.той мэдэгдэл хийсэн тухай мэдээлэл хуваалцжээ. Тэрбээр “Өнөөдөр 9 сарын 8-ны өдөр. ДЭМБ ноцтой мэдэгдэл хийлээ. “Хүн амыхаа 57%-ийг вакцинжуулчхаад 3-р тунгаар бүстер хийж байгаа орнууд бол шударга бус, эсвэл ё.с зүй.гүй гэж хэлэхэд ч багадна, бүр ца.р тах.лыг цааш үргэлжлүүлэх сонирхолтой байна гэж ойлгоход болно” гэж дал.хийтэл мэдэгдлээ. Би зөндөө л хэлсэн шдээ. ДЭМБ мораториум та.вь.чихаад байхад ингэж том ба.аж болохгүй шдээ гэж. НҮБ хүртэл ДЭМБ-ыг дэмжчихлээ шүү гэж хүртэл сануулсан...” хэмээжээ.

Мөн “ДЭМБ-ийн энэхүү мэдэглийн талаар www.cnbc.com сайт мэдээлсэн байна. ДЭМБ чинээлэг үндэс.тнүүдийг К.о.в.и.д.ын э.мчилгээ, вакцин хур.им.тл.уул.сан гэж шүү.мж.и..ж, энэ нь та.х.а.л өвчнийг уртасгаж байна гэж мэдэгдэв….” гэгчлэн бичсэн байна.

4,546 хүнд хүрсэн уг мэдээллийг нягталлаа.

Factcheck:

Юуны өмнө уг сайт нь албан ёсны эх сурвалж биш болох нь тухайн сайтын талаарх мэдээлэл, холбоо барих, хаяг байршил байхгүйгээс харагдаж байгаа юм.

Мөн мэдээний текстийг бичихдээ үг хооронд олон тооны цэг авсан нь мэргэжлийн редакц, мэдээний эх сурвалж болгон итгэж болох эх сурвалж биш болохыг илтгэж байна.

ДЭМБ-ын мэдэгдлийг cnbc.com сайтад нийтлэгдсэн мэдээллийг хайж үзэв.

2021.09.08-нд гарсан уг мэдээлэлд дэлхийн тэргүүлэгч томоохон орнуудыг есдүгээр сарыг дуустал КОВИД-19-ийн эсрэг вакцины нэмэлт тунгаа түр хойшлуулахыг уриалсан тухай бичжээ. ДЭМБ-ын мэдээллээр дэлхий даяар 5.5 тэрбум тун вакцин тараагдсан ч 80 хувь нь дундаж болон өндөр хөгжилтэй орнуудад ногдож байгааг бичсэн байна.

ДЭМБ-аас наймдугаар сард ийм уриалга гаргаж байсан ч тэр цагаас хойш нөхцөл байдал дорвитой өөрчлөгдөөгүй байгаа та улс орон бүр хүн амын 40-өөс доошгүй хувийг вакцинд хамруулах боломжийг олгохын тулд хоригийг ядаж оны эцэс хүртэл сунгахыг өнөөдөр би уриалж байна хэмээн ДЭМБ-ын ерөнхий захирал Тедрос Адханом Гебрейесус хэлснийг тус сайт дамжуулжээ.

Өөрөөр хэлбэл, КОВИД-9-ийн нэмэлт тун халдварыг нэмж байгаа гэсэн шалтгаанаар биш, вакцины хүрэлцээ буурай хөгжилтэй орнуудад хүрэлцэхгүй байгаа учраас өндөр хөгжилтэй орнууд үүнийг бодолцож, гурав дахь тунгаа хойшлуулж, бусад улсдаа боломж олгох зорилгоор уриалга гаргасныг гуйвуулсан байна.

Тиймээс дээрх мэдээлэл нь олон нийтийг төөрөгдүүлсэн худал агуулга байна.

Мөн уг мэдээлэлд иш татсан И.Цэрэнхүү буюу Tserenkhuu Ishtseden гэх фэйсбүүк хэрэглэгч вакцины талаар олон нийтийг төөрөгдүүлсэн нэг бус удаагийн мэдээллийг Factcheck.mn нягтлан хүргэж ирсэн.

КОВИД-19-ийн цар тахлын энэ үед вакцинтай холбоотой аливаа мэдээллийг баталгаатай, албаны эх сурвалжаас авч, мэдээллээ үргэлж нягталж байхыг Factcheck.mn сануулсаар байгаа билээ.

Эх сурвалжууд:

https://www.cnbc.com/2021/09/08/who-extends-call-for-a-moratorium-on-covid-booster-doses-until-the-end-of-the-year.html

https://www.cnbc.com/video/2021/08/24/who-calls-for-moratorium-on-covid-booster-shots.html?fbclid=IwAR3R0YH6oDmfuAwbA0m_yu71-vFwk0crpkRTX2JujmYPH9My_YVXxW6GU5Y

НҮБ-ын Хүүхдийн Сангийн дэмжлэгтэйгээр нягтлав.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

“Жолооч та торгуулиа 15 хоногийн дотор төлөөгүй бол торгуулийн хэмжээ нь 50 хүртэл хувиар нэмэгдэнэ. 2024.01.01-ээс” гэсэн пост нийгмийн сүлжээнд гараад буй. Энэхүү агуулгыг үнэн эсэхийг нягталж өгөх хүсэлт ирсний дагуу нягталлаа. Factcheck: Жолоочийн хариуцлагыг нэмэгдүүлэх зорилгоор Эрүүгийн хууль болон Зөрчлийн тухай хуульд нэмэлт, өөрчлөлт оруулах Засгийн газрын төслийг УИХ 2023.12.07-нд баталсан. Уг өөрчлөлт 2024.01.01-нээс […]

Bachi Nyangar гэх фэйсбүүк хэрэглэгч наймдугаар сарын 23-нд “Сингапурын Эрүүл Мэндийн КО бол зохиомол гэдэгт бүрэн дүгнэлт хийжээ” гэх агуулгыг нийтэлсэн байна. Түүний постыг 182 хүн цааш түгээж, 174 хүн лайк даржээ. Уг постод (постыг засваргүйгээр доор оруулав): “Сингапурын Эрүүл Мэндийн Яам ДЭМБ-ийн үгэнд оролгүй КОВИД туссаад нас барсан хүнд задлан шинжилгээ хийж үзжээ. Тэд […]

Вакцин хийлгэсэн хүмүүс вакцинд хамрагдаагүй хүмүүсээс илүүтэй омикроноор өвчилж байна гэсэн мэдээлэл янз бүрийн байдлаар олон нийтийн сүлжээнд ихээр тархсаар байгаа. Ялангуяа, mRNA вакцин хийлгэсэн хүмүүс халдвараар их өвчилж байна гэсэн постууд сошиал орчинд ихээр түгж байгааг нягталж өгөх хүсэлт уншигчаас ирсэн юм. Ийм агуулгатай пост Монголд ч цөөнгүй байгаа тул бид нягталлаа.  Омикрон хувилбар […]

Товч агуулга Ертөнцийн сонин хачин, элдэв мэдээ мэдээлэл гэсэн нэр бүхий фэйсбүүк хуудаст ­­­­2023 оны гуравдугаар сарын 4-ний өдөр “АЗОВЧУУД ДАЙНЫ ХУУЛЬ ЗӨРЧДӨГ ЗЭРЛЭГ ГЭМТ ХЭРЭГТНҮҮД (#нацистууд)” гэсэн гарчиг бүхий мэдээллийг оруулжээ. Тус групп нь 100 мянган гишүүнтэй бөгөөд дээрх постыг нягтлах хүсэлт ирсний дагуу нягталлаа. Уг постод, “Саяхан Украйнд эмнэлгийн багаж төхөөрөмж өгч туслаад […]

Товч агуулга Цөмийн энергийн тухай хуульд нэмэлт, өөрчлөлт оруулах тухай УИХ-аар хэлэлцэх үеэр уран олборлохтой холбоотой зарим мэдээлэл олон нийтийн дунд эргэлзээ төрүүлээд буй. Тэдгээр мэдээллээс бид нягталлаа. “Ураны хайгуул болон 2011 оны туршилт ойр орчмын ард иргэдийн эрүүл мэндэд сөргөөр нөлөөлсөн. Залуу эмэгтэйчүүд хүүхэдтэй болохоос айх болсон”. Factcheck: Ураны хайгуул, туршилтын олборлолт явуулсан Дорноговь […]

Товч агуулга Jamts Dugar гэх фэйсбүүк хэрэглэгч 2023.10.19-нд “ФРАНЦ 30 ЖИЛД МОНГОЛД УРААНААР 3 ТЭРБУМ $ БАЙХАД, ОРОС ЖИЛ БҮР МОНГОЛД ХИЙН ХООЛОЙГООР 3 ТЭРБУМ $ ӨГЬЕ ГЭЖ БАЙНА ! СПАСИБО ❤” гэсэн постыг оруулсныг 470 хүн цааш түгээсэн байна. Энэхүү постыг нягталж өгөх хүсэлт ирсний дагуу нягталлаа. Factcheck: Франц улсын төрийн өмчит “Орано” группийн […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх