Бүүстер тунг хэзээ, яагаад хийлгэх ёстой вэ?

The New York Times

КОВИД-19-ийн халдвараар өвчилсөн иргэдийн гуравдугаар тунд хамрагдах хугацаа болон 2, 3 дугаар тун хоорондын зайны талаар янз бүрийн мэдээлэл иргэдийн дунд байгаа тул бид энэ талаар нягтлан хүргэж байна.

Factcheck:

ДЭМБ-ын Шинжлэх ухааны цуврал мэдээллийн есдүгээр сарын 11-ний дугаарт дархлаа сэргээх буюу 3 дахь тунгийн талаар олон нийтэд мэдээлэл хүргэсэн. Ярилцлагад дараах 3 шалтгааны улмаас нэмэлт тунг хийж болох тухай дурдав. Үүнд:

  • Вакцины эхний 2 тун хангалттай дархлаа тогтоогоогүй буюу дархлаа хямарсан бүлэг хүн ам
  • Вакцины тусламжтай тогтсон дархлаа нь цаг хугацаа өнгөрөхийн хэрээр буурч байгаа тохиолдол
  • Коронавирусийн анхаарал татсан хувилбарын эсрэг вакцины үр дүн хангалтгүй байгаа зэрэг шалтгааны улмаас нэмэлт тунгийн талаар асуудлыг хөндөж болохын зэрэгцээ

COVID-19 халдварын эсрэг вакцины эхний 2 тун хангалттай үр дүн үзүүлж байгааг мөн дурдсан байна.

Монгол Улс хүн амынхаа 65.8 хувийг дархлаажуулалтад хамруулсан.

2021.08.31-ний өдрийн байдлаар Монгол Улсын 12 ба түүнээс дээш насны хүн амын 88.9 хувь нь бүрэн тунд хамрагдсанаас 69.9 хувь буюу 10 хүн тутмын 7 нь БНХАУ–ын Verocell вакцин хийлгэсэн байна.

Харин гурвадугаар тунг манай улс 2021.08.18-наас эхлүүлсэн бөгөөд өнөөдрийн байдлаар 17 орчим хувьд хүрсэн.

АНУ-ын халдварт өвчний хяналт, сэргийлэлтийн төвийн аравдугаар сарын 21-ний мэдээллээр Дархлаажуулалтын зөвлөх хороо ба хүнс ба эмийн зөвлөлөөс зөвлөж байгаагаар эрсдэлт бүлгийн тодорхой бүлэг хүн амд Файзер ба Модерна вакцины 3 дахь тунг 6 сарын дараа хийхийг зөвшөөрсөн байна.

Вакцины бүрэн тунд хамрагдсаны дараа COVID-19 халдвар авсан ч нэмэлт тунг хийлгэж болно. COVID-19 халдвар авсны дараагаар шинж тэмдэг бүрэн арилсан, тусгаарлалтыг дуусгах шалгуурыг хангах хүртлээ нэмэлт тунг хойшлуулахыг санал болгож байна. Гэсэн хэдий ч SARS-CoV-2-ын халдвар болон вакцинжуулалтын хоорондох оновчтой цаг хугацааг тогтооход одоо байгаа нотолгоо нь хангалтгүй байгааг АНУ-ын Халдварт өвчний хяналт, сэргийлэлтийн төвийн нэмэлт тунгийн мэдээлэлийн хэсэгт дурдсан байна.

Европын эмийн агентлаг бүүстер тунг 18-аас дээш насныханд өмнөх тунгаас 6 сарын дараа хийхийг зөвлөсөн.  

Ирланд улсын засгийн газраас гаргасан COVID-19 вакцины нийгмийн эрүүл мэндийн зөвлөмжид вакцины бүрэн тунд хамрагдсанаас хойш COVID-19 халдвараар өвчилсөн бол 6 сарын дараа нэмэлт тунг хийлгэхийг санал болгожээ.

Эндээс үзвэл вакцины 1, 2 дугаар тунд хамрагдсаны дараа КОВИД-19-ийн халдвараар өвчилсөн бол 3 дугаар тунг эдгэрсэн өдрөөс 21 хоногийн дараа, 2, 3 дугаар тунгийн хоорондын зай 3 сар байна гэсэн мэдээллийн ЗААСАН ХУГАЦАА нь олон улсын мэдээллээс ялгаатай байна.

Эх сурвалжууд:

https://www.who.int/emergencies/diseases/novel-coronavirus-2019/media-resources/science-in-5/episode-53—covid-19-booster-shots?gclid=Cj0KCQiA-K2MBhC-ARIsAMtLKRu1X01T8uf6Vd-UtS2leTaGe7E2Qrg3NvyJ2riPM26OgHmD8dDXL-0aAuLBEALw_wcB

https://www.cdc.gov/media/releases/2021/p1021-covid-booster.html

https://www.cdc.gov/vaccines/covid-19/hcp/faq.html#booster-doses

https://www.ema.europa.eu/en/news/comirnaty-spikevax-ema-recommendations-extra-doses-boosters

https://www.hse.ie/eng/health/immunisation/hcpinfo/covid19vaccineinfo4hps/c19booster/boosterpatientinfo.pdf

НҮБ-ын Хүүхдийн Сангийн дэмжлэгтэйгээр, АШУҮИС-ийн Дархлаа судлалын тэнхимийн ахлах багш, эмнэл зүйн дархлаа судлаач эмч, Анагаах ухааны доктор Т.Хонгорзултай хамтран бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Зургадугаар сарын 18-нд Монголын үндэсний бөхийн холбоо, Монголын морин спорт, уяачдын холбоо, Монголын үндэсний харваачдын холбоод хамтарсан мэдээлэл хийсэн юм. Энэ үеэр спортын сэтгүүлч, тайлбарлагч Монгол Улсын соёлын гавьяат зүтгэлтэн Л. Цагаандалай коронавирустэй холбоотой байр суурь хэлснийг нягталлаа. Тэрбээр “Тал нутагтаа морио уяад явж байгаа хүн бол вакцин гэж бичээд байгаа, өглөө бүхэн вакцин хийлгэж […]

Монгол Улсын 31 дэх Ерөнхий сайд хариуцлага хүлээн өөрийн хүсэлтээр чөлөөлөгдөхөөр болсноо өнөөдөр зарлаж, улмаар УИХ-ын чуулганаар уг асуудлыг хэлэлцсэн. Ингээд өнөөдөр 20:00 цагийн орчимд У.Хүрэлсүхийн Засгийн газар огцорлоо. Энэхүү үйл явдалтай холбоотойгоор цахим орчинд Карма.О гэх хаягнаас “Манай Хүкийн мэдэгдэл Японд шуугиан тарьж байна. Японы парламентын гишүүн твитер хуудаснаа “Монголчууд үнэхээр хариуцлагатай мундаг хүмүүс […]

Хуурамч мэдээлэлтэй тэмцэх Fact Check Mongolia санаачилгын үүсгэн байгуулагчдын

Smart business гэсэн сошиал хаягаар спонсорлож түгээсэн, Монголбанкны Ерөнхийлөгч Б.Лхагвасүрэнгийн зурагтай, оросоор “Хэрэв эхний сард 3 сая төгрөг олж чадахгүй бол би танд 25 сая төгрөг өгнө. Б.Лхагвасүрэн” хэмээн бичсэн постер цахим орчин таржээ. Уг мэдээллийг нягталж өгөх хүсэлт ирсний дагуу нягталлаа. Factcheck: Smart business гэх пэйжээр спонсорлож буюу төлбөр төлж явуулсан уг постерын доор […]

АНУ-ын сагсан бөмбөгийн NBA тоглогчид тоглолтынхоо өмнө нэхмэл захаар жигдэрсэн талаар мэдээлэл өнгөрсөн баасан гарагт гарсан. Энэхүү мэдээлэлд Леброн Жеймс болон Лос-Анжелес Лэкерс багийнхан өнгөрсөн долоо хоногт таалал төгссөн АНУ-ын дээд шүүхийн шүүгч рут Гинзбургийн дурсгалыг хүндэтгэн хувцасласан болохыг дурджээ. Ингэхдээ түүнийг илэрхийлдэг имиж болох хар хүрэм дээр цагаан захаар гангардаг байдлыг дуурайн нэг минутын […]

“Улаанбаатарт хөл хориог 2021 оны 3 сарын 31-нийг хүртэл сунгах хувилбар яригдаж байна.” гэсэн мэдээлэл фэйсбүүкийн Монголын хамгийн том интернэт зар хуудаст нийтлэгджээ. Энэхүү мэдээллэлд 119 хүн хариу үйлдэл үзүүлж, 17 хүн сэтгэгдлээ бичсэн байна. Ингэхдээ хөдөө орон нутаг уруу явах хүсэлтэй, гэр бүлээрээ ажилгүй байгаа тухайгаа төдийгүй өөр арга хэмжээ авч хэрэгжүүлэх хэрэгтэй хэмээжээ. […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх