Ш.Гантулга корона вирусын вакцины аюулыг ил болголоо – ХУДАЛ

zagdaa.com гэх сайт “Ш.ГАНТУЛГА : Вaкцин хийнэ гэдэг чинь хүний дaрхлaлын системийг сөнөөнө гэсэн үг” гэсэн гарчигтай мэдээллийг 2021.09.02-ны өдөр нийтэлснийг Coupon Mongolia гэх пэйж шэйрэлсэн байна. Тус постыг нэг өдрийн дотор 219 хүн шэйрлэж, 202 хүн лайк дарсан байна.

Мөн Enkhtuya Namka гэх хаягаас олон пэйж рүү шэйрэлжээ. 

Уг мэдээллийг нягталлаа.

Factcheck:

zagdaa.com хэмээн сайт руу ороод мэдээллийг уншвал “Ямaр ч Ш/Уны судaлгaa хийгдээгүй туршилтын вaкциныг хүн төрөлхтөнд толгой дaрaaлaн хийх гэж бaйнa. Монгол ч гэсэн Хийнэ гэдгээ Хүрэлсүх хэлсэн шүү дээ” хэмээн эхэлжээ.

Өөрөөр хэлбэл, энэ бол “Шуурхай”, шинэ мэдээлэл биш юм.

Яг энэ агуулгыг 2021 оны хоёрдугаар сард сэтгүүлч Баасанжавын Отгон өөрийн фэйсбүүк хуудастаа анх шэйрлэснийг FactCheck.mn нягтлан хүргэж байсныг ЭНД хавсаргав.

Гэвч энэхүү агуулгыг олон нийтийн сүлжээнд өнгөрсөн зургадугаар сард мөн шэйрлэжээ. Тиймээс нягталсан агуулгыг шинэчлэн дахин хүргэж байна.


“Ямар ч шинжлэх ухааны судалгаа хийгдээгүй туршилтын вакциныг хүн төрөлхтөнд толгой дараалан хийх гэж байна”

Factcheck:

ДЭМБ-аас вакцинуудад яаралтай горимоор ашиглах зөвшөөрөл олгохдоо олон арван мянган хүнд хийсэн, эмнэл зүйн гурван үе шатны клиник судалгаанд тулгуурладаг.

Эмнэлзүйн туршилтаар нас баралт, хүндрэлээс урьдчилан сэргийлэх боломжтой вакциныг нийт хүн амд хэргэлэхийг зөвшөөрдөг.

2021.08.26-ны байдлаар коронавирусийн 100 вакциныг хөгжүүлж байгаагаас найман вакцин дээрх үе шатыг бүрэн давсан бөгөөд дэлхийн улс орнууд ашиглаж байна.

ЗУРАГ. Ашиглагдаж байгаа вакцинууд

“Вaкцин хийнэ гэдэг чинь хүний дaрхлaлын системийг сөнөөнө гэсэн үг”

Factcheck:

Уламжлалт вакцин нь суларсан вирусийг бага хэмжээгээр тарьж, антиген гэж нэрлэгддэг зарим уургийг таньдаг болгохын тулд дархлаа тогтолцоонд шинээр санамж үүсгэж, жинхэнэ вирустэй таарвал довтлоход бэлэн болгох зарчимтай гэж энгийнээр тайлбарлаж болно. 

Pfizer, BioNTech компаниудын бүтээсэн вакцин нь вирусийн удмын (генийн) материал болох мэдээллийн Рибонуклейн хүчил(мРНХ)-ийг агуулсан био бүтээгдэхүүн бөгөөд мРНХ нь биед ормогцоо биеийн эсүүдэд нэвтрэн вирусийн сэртэнгийн уураг хэмээх чухал уургийг кодлон үүсгэж, улмаар дархлаа тогтолцоонд санамж үүсгэх замаар дархлаа тогтоодог зарчимтай байна.

Тиймээс хүний дархлааны системийг устгах нөлөө байхгүй. Монгол Улсад хийгдсэн вакцинууд 20-59 насныханд 90%, 60-аас дээш насныханд 86%-ийн эсрэг бие үүсгэсэн гэсэн судалгааг ЭМЯ танилцуулсан.


“Вaкцин хийлгэсэн хүн хийлгээгүй хүнээс 4 дaхин илүү өвчинд aвтдaг гэдгийг эрдэмтэд тогтоочихсон бaйгaa”

Factcheck:

2021.08.31-нд АНУ-ын Халдварт өвчний хяналт, сэргийлэлтийн төвөөс танилцуулсан судалгаагаар вакцинд хамрагдаагүй хүн вакцин хийлгэсэн хүнтэй харьцуулахад COVID-19 халдварын улмаас эмнэлэгт хүргэгдэх магадлал 29 дахин их, халдварт өртөх магадлал тав дахин өндөр болохыг тус тус тогтоожээ.

Монгол Улсын хувьд ХӨСҮТ-өөс хийсэн судалгаагаар вакцин халдварын хүндрэл болон нас баралтаас 90-ээс дээш хувь сэргийлж байгааг тогтоосон.


“Нэмээд хэлэхэд Билл Гейтс нэг үйл ажиллагааг санхүүжүүлсэн. Энэ бол 2009 онд Гренланд арал дээр баахан нас барсан хүмүүсийн шарилыг онгичиж тэр хүмүүсийн шарилнаас дээж авсан байгаа юм. Дээж авах шалтаан нь юу юм гэвэл одоо дэлхийн түүхэнд хамгийн олон хүнд халдварлаж, хамгийн олон хүнийг өвчлүүлээд , хамгийн олон хүний аминд хүрсэн нэг халдварт өвчин байдаг. Энэ бол дэлхийн 1-р дайны дараахан болсон Спанка гэдэг нэртэй томуу маягийн өвчин байгаа. Яг энэ короновирусстай төстэй. Тэр өвчнөөр бол 50 сая гаруй хүн өвчилж, бараг 10 сая гаруй хүн ч бол нас барсан байдаг. Бараг дэлхийн дайнаас бол илүү олон хүн нас барсан шүү дээ. Тэгтэл тэр хүмүүсийг оршуулсан Гренданд арлыг яагаад сонгосон бэ гэвэл Гренданд арал бол мөнхийн цэвдэг байдаг. Тэнд оршуулсан бараг 300 гаруй хүнийг булшийг эргэж ухаад Спанкагийн  вирусс хадгалагдаж үлдсэн нэг эмэгтэйн шарилыг  Берлин хотын Шаррити эмнэлэг рүү аваад явсан гэдэг. Тэр чинь бас Билл Гейтсийн санхүүжүүлсэн төсөл байхгүй юу. Тэгэхээр энэ бүхэн бол зориудаар зохион байгуулсан зүйл гэдэг нь тодорхой”.

Factcheck:

Дэлхий дээр одоогоор Спанка гэдэг томуу маягийн өвчин бүртгэгдээгүй байна. Харин Дэлхийн I дайны дараа гэснээс нь үзвэл тухайн үед Испани ханиад буюу 1918 оны томуу дэгдэж байжээ. Уг томуугаар 500 сая хүн өвчилж, 50 сая хүн нас барсан гэсэн мэдээлэл Халдварт өвчин хянах, сэргийлэх төвийн санд байна.


“Хятaд улсын вaкцин хaмгийн хямд үнэтэй ,Хятaдын вaкцинaaр Монголчуудыг толгой дaрaaлaн тaрих ёстой болж бaйнa шүү дээ. Тэгэхээр бол Монгол хүн болгоны ДНК мaш aюултaй өвчний ДНК-ийн дaрaaлaл үлдэнэ гэдэг нь тодорхой”

Factсheck:

КОВИД-19-ийн эсрэг вакцин хүний ДНХ-д нөлөөлдөггүй, өөрчилдөггүй. mRNA болон идэвхгүй вируст суурилсан COVID-19 вакцин хоёулаа COVID-19 үүсгэдэг вирусийн эсрэг хамгаалалтыг бий болгох генетик материалыг бидний эсүүдэд хүргэдэг. Тэгэхдээ эдгээр материал бидний ДНХ хадгалагддаг эсийн бөөмд нэвтэрдэггүй.

Иймээс дээрх агуулга бүхэлдээ иргэдийг төөрөгдүүлсэн ХУДАЛ байна.

Цар тахлын энэ үед коронавирусийн эсрэг вакцинтай холбоотой аливаа мэдээллийг нягтаж, баталгаатай эх сурвалжаас авч байхыг FactCheck.mn сануулсаар байгаа билээ.

Эх сурвалжууд:

https://www.nytimes.com/interactive/2020/science/coronavirus-vaccine-tracker.html

https://extranet.who.int/pqweb/sites/default/files/documents/Status_COVID_VAX_19August2021.pdf

https://www.facebook.com/watch/live/?v=276270623943752&ref=watch_permalink&t=0

https://www.cnbc.com/2021/08/24/cdc-study-shows-unvaccinated-people-are-29-times-more-likely-to-be-hospitalized-with-covid.html

https://factcheck.afp.com/vaccines-dont-change-your-dna

НҮБ-ын Хүүхдийн Сангийн дэмжлэгтэйгээр, АШУҮИС-ийн Эмгэг физиологийн тэнхмийн багш, Анагаах ухааны доктор О.Зэсэмдоржтой хамтран нягтлав.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Товч агуулга Сонгуулийн санал хураалтын бүхий л цаг үед Сонгуулийн Удирдлагын Системд санал хураалт, нэр дэвшигчдийн үр дүн үнэн зөвөөр мэдээлэгддэг. Энэ албан бичиг нь 2020 оны сонгуулийн санал хураалтын явцыг дэлгэцээр харуулах үед зарим нэр дэвшигчийн санал дээр яагаад таслал гарч, улмаар авсан саналуудыг эрэмбэлэхэд алдаа гарсан тухай юм. Санал хураалтын үр дүнд ямар […]

АНУ-ын сагсан бөмбөгийн NBA тоглогчид тоглолтынхоо өмнө нэхмэл захаар жигдэрсэн талаар мэдээлэл өнгөрсөн баасан гарагт гарсан. Энэхүү мэдээлэлд Леброн Жеймс болон Лос-Анжелес Лэкерс багийнхан өнгөрсөн долоо хоногт таалал төгссөн АНУ-ын дээд шүүхийн шүүгч рут Гинзбургийн дурсгалыг хүндэтгэн хувцасласан болохыг дурджээ. Ингэхдээ түүнийг илэрхийлдэг имиж болох хар хүрэм дээр цагаан захаар гангардаг байдлыг дуурайн нэг минутын […]

Дахин нийтлэв… Товч агуулга: ОХУ-ын эхлүүлсэн дайнтай зэрэгцээд тус улсын суртал ухуулга цахим орчныг дамжин дэлхийн нийтийг хэрж байгаа билээ. Монгол Улсын хувьд Оросын хуурамч мэдээлэл, пропаганда цахим орчинд мөн идэвхтэй явсныг Эрэн Сурвалжлах Сурвалжлагчдын Төлөө Төв(MCIR)-ийн хийсэн мониторингийн судалгаа харуулав. Анх 2022 оны гуравдугаар сард ОХУ Украин руу дайн хийсний дараа MCIR цахим орчин […]

Товч агуулга Иргэн Ч.Лодойсамбуу “Хар тамхины бизнес бол цагдаагийн тусламжгүйгээр газар авахгүй л гэж боддог” гэсэн пост нийтэлснийг нь Цагдаагийн Ерөнхий Газрын Хэвлэл мэдээллийн сайтаар “Худал мэдээлэл” гэсэн тамга тавиад “🛑 Залруулга: Олон нийтийн цахим сүлжээнд “Ч. Лодойсамбуу” гэх хаягаас хуулиар хүлээсэн чиг үүргээ хэрэгжүүлж буй байгууллага, алба хаагчдын нэр төр, алдар хүндэд харшлах ташаа […]

Нийгмийн мэдээллийн сүлжээнд төлбөртэй сурталчилгаа явуулж буй албан ёсоор бүртгүүлсэн цахим хаяг болон нэр дэвшигчдээс бусад хаягуудыг бид нягталж үзэхэд маш сонирхолтой үр дүн харагдлаа. Нийгмийн мэдээллийн сүлжээнд төлбөртэй сурталчилгаа явуулж буй нам, эсэл, нэр дэвшигчээс бусдыг нь ялгаад харвал дараах фэйсбүүк хаягууд үлдэж байгаа юм. Нэр Хариуцагч Зарцуулсан мөнгө($) Сурталчилгааны тоо Ард түмний ялалт […]

Вакциныг албадан хийж байгаа гэж үзэж буй иргэд Нюрнбергийн шүүхэд хандах эрхтэй хэмээх пост цахим орчинд тархаад буй. Тухайлбал, Khulan Ruchira хэмээх фэйсбүүк хэрэглэгч “Вакциныг албадан хийж байгаа ЭМЯ, ДЭМБ-ыг олон улсын Нюрнбергийн дайны шүүхээр “хомроголон устгах гэмт хэрэг хийж байна” гэж одоо шүүж эхэлсэн тул та 2-дах тунгаа тариулах хэрэггүй, харин өөрийн гомдлоо интернетээр […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх