Amraa Ch гэх фэйсбүүк хэрэглэгч “Одоогоор вакциныг халсан эдгээр 5 улс: Дани, Герман, Швеид, Афганистан, Япон” гэсэн постыг 2021.09.01-нд нийтэлжээ.

Энэхүү постыг нэг хоногт 38 хүн шэйрлэж, 55 хүн лайк дарсан байна.

Уг мэдээллийг нягталлаа.

Factcheck:

Дани

Дани улс 12-оос дээш насны иргэдээ коронавирусийн эсрэг дархлаажуулалтад хамруулж байгаа бөгөөд вакцин COVID-19-ийн халдвараас сайн хамгаалж байгаа тул идэвхтэй хамрагдахыг Эрүүл мэндийн албан ёсны хуудастаа мэдээлсэн байна.

2021.09.02-ны байдлаар тус улс нийт хүн амынхаа 73.7%-ийг вакцины бүрэн тунд нь хамруулжээ.

Аравдугаар сарын 1-н гэхэд дархлаажуулалтыг 90%-д хүргэхээр зорьж байгаагаа мэдээлсэн байна.

Герман

ХБНГУ дархлаажуулалтад 100 сая (101,881,571) тун вакцин ашиглаж, хүн амынхаа 61%-ийг дархлаажуулсан талаар Дойче Велле мэдээлэв.

Өнгөрсөн Бямба гарагт тус улсын Эрүүл мэндийн сайд Йенс Спан “Вакцины нэг ширхэг тун бүр хавар, өвлийг давахад бидэнд тус болно” хэмээн хэлжээ. Өөрөөр хэлбэл, вакцинжуулалтыг зогсоосон ямар нэгэн мэдээлэл алга.

Швед

Швед улс хүн амынхаа 61.7%-ийг дархлаажуулжээ.

Халдварын нөхцөл байдалтай холбоотойгоор хавар гурав дахь тунг эхлүүлэхээ мэдээлээд байна.

Афганистан

Афганистан улсад вакцинжуулалт маш бага хувьтай байна. Хүн амынх нь ердөө 2.6% нь вакциндаа бүрэн хамрагдсан байна. Энэ нь вакцины хүрэлцээтэй холбоотой бөгөөд цаана нь 40 сая хүн амынх нь 70%-ийг дархлаажуулах шаардлагатай хэмээн ДЭМБ үзэж байна.

Гэвч тус улсад засаг захиргааны нөхцөл байдал өөрчлөгдсөн тул вакцинжуулалтыг хэрхэн үргэлжлүүлэх талаар эрүүл мэндийн байгууллагууд хүлээлтийн байдалтай байна.

Япон

Япон улс хүн амынхаа 52%-ийг хоёр тун вакцинд хамруулаад буй.

Харин өнгөрсөн долоо хоногт АНУ-ын Модерна компанид бүтээсэн коронавирусийн эсрэг вакцины савнаас гадны биет илэрсний дараа тус улсын эрх баригчид 1.63 сая тун вакциныг түдгэлзүүлэх арга хэмжээ авсан.

Харин дархлаажуулалтыг зогссон ямар нэгэн шийдвэр гаргаагүй байна.

Тиймээс дээрх агуулга нь ХУДАЛ байна.

Улбар шараар дээр тэмдэглэсэн хэсгүүдэд холбогдох эх сурвалжуудыг хавсаргав.

Эх сурвалжууд:

https://www.sst.dk/en/english/corona-eng/vaccination-against-covid-19

https://graphics.reuters.com/world-coronavirus-tracker-and-maps/countries-and-territories

https://www.euronews.com/2021/09/01/denmark-s-high-vaccination-rate-sees-covid-pass-ended-for-restaurants

https://www.dw.com/en/coronavirus-digest-germany-administers-100-million-vaccine-doses/a-58975308

https://www.deutschland.de/en/news/coronavirus-in-germany-informations

https://www.aa.com.tr/en/europe/sweden-to-begin-administering-3rd-covid-19-vaccine-dose-this-fall/2298624

https://www.news-medical.net/news/20210820/Experts-fear-rapid-spread-of-COVID-19-in-Afghanistan-given-Talibans-hostility-to-vaccinations.aspx

https://www.reuters.com/world/asia-pacific/japan-withdraws-16-mln-moderna-covid-19-vaccine-doses-over-contamination-nikkei-2021-08-25/

НҮБ-ын Хүүхдийн Сангийн дэмжлэгтэйгээр нягтлав.