Вакцины гурав дахь тунг хийлгэх заавар гарлаа – ХУДАЛ

Tserenkhuu Ishtseden нэртэй Фэйсбүүк хэрэглэгч наймдугаар сарын 26-д дараах постыг оруулжээ. Уг постод 428 хүн лайк дарж, 59 хүн сэтгэгдэл бичиж, 126 хүн цааш нь түгээсэн байна.

Уг агуулгыг нягталлаа.

FACTCHECK:

Дэлхийн эрүүл мэндийн байгууллага (ДЭМБ) COVID-19 вакцины гурав дахь тунг хийлгэх албан ёсны заавар, зөвлөмж гаргаагүй. Учир нь гурав дахь тунгийн ашиг тус, аюулгүй байдлын талаарх мэдээлэл тодорхойгүй байна. Мөн гурав дахь тунг хийлгэхдээ вакцинуудыг хольж болох эсэх дээр бүрэн судалгаа хийгдэж амжаагүй учир зөвлөмж гаргахад мөн адил эрт байна гэжээ.

Учир нь вакцины хоёр дахь тунгаа эхний тунгаасаа өөр вакцинаар хийлгэж болох эсэх дээр улс орнууд одоог хүртэл туршилт хийсээр байна. Одоогоор хоёр өөр тун хэрэглэж болно гэсэн зөвлөмж гаргахад хангалттай мэдээлэл цуглаагүй гэнэ.

ДЭМБ гурав дахь тунгийн талаар уриалахын оронд олон нийтийг эхний болон хоёр дахь тунгаа хийлгэж, вакцин хийлгээгүй орнуудад вакцинжуулалтын төвшинг нэмэгдүүлэхийг уриалжээ. Гэвч улс орнууд гурав дахь тунг хийж эхэлсэн бөгөөд вакцинуудыг хооронд нь хольж хийн судалгаагаа үргэлжлүүлсээр байна.

Жишээ нь Камбож улс эхний хоёр тунгаар Синофарм болон Синвак вакцин хийлгэсэн хүмүүст Астразенека вакцины гурав дахь тунг тарьж байна. Орос улс Спутник вакциныг Астразенека вакцинтай хольж тарих судалгаа хийсэн бөгөөд одоогоор ноцтой гаж нөлөө ирээгүй гэж мэдэгджээ. АНУ-ын засгийн газар Файзер болон Модерна вакцин хийлгэсэн дархлаа муутай хүмүүст гурав дахь тунг хийлгэх тусгай зөвшөөрөл олгосон. Харин Pfizer-BioNTech компани АНУ-ын засгийн газарт гурав дахь тунг олон нийтэд хийлгэх зөвшөөрөл хүсжээ.

Тэдний мэдээлснээр COVID-19 вакцины гурав дахь нэмэлт тун нь коронавирусын эсрэг эсрэг биеийн хэмжээг гурав дахин нэмэгдүүлдэг гэнэ. Хэрэв АНУ-ын засгийн газар зөвшөөрөл олговол АНУ-ын иргэд гурав дахь тунгаа хоёр дахь тун хийлгэснээс 6-9 сарын дараа хийлгэх юм. Учир нь Файзер болон Модерна вакцины нөлөөгөөр үүссэн эсрэг биетийн хэмжээ зургаан сар дотроо өндөр байгаа аж. Иймд вакцинд хамрагдсан хүмүүс цусан дахь эсрэг биетийнхээ хэмжээг тодорхойлуулаад гурав дахь тунг хийлгэх шаардлагатай эсэхээ тодорхойлох боломжтой юм. Гэхдээ АНУ вакциныг хооронд нь холихгүй байх бодлого баримталж байна.  

Эх сурвалж:

НҮБ-ын Хүүхдийн Сангийн дэмжлэгтэйгээр нягтлав.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Товч агуулга хоёр дахь удаагаа ийм мэдэгдэл хийж байна гэсэн боловч өмнөх мэдэгдэл нь ОХУ-аас Киев рүү хийсэн удаа дараагийн пуужингийн дайралтын талаар 2023.05. 29-нд өшөө авах болно гэдгээ мэдэгдсэн Ч. Пүрэвсүрэн нэртэй фэйсбүүк хэрэглэгч Украины Тагнуулын төв газрын даргатай холбоотой мэдээллийг оруулжээ. Уг мэдээлэлд “Украйны Тагнуулын Төв Газрын дарга Кирилл Буданов гэгч энэ төрийн […]

Товч агуулга Америкчууд Украин дахь биолабораториудаа Монгол Улсын газар нутагт шилжүүлэхээр төлөвлөж байгаа гэж анх мэдээлсэн “Известия” сонины толгой компанийн удирдлагын багт ОХУ-ын Ерөнхийлөгч В.Путиний хамаатан багтдаг. Украинд АНУ-ын ажиллуулдаг, биологийн зэвсгийн ямар ч лаборатори байхгүй. Биологийн лабораторид хадгалагдаж байгаа эмгэг төрүүлэгчид нь ердөө л бактери, вирус. ХӨСҮТ-ийн дэргэд анх удаа BSL-3 буюу Био аюулгүй […]

Pfizer компанийн ажилчдын цахим шуудан задарч, тус компанийн

Коронавирусийн эсрэг вакциныг зөвхөн Монгол Улс төдийгүй дэлхийн

Цагдаагийн байгууллагад Хуурамч мэдээлэлтэй тэмцэх дагнах нэгж есдүгээр сарын 23-нд байгуулагдсан бөгөөд энэ талаар Цагдаагийн ерөнхий газрын дэд дарга, хурандаа Ж.Амгалан 24-ний өдөр news.mn мэдээллийн сайтад энэ талаар тодруулга өгөхдөө “Дутуу ойлгосноо цахим орчинд тараадаг байдлыг таслана” хэмээн ярьсан юм. Түүний энэхүү ярилцлагыг Хууль зүй, дотоод хэргийн яамны албан ёсны цахим хуудас мөн олон нийтэд […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх