Ажлын зургаан хоногтой болно гэв. Энэхүү шийдвэр таны хувьд зөв үү? – ХУДАЛ

Монголчуудын нэгдэл нэртэй фэйсбүүк группт 2021 оны 7-р сарын 17-ны өдөр Гээки Гээки Магнайбаярын Гэрэлчулуун нэртэй хэрэглэгч “Ажлын зургаан хоногтой болно гэв. Энэхүү шийдвэр иргэн таны хувьд зөв бол шэйр хийнэ үү?” гэсэн постыг нийтэлжээ.

Уг мэдээлэлд 420 хүн хариу үйлдэл үзүүлж, 1000 хүн хуваалцаж, 136 хүн сэтгэгдэл бичсэн байна.

Уг мэдээллийг гарчгаар нь хайж үзвэл 2021 оны 7-р сарын 18-ны өдөр Б. Ууганбаяр нэртэй фэйсбүүк хэрэглэгч tsegts.xyz нэртэй вебсайтад гарсан ийм гарчиг бүхий мэдээллийг мөн хуваалцсан байна. Уг мэдээлэл мөн л олон хүнд хүрсэн буюу 691 хүн хариу үйлдэл үзүүлж, 292 хүн сэтгэгдлээ бичиж, 31 хүн хуваалцжээ.

Мэдээний агуулгад “Хотын түгжрэлээс болж ажлын 5 хоногт ажлаа дуусгаж чадахгүй байгаа тул ажлын хоногийг нэгээр нэмэгдүүлэх тухай. Бүтэн сайн өдрийг ганц амралтын өдөр болгож үлдсэн зургаан хоногт ажилдаа явна. Ингэснээр цалингийн хоног нэмэгдэж, мөн бүтээмж нэмэгдэнэ гэж харж байна. Ажлын өдрийг нэмэгдүүлж ард иргэдийг идэвхтэй байлгах нь зүйтэй. Арай дэндүү олон хоног амраж байна” зэргийг MGLFUTURE сайтад бичсэн байна гэжээ.

Өөрөөр хэлбэл, ажлын өдрийн тоог нэмэх ямар нэг шийдвэрийн талаар бус ажлын өдрийг нэмэгдүүлэх нь зүйтэй гэсэн байр сууриа илэрхийлсэн байна.

Гэвч гарчигтаа иргэдийг төөрөгдүүлж, ажлын хоногийн нэмэх талаар яригдаж буй мэт бичжээ. Ажлын хоног болон долоо хоногийн болон нэг өдрийн ажиллах цагийг Хөдөлмөрийн тухай хуульд тусгасан байдаг. Ингэхдээ долоо хоногийн ажлын цаг 40 хүртэл, ердийн өдрийн ажлын цаг 8 байна хэмээн заасан.

УИХ-ын 2021 оны хаврын чуулганаар баталсан Хөдөлмөрийн тухай хуульд үүнийг өөрчлөх заалт ороогүй бөгөөд өмнөх шигээ байхаар баталсан юм. Иймд ажлын өдрийн тоог нэмэх талаар ямар нэг хуулийн төсөл өргөн бариагүй тул энэ мэдээлэл худал байна.

Төстэй мэдээлэл

“ПСР бол аливаа халдварт өвчин оношлодог багаж биш. Нобелын шагналт доктор Карл Маллис” гэсэн постыг Zanaa Jurmed гэх фэйсбүүк хаягаас нийтэлжээ. Уг мэдээллийг нягталлаа. Нобелын шагналт доктор Карл Маллис FactCheck: Нобелын шагналт Карл Маллис гэх эрдэмтний талаар илэрц Google-ээр олдсонгүй. Харин Кэри Б. Маллис хэмээн эрдэмтний талаар мэдээллүүд байна. Биохимич Кэри Б. Маллис нь 1993 […]

С.Жавхлангийн хийсэн лайвын үеэр яригдсан ХУДАЛ мэдээллүүд УИХ-ын гишүүн асан, дуучин С.Жавхлан аравдугаар сарын 15-наас “Монголоо аваръя” хөдөлгөөн эхлүүлж, Сүхбаатарын талбайд суулт хийж байгаа ба энэ талаараа тогтмол лайв хийж, талбайд цугласан иргэдийн сэтгэгдлийг үүгээрээ дамжуулж байгаа юм.  Гэвч энэ үеэр зарим иргэн КОВИД-19 халварт өвчний талаар олон нийтэд ташаа ойлголт дамжуулж байгааг бид нягтлан […]

Товч агуулга Соёлын яам сүүлийн нэг сарын хугацаанд бүс нутгийн болон олон улсын чанартай ямар нэг арга хэмжээнд оролцоогүй. Ялангуяа, Итали улсад болсон “Дорно дахин” фестивальд Соёлын яам ямар нэг хэмжээгээр оролцоогүй. Бичлэгт гарсан монгол гэр нь “Фестивал Дэ Ориенте” (Festival Dell Orienti) компани өөрийн хөрөнгөөр худалдан авсан гэр бөгөөд тус компани монгол гэрийг нэгэнт […]

Засгийн газраас өргөн барьсан Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуулийг 2023 оны 31-ний өдөр УИХ баталсан. Гэвч хуулиа мөрдөж баталсан мэт ч энэ нь өмнөх жилүүдийн адил нүд хуурсан ажил хэвээр байгаа юм. Төсвийн тогтвортой байдлын тухай хуулийг Засгийн газар, УИХ хэрэгжүүлж байгаа эсэхийг нягталлаа. Factcheck: […]

Коронавирусийн эсрэг вакцинтай холбоотой янз бүрийн мэдээлэл олон нийтийн сүлжээгээр ойрын өдрүүдэд түгээмэл гарч байна. Цар тахлын энэ үед худал мэдээлэл нь иргэдийн эрүүл мэндэд сөргөөр нөлөөлөх ихээхэн уршигтай тул мэдээллийг баттай эх сурвалжаас авч, нягталж байхыг Factcheck.mn сануулсаар байгаа.  Ялангуяа, Монгол Улсад COVID-19-ийн эсрэг вакцинжуулалт эхэлж байгаа энэ үед хуурамч мэдээлэл түгээх нь иргэдийг […]

Gazarchin.org   гэх сайт 2022.01.04-ний өдөр “Дархлаа судлаач,

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх