Ж.Занаа: Коронад тусгаарлалт хэрэггүй, хүнээс хүнд халддаггүй – ХУДАЛ

Иргэний хөдөлгөөний намын дарга Ж.Занаа өөрийн фэйсбүүк хуудастаа коронавирусийн талаарх нэгэн мэдээллийг нийтэлсэн нь олон хүнд хүрээд байна. Уг постод “ШУУРХАЙ МЭДЭЭ: ДЭМБ 180 ГРАДУС ЭРГЭЛТ ХИЙЛЭЭ. КОРОНАГЫН ӨВЧТӨН ТУСГААРЛАГДАХ НЬ ХЭРЭГГҮЙ, КАРАНТИНД ОРОХ Ч ХЭРЭГГҮЙ, ХООРОНДЫН ЗАЙ БАРИХ Ч ХЭРЭГГҮЙ, ТЭР БҮҮ ХЭЛ ХЭН НЭГНЭЭС НӨГӨӨ ХҮНД ХАЛДДАГГҮЙ ГЭДГИЙГ МЭДЭГДЭЖ БАЙНА!!!

Breaking news: WHO has completely taken a U-turn and now says that Corona patient neither needs to be isolated, nor quarantined, nor needs social Distancing, and it cannot even transmit from one patient to another” хэмээн арваннэгдүгээр сарын 25-нд бичжээ.

Үүнийхээ дараа уг мэдээллийг орчууулж, бүр дэлгэрүүлэн орчуулаад мөн постолжээ. Орчуулгын агуулга нь Дэлхийн эмч нарын холбооны Ерөнхийлөгч, молекулярын биологийн болон дархлаажуулалтын шинжлэх ухаанаар мэрэгжшсэн эмч гэх Долорис Кахил коронавирус бол улиралын вирус, 12 сараас 4 сарын үед хидроксиклоракуайн, цайрын хамт эмчлэгддэг, томуугийн өвчний шинж тэмдэгтэй адил байна гэдгийг мэдээлжээ. “Тиймээс одоо бид түгжихдэх ч хэрэггүй, айх ч хэрэггүй, амны хаалт ч хэрэггүй, бие биенээсээ зай барих ч хэрэггүй, хүмүүсийг хорих ч хэрэггүй. Бид урд жилүүдэд тархаж байсан томууг амжилттай эмчилж байсан” гэжээ.

Тэгвэл олон нийтийн сүлжээнд түүний тараасан уг мэдээлэл ХУДАЛ болохыг бид нягталж, баталгаажууллаа.

Видео бичлэгийг анх “World Doctors Alliance” хэмээн Европоос гаралтай групп “Коронавирус бол энгийн ханиадны вирус. COVID-19 цар тахал биш” гэсэн гарчигтайгаар постолжээ. Бичлэгээ удалгүй youtube-ээс устгасан ч Facebookt өнөөдрийг хүртэл түгээсээр байна.

1. Дэлхийн эмч нарын холбоо

Factcheck: World doctors alliance буюу Дэлхийн эмч нарын холбоо гэх байгууллагын албан ёсны сайтыг бид олж үзлээ. https://worlddoctorsalliance.com/about/ Уг холбоонд Долорис Кахил хэмээх эмч харьяалагддаг нь үнэн аж. 2019 онд цар тахалтай холбоотой мэдээллийг эрүүл мэндийн салбарын мэргэжилтнүүдийн тусламжтай хүргэхээр байгуулагджээ. Холбоог үүсгэн байгуулагч доктор Мохаммад Адил нь танилцуулгадаа “Зөвхөн 2019 онд л гэхэд би маш олон шагнал, бэлэг дурсгал, сертификат, талархлуудыг эрүүл мэндийн олон их, дээд сургууль, коллежоос авсан” гэсэн өгүүлбэрээр өөрийгөө тодорхойлсон байна. Өөрөөр хэлбэл, танилцуулгад аль их, дээд сургууль төгссөн, ямар сургуулиудаас, ямар шагнал авсан тухай дэлгэрэнгүй мэдээлэл байхгүй, товчхондоо албан бус байгаа нь харагдаж байна.
Түүнчлэн тус холбоо нь “Дэлхийн” гэх тодотголтой ч эгнээнд нь үүсгэн байгуулагчаас нь гадна таван эмч харьяалагддаг байна.
Энэ нь таван эмч суугаад цар тахлыг дүгнэх боломжгүй гэдгийг харуулж буй юм.
Энэ талаар Монгол дахь ЮНИСЕФ-ийн эрүүл мэндийн мэргэжилтэн, доктор Ч.Батаа “Энэхүү эх сурвалж нь хэт шашны, өөрсдийгөө элит гэдэг, арьсны үзлийг дэвэргэдэг, Америкийн төв өмнөд хэсгийн газрын эзэд, нефтийн эзэд, BYU, ACU гэх мэт бүхэл бүтэн шашны инститүүдийг дэмжиж ажиллуулдгаас гадна гэр бүл төлөвлөлт, жирэмслэлтээс сэргийлэх арга хэрэгслэл (ЖСАХ) хэрэггүй буюу бэлгэвч, аборт гол шийдэл гэж явцууруулж гуйвуулдаг, вакцин хэрэггүй, хүн өсөж үржих, үхэж өвдөх нь бурхны гарт гэсэн номлол баримталдаг бүлэг хүмүүсийн нэгдэл гэдгийг манай иргэд мэддэг, ойлгодог, оюуны дархлаа, шүүлтүүртэй болмоор байна” хэмээн онцолсон юм.

2.ДЭМБ 180 ГРАДУС ЭРГЭЛТ ХИЙЛЭЭ. КОРОНАГЫН ӨВЧТӨН ТУСГААРЛАГДАХ НЬ ХЭРЭГГҮЙ, КАРАНТИНД ОРОХ Ч ХЭРЭГГҮЙ, ХООРОНДЫН ЗАЙ БАРИХ Ч ХЭРЭГГҮЙ, ТЭР БҮҮ ХЭЛ ХЭН НЭГНЭЭС НӨГӨӨ ХҮНД ХАЛДДАГГҮЙ ГЭДГИЙГ МЭДЭГДЭЖ БАЙНА!!!

Factcheck: ДЭМБ COVID-19 халдвараас сэргийлэх хамгийн үр дүнтэй бөгөөд энгийн арга бол олон хүн цугласан газарт очихгүй байх, хүн хоорондын зай барьж, амны хаалт зүүж, гараа тогтмол угааж, ариутгах хэмээн зөвлөсөөр байна. Мөн энэхүү зөвлөгөөг дагах шаардлагагүй болсон талаар албан ёсоор дэлхий нийтэд мэдээлэл өгөөгүй байгаа юм.

Монголд дахь ЮНИСЕФ-ийн Эрүүл мэндийн ахлах зөвлөх, доктор Б.Цогтбаатар ДЭМБ мэргэжлийн байр сууриа өөрчлөөгүй байгаа бөгөөд эдгээр нь хамгийн өндөр үр дүнтэй арга гэдгийг хэллээ.

3.Коронавирус бол улиралын вирус, 12 сараас 4 сарын үед хидроксиклоракуайн, цайрын хамт эмчлэгддэг, томуугийн өвчний шинж тэмдэгтэй адил.

Factcheck: НҮБ-ын ЮНИСЕФ-ийн Эрүүл мэндийн мэргэжилтэн Ч.Батаа “ДЭМБ-ын тодорхойлолтоор шинэ өвчнийг дэлхийг хамарсан тархалт гэж үзсэн. Жишээ нь томуугийн цар тахлын үед хүн амын дунд тухайн вирусийн эсрэг дархлаагүй байдлын улмаас шинэ болон шинээр сэргэж буй томуугийн вирус дэлхийг хамран тархдаг гэсэн байгаа” гэсэн бол доктор Б.Цогтбаатар “Улирлын томуу гэж өмнө нь оношлогдсон, тандалтаар хянаж оношилдог, цар тахал үүсгэдэггүй вирусийг хэлнэ. Манай улс өмнө нь 4 төрлийн коронавирус оношилж хянаж байсан. Эмчилгээний тухайд хлорихин коронавирусийг эмчлэх удирдамжид байхгүй. Цайр ч мөн адил” гэлээ.
АНУ-ын Хүнс ба эмийн нийгэмлэгээс мэдээлснээр цайр болон гидроксохлорохин нас барах магадлалыг бууруулж, эдгэрэлтийг түргэсгэхэд ашиггүй гэдгийг хэлжээ.

4. COVID-19 бол цар тахал биш

Factcheck: 2020 оны 3 дугаар сарын 11 -ний өдөр Дэлхийн Эрүүл Мэндийн Байгууллагаас (ДЭМБ) COVID-19 -н халдвар эпидеми буюу тахлын хүрээнээс хальж пандеми буюу цар тахлын хэмжээнд хүрснийг анх удаа зарласан. ДЭМБ-ын гаргасан мэдэгдэлд дурьдсанаар хүн ам дархлаагүй ямар нэгэн шинэ өвчин гарч, урьдчилсан таамаглалыг даван олон хүнийг хамарч дэлхий нийтээр тархах үед цар тахал хэмээн тодорхойлдог байна. Доктор Б.Цогтбаатар “Энэ бол цар тахал. 1.4 сая хүн нас барчихаад байна” гэсэн юм. 2020.11.26-ны өдрийн байдлаар COVID-19 халдвараар дэлхийн 218 улс, газар нутгийн 60.7 сая хүн өвчилж, 1.4 сая хүн нас бараад байна. Монгол Улсын хувьд нийт батлагдсан тохиолдлын тоо өнөөдөр 712 болов.

Ашигласан эх сурвалжууд: 

https://apnews.com/article/fact-checking-9153030274

https://www.nytimes.com/2020/09/28/style/self-care/what-is-zinc.html

https://www.newswise.com/factcheck/a-video-posted-by-a-european-based-group-called-world-doctors-alliance-falsely-claims-the-novel-coronavirus-is-a-normal-flu-virus/?article_id=740360&fc=home

https://www.who.int/csr/disease/swineflu/frequently_asked_questions/pandemic/en/?fbclid=IwAR1ytQXidM7uKvYBoWDmES5vKNxRPh2OdEis7tIwW2tgzZANY44QolREL-k

 

Төстэй мэдээлэл

Улсын онцгой комисс – УОК нэртэй, 102,1к хэрэглэгч бүхий фэйсбүүк группт өнөөдөр “Ковидын халдвар Манайд 2019 оны 11 сард орж ирсэн гэдэг нь нотлогджээ” гэх мэдээллийг хуваалцжээ. Дөрвөн цагийн хугацаанд уг мэдээлэлд 240 хүн хариу үйлдэл үзүүлж, 225 хүн сэтгэгдлээ бичиж, 66 хүн хуваалцсан байна. Сэтгэгдэл бичсэн хүмүүс дунд уг мэдээллийг үнэн байх гэсэн байр […]

COVID-19-ийн вакцин өөрөө хор үйлдвэрлэж байгаа талаар Канадын Онтарио дахь Гуэлфийн их сургуулийн вирусийн эсрэг дархлаа судлаач Байрам В. Брайдл радио нэвтрүүлгээр анх ярьж, S уураг өөрөө хортой хэмээн олон нийтэд мэдээлжээ. Тэрбээр “Сонсогч та бүхэн энэ дүгнэлтийг мэдэж авч байгаа хамгийн анхны хүмүүс. Коронавирусийн эсрэг бие үүсгэгчийг өдөөх S уураг нь хортой болохыг бид […]

Товч агуулга Их Британи: Хүүхдийн гепатит нь коронавирусийн вакцинтай хамаатай гэсэн ямар ч нотолгоо байхгүй АНУ-д 109 хүүхдэд элэгний гепатит оношлогдсон ч вакцинд хамрагдах насны хүүхдүүд биш Factcheck: Хүүхдүүдийн дунд гепатитийн хүнд хэлбэрийн өвчлөл дэлхий даяар нэмэгдэж байгаа нь Pfizer-BioNTech компанийн Pfizer вакцинтай холбоотой хэмээн эрдэмтэн судлаачид дүгнэсэн гэх мэдээлэл олон нийтийн сүлжээнд тархжээ. Гэвч […]

ОХУ дэлхий нийтийг цочирдуулсан дайны ажиллагааг Украинд эхлүүлээд 13 сарын нүүр үзэж байна. Өнгөрсөн жил гаруйн хугацаанд дайнтай зэрэгцээд олон нийтийн сүлжээнд мэдээллийн асар том “дайн” өрнөсөн билээ. Оросын зүгээс Украин болон барууныхан олон нийтийн тархийг угааж байна гэсэн тайлбар цөөнгүй хийсэн бол эсрэгээрээ барууны орнууд болон Украин улс ОХУ-ыг хуурамч мэдээлэл ихээр түгээж байна […]

Товч агуулга: Москва24 сайт 2023.02.22-нд Оростой хийсэн мөргөлдөөнд Украин аль хэдийн ялагдсан гэж АНУ мэдэгдсэн тухай мэдээлэл гаргажээ. Уг мэдээллийг Монголын цахим орчинд мөн зарим хүмүүс шэйрэлсэн байна. Энэхүү мэдээллийг нягталж өгөх хүсэлт ирсний дагуу нягталлаа. Factcheck: Москва24 сайтад нийтлэгдсэн уг мэдээний эхний хэсэг “Барууныхны өөдрөг итгэл найдварыг үл харгалзан Оростой хийсэн мөргөлдөөнд Украин ялагдах […]

Цагдаагийн байгууллагад Хуурамч мэдээлэлтэй тэмцэх дагнах нэгж есдүгээр сарын 23-нд байгуулагдсан бөгөөд энэ талаар Цагдаагийн ерөнхий газрын дэд дарга, хурандаа Ж.Амгалан 24-ний өдөр news.mn мэдээллийн сайтад энэ талаар тодруулга өгөхдөө “Дутуу ойлгосноо цахим орчинд тараадаг байдлыг таслана” хэмээн ярьсан юм. Түүний энэхүү ярилцлагыг Хууль зүй, дотоод хэргийн яамны албан ёсны цахим хуудас мөн олон нийтэд […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх