7 цагаас ажил эхэлж 15 цагт тарахаар боллоо – ТӨӨРӨГДҮҮЛСЭН

2021 оны долдугаар сарын 19-ний өдөр фэйсбүүк орчинд “7 цагаас ажил эхэлж 15 цагт тарахаар боллоо. Энэ шийдBэpийг та дэмжих үү?” гэсэн гарчиг бүхий мэдээлэл гарч эхэлсэн. Уг мэдээллийг medleg.me хаягтай вэбсайт нийтэлсэн байх бөгөөд хүмүүс энэхүү мэдээллийг дэмжиж байгаагаа, зөв шийдвэр болсныг илэрхийлэн шэйрлэсээр байгаа юм.

Уг мэдээллийг анх 2021 оны зургадугаар сарын 4-ний өдөр Шуурхай мэдээ нэртэй цахим хуудас mongolcomment.com сайтаас татан оруулсан байх бөгөөд энэхүү мэдээлэлд 2300 хүн хариу үйлдэл үзүүлж, 295 хүн сэтгэгдэл бичиж, 89 хүн хуваалцсан байна.

Уг мэдээллийг нягталлаа.

Мэдээлэлд “Улаанбаатарын түгжрэл нийслэлчүүдийн “шүдний өвчин” болсоор удаж байна. Үүнийг зохицуулахын тулд нэгэн зохицуулалтыг хийхээр судалж буй нь “Цагийн уян зохицуулалт”. Энэ ямар учиртай юм бол гэж уншигч та гайхаж магадгүй юм. Тэгэхээр энэ ийм учиртай. Иргэн та 07.00-10.00 цагийн хооронд хүссэн цагтаа ажилдаа ирж болно. Дэлхийн зарим томоохон хотууд, компаниуд уян хатан ажиллах цагийг ажилчиддаа олгодог болоод удаж буй. Ажлын цагаа өөрөө зохицуулж өөртөө болон гэр бүлдээ зарцуулах цагаа ихэсгэж, замын хөдөлгөөний ачааллыг цаг хугацааны хувьд задлах боломж. Нийслэлийн засаг дарга, Улаанбаатар хотын захирагч Д.Сумъяабазарын сонорт хүртэл түгээж хайрла ард түмэн минь. Энэ бол түгжрэлийг бууруулах хамгийн оновчтой шийдэл” хэмээжээ.

Өөрөөр хэлбэл, уян хатан цагийн зохицуулалттай холбоотой төрийн байгууллагуудын ажиллах цагт өөрчлөлт оруулсан ямар нэг шийдвэр гаргаагүй бөгөөд хотын даргад хүртэл түгээж өгөхийг уг мэдээлэлд дурджээ.

Гарчигт өгүүлсэн “7 цагаас ажил эхэлж 15 цагт тарахаар боллоо” буюу шийдвэр гарч, хэрэгжиж эхэлсэн утга мэдээлэлд байхгүй бөгөөд гарчгаараа төөрөгдүүлсэн байна.

Ташрамд дурдахад, нийслэлийн төрийн захиргааны байгууллагууд зуны цагийн хуваарь болох 08:00-17:00 цаг хүртэл ажиллах уян хатан цагийн зохицуулалтад шилжээд даруй гурван жил болж буй юм.

Төстэй мэдээлэл

Товч агуулга Батсайхан Амараа Амартүвшин гэх фэйсбүүк хэрэглэгч 2024.12.02-нд вакцины талаарх дараах постыг оруулжээ. Уг постод “Хэзээ ч вирусээр хорт хавдар үүссэн тухай нотолгоо байхгүй!!! 2-3 жилээс илүү хугацаанд хүний дархлаанд санамж үлдээх шу байхгүй!!! 100к хүүхдэд тарьж хордуулж байж 3 хүүхдийг 30-40 жилийн дараа үүсэж магадгүй хавдрыг 66-83% тай бууруулна ийм тэнэглэлд итгэх үү??? […]

Товч агуулга Аж үйлдвэр, эрдэс баялгийн яам стратегийн найман ордын талбайн хил заагийг тогтоох тухай тогтоолын төслийг боловсруулан, Засгийн газрын 2025.04.09-ний хуралдаанаар танилцуулсан бөгөөд үүнд Дорнодын ураны орд, Мардайн ураны орд, Гурванбулагийн ураны орд багтаад буй. Эдгээрээс Мардайн ордод оросууд Социализмын үеэс үйл ажиллагаа явуулж, 1998 он дуустал уран олборлож байсан гэдэг. Үүнтэй холбоотойгоор ОХУ-тай […]

Bolormaa Bat-ulzii гэх фэйсбүүк хэрэглэгч “ЭНЭ КОВИДЫН ТАХЛЫГ ХҮН УДИРДДАГ” гэсэн гарчигтай нэгэн постыг 2021.12.15-ны өдөр оруулжээ. Уг постод ЭНЭ КОВИДЫН ТАХЛЫГ ХҮН УДИРДДАГ, гэрээсээ удирдаад, хаашаа, яаж явахыг төлөвлөөд сууж байдгыг та мэдэх үү? Тэр хүн бол Билл Гейтс. Микрософтын үүсгэн байгуулагчдын нэг, хэмжээгүй баян тэрбумтан. Шүтлэг сатанизм ба өөрөө өөрийгөө дээдлэх үзэл. Еугеник(цөөн […]

УИХ-ын гишүүн асан Ц.Оюунгэрэл твиттер хуудаснаа “Эмэгтэйчүүд нэгээс дээш хүүхэдтэй бол 50 насандаа тэтгэвэрт гарах нь…” гэсэн гарчиг бүхий мэдээллийг шэйрлэж, “Энэ мэдээ үнэн бол Монголоо Грекийн замаар дампууруулахаар шийдэж дээ, ЗГ. Грек улс тэтгэвэрийн насаа багасгаад хэдхэн жилийн дотор бүрэн дампуурч, өрөө дарахын тулд хэдэн арлаа зарсан байдаг” хэмээжээ. Энэхүү жиргээний мөрөөр мэдээллийг нягтлуулах […]

Bachi Nyangar гэх фэйсбүүк хэрэглэгч наймдугаар сарын 23-нд “Сингапурын Эрүүл Мэндийн КО бол зохиомол гэдэгт бүрэн дүгнэлт хийжээ” гэх агуулгыг нийтэлсэн байна. Түүний постыг 182 хүн цааш түгээж, 174 хүн лайк даржээ. Уг постод (постыг засваргүйгээр доор оруулав): “Сингапурын Эрүүл Мэндийн Яам ДЭМБ-ийн үгэнд оролгүй КОВИД туссаад нас барсан хүнд задлан шинжилгээ хийж үзжээ. Тэд […]

“Өнөөдрийн хамгийн сайхан мэдээ. Хүнсний ногоо гаднаас авахыг хориглолоо!!! Хятад ногоо баяртай!!! Ард түмний эрүүл мэндийн төлөө түүхэн шийдвэр гаргалаа. Энэ мэдээг цааш түгээж дэмжээрэй!!! Ёстой болоошдээ!!!”  гэсэн мэдээллийг news.medleg.me цахим сайт энэ сарын 9-нд мэдээлж, хэд хэдэн фэйсбүүк группт цацсан байна.  Бид энэ мэдээллийг нягталж, үнэн эсэхийг шалгалаа. Хүнсний ногоо гаднаас авахыг хориглосон эсэх […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх