Нүүр хуудас Нягталсан мэдээлэл Бусад Бадрах энержи Францын НАТО-ийн биологийн лаборатори - ХУДАЛ

|

Бадрах энержи Францын НАТО-ийн биологийн лаборатори – ХУДАЛ

Товч агуулга:

“Бадрах Энержи” компани үйлдвэрийн үйл явцыг өдөр тутам хянах лабораторитой.

Уг лаборатори зөвхөн үйлдвэрийн явцад гарч байгаа бүтээгдэхүүний стандарт хэмжээг хянадаг ба монгол ажилчид ажиллаж байна.

Тус лабораторийг хөндлөнгийн байгууллага буюу олон улсын SGS лаборатори хариуцан ажилладаг.

SGS нь биологийн биш геохимийн шинжилгээний лаборатори.



Tsegmed Baljinnyam гэх фэйсбүүк хэрэглэгч 2022.03.27-нд

Монголд Францын НАТОгийн лаборатори болсон Уран олборлож байгаа Бадрах энержиг зайлуулахын тулд ОРОС улсаас тусламж гуйж Арева майнс, Кожеговь, Бадрах Энержи гэж нэрээ өөрчилж зүсээ хувиргасан новшнуудыг Монголоос хөөж гаргана. Бид энэ Хорлолтыг зогсоох болно” гэсэн пост оруулжээ.

Энэхүү мэдээллийг нягталж өгөх хүсэлт уншигчдаас ирсний дагуу нягталлаа.

FactCheck:

“Бадрах Энержи” компани нь 2021 оны долдугаар сараас үйлдвэрлэлийн туршилтаа эхлүүлсэн байна. Үүний үр дүнд цөмийн эрчим хүчний түүхий эд болох шар нунтгийг гарган авч байна. Монгол Улсын стандартаар үйлдвэрийн орчинд ажиллаж байгаа хүн жилд 20 мл зиверт тун цацраг авахыг зөвшөөрдөг бол Зөөвч-Овоо дахь уурхайн 100 орчим ажилтнаас өнөөдрийн байдлаар хамгийн өндөр тун авсан нь 3 мл зиверт буюу зөвшөөрөгдөх хэмжээнээс 6 дахин бага шарлага авсан болохыг тус уурхайн Хөдөлмөрийн аюулгүй байдал, цацрагийн агууламжийн байдал хариуцсан супервайзер Б.Батманлай тайлбарласан.

Тус үйлдвэрийн үйл явцыг өдөр тутам хянах лаборатори ажиллаж байгаа бөгөөд уг лаборатори зөвхөн гарч буй бүтээгдэхүүний стандарт хэмжээг хянаж байгаа ба монгол ажилчид ажиллаж байна.

Лабораторийг хөндлөнгийн байгууллага буюу олон улсын SGS лаборатори хариуцан ажилладаг ажээ.

SGS нь дэлхийл тэргүүлэгч хяналт шалгалт, сорьцлалт шинжилгээ, магадлан баталгаажуулалтын бие даасан компани бөгөөд 141 улсад үйл ажиллагаа явуулдаг юм байна. XX зууны дунд үеэс Хяналт шалгалт, шинжилгээ болон магадлан баталгаажуулалтын үйлчилгээг уул уурхай, газрын тос болон хий, химийн үйлдвэр зэрэг бусад салбаруудад явуулж эхэлсэн бөгөөд 1981 онд Швейцарын хөрөнгийн биржид албан ёсоор бүртгүүлжээ.

Монгол Улсад 1997 оноос геохимийн шинжилгээний лабораторийн чиглэлээр үйл ажиллагаа явуулж

  • Эрдсийн худалдааны хяналт
  • Газрын тос, хийн хяналт
  • Meталлургийн шинжилгээ
  • Баталгаажуулалт гэсэн чиглэлээр ажиллаж байна.

Тус лаборатори нь ISO17025 стандартыг хэрэгжүүлдэг аж. Энэ нь итгэмжлэлийн стандарт тул сайн дурын биш, заавал итгэмжлэгдэх шинж чанартай байна. Нөгөө талаас хүний амь нас, эрүүл мэнд, хүрээлэн буй орчинд шууд нөлөө бүхий бүтээгдэхүүн үйлдвэрлэлийн болон чанарын хяналтын хүрээнд ажилладаг аливаа сорилт шинжилгээний лаборатори нь заавал Үндэсний итгэмжлэлийн хүрээнд итгэмжлэгдэх үүргийг хуульчилсан байдаг байна.

НАТО буюу Умард Атлантын Гэрээний Байгууллага нь дэлхийн олон улсын томоохон байгууллагын нэг бөгөөд Европ, Хойд Америкийн 30 гишүүн улсыг нэгтгэсэн улс төр, цэргийн холбоо юм. Улс төрийн болон аюулгүй байдлын хамтын ажиллагааны зорилгоор энэ хоёр тивийг хооронд нь өвөрмөц байдлаар холбож өгдөг талаар албан ёсны хуудастаа тайлбарласан байдаг.

Өөрөөр хэлбэл, холбоотон болон түнш орнуудын эрдэмтэн, судлаачдын олон улсын сүлжээтэй хамтран ажилладаг байна. Тэдгээр эрдэмтдийг буцалтгүй тусламжаар дэмжих, эрдэмтдийн санал бодлоо солилцох, мэргэжилтний зөвлөгөө авах сувгийг бий болгох, аюулгүй байдлын шинжлэх ухааны салбарт практик хамтын ажиллагааг сайжруулах тусгай арга хэмжээ зохион байгуулдаг ажээ.

Монгол Улс болон Швейцар улс нь НАТО-ийн гишүүн орон биш. Манай улс Даян дэлхийн түнш гэж явдаг бол Швейцарь нь Энх тайвны төлөө түншлэлтэй орнуудад нь багтдаг байна.

Өөрөөр хэлбэл, НАТО-ийн лаборатори Улаанбадрах суманд ажиллаж байгаа гэдэг нь үндэслэлгүй, ХУДАЛ мэдээлэл байна.

Эх сурвалжууд:

“Бадрах Энержи” компани

http://dep.num.edu.mn/chemistry/wp-content/uploads/2018/03/11-SGS_PPT_Final.pdf

https://www.nato.int/cps/en/natohq/179311.htm

https://www.swissinfo.ch/eng/will-switzerland-ever-join-nato-/47437654

 

Төстэй мэдээ

7 цагаас ажил эхэлж 15 цагт тарахаар боллоо – ТӨӨРӨГДҮҮЛСЭН

2021 оны долдугаар сарын 19-ний өдөр фэйсбүүк орчинд “7 цагаас ажил эхэлж 15 цагт тарахаар боллоо. Энэ шийдBэpийг та дэмжих үү?” гэсэн гарчиг бүхий...

М.Зоригт: ЭМЯ хөл хориог 14 хоног сунгах санал гаргасан – ХУДАЛ

УИХ-ын гишүүн асан М.Зоригт өөрийн твиттер хуудаснаа 2020 оны арваннэгдүгээр сарын 27-ны 18:55 цагт “ЭМЯ-наас хөл хориог 14 хоног сунгах санал гаргасан байна” хэмээн...

Хоёр сайтын мэдээллийг photoshop ашиглан гуйвуулжээ

Сонгуулийн санал хураалт эд явагдаж байгаа энэ үед мэдээллийн хоёр сайтын мэдээг гуйвуулсан пост олон нийтийн сүлжээнд тараад байна. iKon.mn-ийн "12:00...

ПСР бол аливаа халдварт өвчин оношлодог багаж биш – ХУДАЛ

"ПСР бол аливаа халдварт өвчин оношлодог багаж биш. Нобелын шагналт доктор Карл Маллис" гэсэн постыг Zanaa Jurmed гэх фэйсбүүк хаягаас нийтэлжээ. Уг мэдээллийг нягталлаа. Нобелын шагналт...

“Сайн гэж хийсэн пфайзер вакцин жинхэнэ био зэвсэг” -БАТЛАГДААГҮЙ

Yuna Yuna гэх фэйсбүүк хэрэглэгч 2022.01.29-нд "САЙН ГЭЖ ХИЙСЭН ПФАЙЗЕР ВАКЦИН ЖИНХЭНЭ БИО ЗЭВСЭГ БОЛОХ НЬ БАТЛАГДЛАA" гэсэн пост оруулсныг 154 хүн шэйрлэжээ. Уг пост...

Хандив өгөх

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно. 

Биднийг дэмжсэн танд маш их баярлалаа.

FACTCHECK апп суулгах заавар

Та FACTCHECK сайтын PWA аппыг суулгахын тулд товчийг дарж дараа нь ‘Add to Home Screen’ товчийг дарна уу.

Та FACTCHECK сайтын PWA аппыг суулгахын тулд ‘Суулгах’ товчийг дарна уу.
Суулгах
Та FACTCHECK сайтын PWA аппыг суулгахын тулд товчийг дарж дараа нь ‘Install’ товчийг дарна уу.
Та FACTCHECK сайтын PWA аппыг суулгахын тулд SAFARI ICON товчийг дарж дараа нь ‘Add to Home Screen’ товчийг дарна уу.
Та FACTCHECK сайтын PWA аппыг суулгахын тулд вэб хөтчийнхөө ‘Add to Home Screen’ товчийг дарна уу.
Та FACTCHECK сайтын PWA аппыг суулгахын тулд холбоос оруулдаг нүдний баруун талд байгаа тэмдэг дээр дарж ‘Install’ товчийг дарж суулгана уу.
Одоогоор FACTCHECK сайтын PWA апп нь таны вэб хөтөч дээр суулгах боломжгүй байна. Та дараах хөтчийг татаж суулгаад манай PWA аппыг суулгах боломжтой:

Та дараах маягтыг бөглөж бидэнтэй холбоо барина уу:

FACTCHECK нягталсан мэдээлэлдээ үнэлгээг хэрхэн хийдэг вэ?

Нягтлуулах, хуурамч мэдээлэл илгээх

Та хаа нэгтээ эргэлзээтэй мэдээлэлтэй таарсан уу? Ялангуяа олны танил, улс төрчдийн хэлсэн эргэлзээтэй мэдээлэл унгиж эсвэл сонссон уу? Бидэнд нягтлуулах мэдээллээ илгээгээрэй!

Мэдээлэл илгээхдээ тухайн мэдээллийг олж уншсан эх сурвалжийн линк (url) болон огноог бичнэ үү.

Бид таны имэйл хаягыг мэдээллийг нягтлан шалгах зорилгоор тантай холбоо барихаас бусад зорилгоор ашиглахгүй болно.