Коронавирусийн эсрэг вакциныг зөвхөн Монгол Улс төдийгүй дэлхийн улс орнуудад ч үгүйсгэгчид, ташаа мэдээлэл тараагчид байгаа тул олон нийтийн сүлжээнд хамгийн их тархсан буруу ойлголтуудыг Britannica-ийн албан ёсны сайтад нэгтгэн оруулсныг FactCheck.mn хүргэж байна.
НЭГ. mRNA вакцин хүний ДНХ-г өөрчилдөг-ХУДАЛ
COVID-19-ийн зарим вакцин нь уургийг ялгаруулахад шаардлагатай генийн мэдээллийг зөөвөрлөдөг шинэ технологи болох mRNA-д суурилан бүтээгдсэн. Энэ төрлийн вакцинууд нь COVID-19 вирусийн халдварладаг уургийг үйлдвэрлэх зааварчилгааг эсэд өгснөөр хүний дархлааны систем вирусийн эсрэг бие үйлдвэрлэх нөхцөлийг бүрдүүлдэг.
Хэдийгээр энэ нь шинэ технологи ч хүний ДНХ буюу удмын мэдээллийг өөрчлөх боломжгүй. Вакцин нь РНХ-г буюу дархлааны систем хэрхэн халдвараас сэргийлэх мэдээллийг эсэд өгөхөд хэдэн цагийн л процесс үргэлжилдэг ба ДНХ-д нөлөөлөх ямар ч боломжгүй байна.
ХОЁР. Коронавирусийн эсрэг вакцинд хүний үр хөндүүлсэн үр хөврөлийн эд эс орсон -ХУДАЛ
Салхин цэцэг, улаанууд зэрэг өвчний эсрэг вакциныг хэдэн арван жилийн өмнө үр хөндсөн ургийн эсий шугамыг ашиглан үйлдвэрлэдэг гэх мэдээлэл гарсан. Тухайлбал, 2020 оны зургадугаар сард Science гэх сэтгүүлд гарсан нийтлэлд COVID-19-ийн эсрэг зарим вакцинд 1985, 1972 онд абортод орсон ургийн эсийг ашигласан тухай бичжээ. Тэгвэл бодит байдал дээр ямар ч вакцинд, тэр дундаа коронавирусийн эсрэг хөгүүлж, ашиглаж байгаа аль ч вакцинд ургийн эс ороогүй бөгөөд шаардлагагүй.
Ватикан ба католик шашинтнуудтай анагаах ёс зүйн талаар зөвлөлдөж, үр хөндөлтийг эсэргүүцдэг Биоэтикийн үндэсний католик төв “Вакцинууд нь анхны үр хөндөлтийн аль ч эсийг агуулдаг гэж баттай хэлж чадахгүй” хэмээн мэдэгджээ.
ГУРАВ. COVID-19-ийн эсрэг вакцин зулбах эрсдэлийг нэмэгдүүлдэг нь батлагдсан-ХУДАЛ
АНУ-ын Халдварт өвчнөөс сэргийлэх, хянах төвөөс 2021 оны хоёрдугаар сард мэдэгдсэнээр коронавирусийн эсрэг вакцин хийлгэснээр зулбалт үүсгэсэн гэсэн ямар ч нотлох баримт байхгүй гэжээ.
Түүнээс гадна Британийн нөхөн үржихүйн нийгэмлэг болон тус улсын нөхөн үржихүй, клиникийн эрдэмтдийн холбооноос “COVID-19-ийн эсрэг вакцин үр зулбахад нөлөөлөх эрсдэл байхгүй” гэдгийг мэдэгдсэн байна.
Харин вакцин хийлгэсэн үед үр зулбалт цаг хугацааны хувьд давхцсан харамсалтай тохиолдлууд гарсан ч шалтгаан нь вакцин биш болохыг тайлбарлажээ.
Эх сурвалж:
https://www.britannica.com/list/the-top-covid-19-vaccine-myths-spreading-online
https://www.reuters.com/article/factcheck-miscarriage-vaccine/fact-check-there-is-no-evidence-to-suggest-covid-19-vaccines-increase-the-risk-of-miscarriage-idUSL1N2LT21A
https://www.reuters.com/article/factcheck-miscarriage-vaccine/fact-check-there-is-no-evidence-to-suggest-covid-19-vaccines-increase-the-risk-of-miscarriage-idUSL1N2LT21A
https://factcheck.afp.com/miscarriage-reports-are-not-proof-covid-19-vaccine-danger-pregnancy
НҮБ-ын Хүүхдийн Сангийн дэмжлэгтэйгээр нягтлав.
