Н.Түвшинбаярын медалийн тоог ОУОХ тэг болгосон – БАТЛАГДААГҮЙ

Tsetseg Byambaa фэйсбүүк хаягаас “Олон улсын олимпын холбоо Найдангийн Түвшинбаярын медалын тоог ТЭГ болгосон байна. Хүнлэг бус үйлдэл гаргасан хэнээс ч байсан Эв найрамдалын бэлэг тэмдэг болдог дэлхийн наадам медалаа хурааж авдаг шудрага журамтай. МУ дэлхийн шившиг болохоосоо өмнө хууль шүүхээрээ ял шийтгэлийг нь өгч шудрага хандана гэж найдаж байна. Эх сурвалж: https://www.olympic.org/tuvshinbayar-naidan” гэсэн постыг оруулжээ.

Уг постыг нэг цагийн дотор 415 хүн хуваалцаж, 2200 хүн хариу үйлдэл үзүүлж, 649 хүн сэтгэгдэл бичжээ.

Энэхүү мэдээллийг бид нягталлаа.

Factcheck:

Түүний шэйрлэсэн эх сурвалж болох сайт орохгүй алдаа зааж байна. Тиймээс бид олон улсын олимпын хорооны www.olympic.org сайтад орж, Tuvshinbayar гэж хайхад дараах илэрц гарч байна.

Уг мэдээлэлд Н.Түвшинбаяр нь Монголын анхны олимпын алтан медальт тамирчин болохыг тодотгосон мэдээлэл дэлгэрэнгүй байна. Мөн Result буюу үр дүн гэсэн хэсэгт Бээжингийн олимпын Алт, Лондоны олимпын Мөнгөн медальт гэж тэмдэглэсэн байна.

Манай улсын тамирчид олимпоос нийт 26 медаль хүртэж байсан бөгөөд тэдгээрээс зургаан тамирчны медалийн тоо Н.Түвшинбаярынхтай адил тэг болсон харагдаж байна.

Жишээлбэл, жүдо бөхийн олимпын мөнгөн медальт Д.Сумъяаг мөн бид хайлт хэсгээр нягтлахад түүний талаарх мэдээлэл мөн ижил гарч ирж байна. Зургийн доод хэсэгт медалийн тоо байхгүй ч доод Үр дүн хэсэгт Рио 2016 олимпоос Мөнгөн медаль хүртсэн гэжээ.

Мөн 2008 оны Бээжингийн олимпоос буудлагын төрлөөр мөнгөн медаль хүртсэн О.Гүндэгмаагийн медалийн тоо мөн бүгд тэг болсон байна. Түүний мэдээллийн доод талд мөн Н.Түвшинбаяртай ижил авсан медалийн дэлгэрэнгүй нь байгаа юм.

Өөрөөр хэлбэл, “Олон улсын олимпын холбоо Найдангийн Түвшинбаярын медалын тоог ТЭГ болгосон байна” гэдэг нь БАТЛАГДААГҮЙ байна. Түүний холбогдоод буй асуудалтай холбоотойгоор медалийг тэглэсэн бус Олимпийн хорооны сайтын мэдээлэлд зөрүү гарсныг дээр дурдсан тамирчдын мэдээллээс харж болохоор байгаа юм.

Монгол Улсын Хөдөлмөрийн баатар, улсын заан, МҮОХ-ын ерөнхийлөгч Н.Түвшинбаярыг бусдын эрүүл мэндэд хүнд хохирол учруулсан үндэслэлээр Хан-Уул дүүргийн Цагдаагийн I хэлтэст шалгаж эхлээд байгаа. Одоогоор түүний гэмт бурууг хууль, шүүхийн байгууллага эцэслэн тогтоогоогүй байгаа билээ.

Монгол Улсын Эрүүгийн хэрэг хянан шийдвэрлэх тухай хуулийн 1.15.1-д Шүүхийн шийтгэх тогтоол гарах хүртэл хүн, хуулийн этгээдийг гэмт хэрэг үйлдсэн гэм буруутайд тооцохгүй хэмээн заасан байдаг.

Түүнчлэн Олимпын харти буюу олимпын үндсэн хуульд “Бүрэн хүлээн зөвшөөрлийг цуцлах” гэсэн тусдаа заалт бий. Уг заалтад “Олимпын наадмын үеэр Олимпын харт, Олон улсын сэргээшийн эсрэг дүрэм, ОУОХ-ны ёс зүйн дүрэм, ОУОХ, ОУСХ, ҮОХ-ноос гаргасан нийтээр хүлээн зөвшөөрсөн журам, бусад шийдвэр, ёс зүйн хууль зэрэг зөрчигдсөн ёс бус үйлдлийн аливаа илрэл тохиолдолдвол” арга хэмжээ авах бөгөөд арга хэмжээ шийтгэл оногдуулахаасаа өмнө ОУОХ-ны эрх бүхий байгууллагаас анхааруулга өгч болно гэж заажээ. Мөн эцсийн шийдвэрийг Олон улсын олимпын хороо гаргана гэсэн байна.

Төстэй мэдээлэл

Баянзүрх дүүргийн ИТХ-ын Төлөөлөгчөөр ажиллаж байсан Болдын Дэмбэрэл твиттер хуудастаа “Ковид 19 халдвар аваад эдгэсэн маш олон хүн ой санамжаа алдсан байна. Зүгээр нэг ханиад томуу биш” хэмээн жиргэжээ. Түүний постолсон энэхүү мэдээллийг бид НҮБ-ын Хүүхдийн сантай хамтран нягталлаа. Элзивер нийгмийн эрүүл мэндийн байгууллагын яаралтай тусламжийн төвөөс коронавирусийн халдвар аваад ICU буюу эрчимт эмчилгээнд орсон цөөн […]

Tulga Dandii хэмээн фэйсбүүк хаягнаас “Хятад вакцины 2-р тун бол үхлийн аюултай эрсдэл” гэсэн постыг тавдугаар сарын 17-нд хуваалцжээ. Уг постыг 1.8К хүн шэйрлэж, 147 хүн коммент бичиж, 143 хүн лайк дарсан байна.  Тус постод “Хятад вакцины найрлагад хялгасан судасны дотор талын ханын гялгар гадаргуу үүсгэгч эд эсийг идэмхий натри шиг идэн хялгасан судасны цусны […]

Коронавирусийн халдварын тархалд манай улсад, ялангуяа Улаанбаатар хотод эрчимжиж байна. Энэ үеэр коронавирусийн эсрэг вакцин болон амны хаалттай холбоотой ташаа мэдээлэл олон нийтийн сүлжээнд тархаж байна. Тиймээс энэ удаа амны хаалттай холбоотой ташаа мэдээллүүдийг гаднын фактчекерүүд нягталсныг хүргэж байна. 2019 онд БНХАУ дэлхийн амны хаалтны талаас илүүг үйлдвэрлэсэн бол цар тахлын үед уг үйлдвэрлэл 85% […]

Товч агуулга Цөмийн энергийн тухай хуульд нэмэлт, өөрчлөлт оруулах тухай УИХ-аар хэлэлцэх үеэр уран олборлохтой холбоотой зарим мэдээлэл олон нийтийн дунд эргэлзээ төрүүлээд буй. Тэдгээр мэдээллээс бид нягталлаа. Оператор компани нөхөн сэргээлтийг зохих ёсоор хийхгүй. Тэд олборлолт хийгдсэн талбайг цооногийн толгойн хэсгийг аваад л тэр чигээр нь орхино. Хяналттай байгалийн аясаар нөхөн сэргээлт хийнэ гэдэг […]

Хэвлэлийн эрх чөлөөний өдрийг тохиолдуулан Ардчилсан намын дарга

Өвөр Mонголын Өөртөө Засах Орны сургуулиуд нэгдүгээр ангид анхлан үздэг хэл бичгийн хичээлээр хятад хэлийг судлах болсон шийдвэр гарсан талаарх мэдээлэл олон нийтийн дунд тархаад буй. Энэхүү шийдвэрийг эсэргүүцэн Өвөр монголчууд жагсаал, цуглаан хийж буй бөгөөд тэдний эсэргүүцэл үр дүнд хүрч, дээрх шийдвэрийг өөрчилсөн гэх мэдээлэл нийгмийн сүлжээнд олны анхаарлыг татаад байна. Тухайлбал,  доорх хоёр хаягнаас л […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх