“Халдвар 5 хоногт дарагдахгүй бол ОНЦ байдал зарлаж, зэвсэгт хүчин хөдөлгөнө” – ХУДАЛ

Шинэ коронавирусийн халдвар 5 хоногт дарагдахгүй бол ОНЦ байдал зарлаж, зэвсэгт хүчин хөдөлгөнө гэх мэдээлэл цахим орчинд түгээд байна. Уг мэдээллийг xemnel.com болон ikonnews.net гэх сайтууд гаргасан байна.

Энэ мэдээллийг нягталлаа.

Засгийн газар, Нийслэлийн онцгой комиссоос нийслэлд тогтоосон хөл хориог онц байдал руу шилжүүлэх талаар ямар нэг шийдвэр гараагүй бөгөөд тэг зогсолт хийх болон онц байдал зарлах тухай иргэдийн дунд яригдаж байгаа мэдээллийг үгүйсгээд байна.

Онц байдлын тухай хуульд улсын нийт нутаг дэвсгэрт буюу зарим хэсэгт нь оршин суугаа хүн амын амь нас, эрүүл мэнд, аж амьдрал, нийтийн аюулгүй байдалд шууд аюул учруулсан буюу учруулахуйц гамшиг, гамшгийн онцгой нөхцөл байдал  тохиолдсон үед онц байдал зарлана хэмээн заажээ.

Онц байдлыг Ерөнхийлөгч, Засгийн газар, эсхүл УИХ-ын нийт гишүүдийн дөрөвний нэгээс доошгүйн санаачилгаар хэлэлцэж шийдвэрлэдэг бөгөөд одоогийн байдлаар онц байдал зарлахаар санаачилга гаргаагүй байгаа юм.

Өөрөөр хэлбэл дээрх мэдээлэл үндэслэлгүй, худал байна.

Энэхүү мэдээллийг нийтэлсэн хоёр сайтад байршуулсан мэдээллийг агуулгаар нь харвал xemnel.com сайтад нийтэлсэн мэдээнд “Дэлхийн улс орнуудад авч хэрэгжүүлж байгаа хамгийн зөв арга хэмжээ бол хатуу хөл хорионы дэглэм. Тиймээс 14 хоногийн хатуу хөл хорионы дэглэмийг сунгасан. Хорио цээрийн дэглэмийн шатлалыг бууруулснаар цар тахал тархах, дахин нэмэгдсэн жишээ олон бий. Бид ДЭМБ болон энэ чиглэлийн эрдэмтэн, мэргэжилтнүүдтэй санал солилцож, хамтран ажиллаж байгаа. Уг дэгдэлт 14 хоногт дарагдахгүй бол ОНЦ байдал зарлаж, зэвсэгт хүчин хөдөлнө хэмээн мэдээллээ. Иймээс иргэд та бүхэн гэрийн дэглэмээ сайтар мөрдөнө үү” гэсэн байх бөгөөд онцгой байдлын алба хаагчид, Эрүүл мэндийн яам, Засгийн газрын хуралдаан, Хавдрын эсийг зургаахан долоо хоногийн дотор устгадаг ургамал Монголд байна гэсэн сонины хайчилбар, гишүү, бурхан багшийн зургийг нийтэлжээ.

Зургаан өгүүлбэр бүхий мэдээнд ямар нэг эх сурвалж дурдаагүйн дээр оруулсан зургуудаас харахад итгэж үл болох сайт гэдэг нь харагдаж байна.

Харин ikonnews.net сайтын тухайд энэхүү мэдээллээ устгасан байлаа. Уг сайтын мэдээлэл нь iKon.mn сайттай андуурахаар төөрөгдөл үүсгэж байгаа бөгөөд цахим орчинд Хэрэгтэй мэдээлэл, Сошиал мэдээ, Social Medee- Сошиал мэдээ зэрэг хуудсуудаар мэдээллээ түгээдэг юм байна.

Төстэй мэдээлэл

Боловсрол, шинжлэх ухааны сайдын тушаалаар энэ жилээс эхлэн ерөнхий боловсролын сургуулийн хичээлийн жилийн бүтцэд өөрчлөлт оруулж, гурван улирлаар хичээллүүлэх болсон. Тиймээс амралтын хуваарьт ч өөрчлөлт ороод буй. Тодруулбал, нэгдүгээр улирлын амралт арванхоёрдугаар сарын 21-нээс эхлэх юм. Сүүлийн хэд хоногт нийгмийн сүлжээгээр шинэ коронавирусийн халдвараас урьдчилан сэргийлэх зорилгоор сурагчдын амралтын хугацааг наашлуулах санал асуулга явуулж буй […]

Шадар сайд Я.Содбаатар “УОК-оос хэзээ ч хатуу хөл хорио тогтоох чиглэл өгөөгүй шүү. Иргэд л өөрсдөө гэрээсээ гарахгүй ажилдаа явахгүй байгаа” гэсэн зураг цахим орчинд тараад байна. Энэхүү мэдээллийг нягталж шалгалаа. Юун түрүүнд мэдээлэл үнэн эсэхийг ikon.mn сайтаас тодруулахад “Манайд ийм мэдээлэл ороогүй. Манайд орсон мэдээллийн зургийг ашиглан ийм мэдээлэл тараасан байна” гэсэн хариултыг өглөө. […]

Сүүлийн нэг сард буюу 2024.05.25-06.24-нд Монгол Улсаас Метагийн төлбөрт 1 сая орчим ам.доллар гадагш урссан байна. Тодруулбал, 379 фэйсбүүк хэрэглэгч хувь хүн болон пэйжээр дамжуулан 100-29,000 хүртэл ам.долларын төлбөртэй пост нийтэлсэн бол 100 ба түүнээс бага дүнтэй ам.доллар төлсөн хаягийн тоо 411 байгаа юм. Эдгээрийн дийлэнх нь УИХ-ын сонгуулийн сурталчилгаатай холбоотой билээ. Тэгвэл сонгуульд өрсөлдөж […]

Товч агуулга Бадарч Бямбадулам 2024.11.21-ний 15:57 минутад “11 сарын 25-аас хийх Гардасил вакцины тухай судлаач, хуульч Б. Рэнцэнханд, С.Отгонцэцэг нартай ярилцав” гэсэн лайв видео хийж постолжээ. Уг видеог 15К үзсэн бөгөөд 110 хүн коммент бичиж, 255 хүн сэтгэгдэл үлдээжээ. Уг видеонд вакцин судлаач Бямбаагийн Рэнцэнханд хэмээн өөрийгөө танилцуулах Сэлэнгэ аймгийн Түшиг сумын иргэн умайн хүзүүний […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх