Монгол Улс Саарал жагсаалтаас гараагүй

ФАТФ-ын саарал жагсаалтаас Монгол Улсыг гаргасан тухай мэдээлэл хэвлэлүүдээр өнөөдөр гарсан юм. Энэ тухай Гадаад харилцааны сайд Н.Энхтайван “Саарал жагсаалтаас Монгол Улсыг гаргасан шийдвэрийг Европын холбооны Сангийн сайд нар энэ 10 дугаар сарын 6-нд гаргав” хэмээн өөрийн фэйсбүүк болон твиттер хуудастаа мэдээлжээ.

Энэ талаар Монголбанкнаас тодруулахад “Саарал жагсаалтаас гарах эсэхийг шийдэх ФАТФ-ын хурал аравдугаар сарын сүүлчээр болно” гэсэн юм. Өөрөөр хэлбэл, Монгол Улсыг Саарал жагсаалтаас гаргах шийдвэр эцэслэгдэн гараагүй байна.

Мөн ГХ-ны сайдын пост дээр “Европын холбооны Сангийн сайд нар” хэмээн тодотгосон нь Европын Хар жагсаалтаас гаргасан шийдвэр байжээ. Тиймээс Гадаад харилцааны сайд Саарал, Хар жагсаалтыг андуурсан байсан нь ийнхүү нийгэмд буруу мэдээлэл түгээхэд хүргэсэн байна.

ФАТФ-ын газар дээрх хяналт, шалгалтыг хийхээр АНУ, ИБУИНХУ, ОХУ, БНХАУ-ын төлөөлөл бүхий шинжээчдийн баг өнгөрсөн долоо хоногт Монгол Улсад ирж ажилласан.

Уг шалгалтаар Монгол Улсыг мөнгө угаах, терроризмыг санхүүжүүлэхтэй тэмцэх тогтолцоонд байгаа стратегийн дутагдлаа арилгасан эсэхийг дүгнэнэ хэмээн Засгийн газраас мэдээлсэн бөгөөд аравдугаар сарын сүүлчээр эцсийн хариу гарна гэдгийг мэдээлж байв.

Олон улсын санхүүгийн хориг арга хэмжээ авах байгууллага /ФАТФ/ 2019 оны аравдугаар сард Монгол Улсыг Мөнгө угаах, терроризмыг санхүүжүүлэхтэй тэмцэх тогтолцоондоо стратегийн дутагдалтай улсын жагсаалтад оруулсан билээ. Энэ хүрээнд ФАТФ-ын 40 зөвлөмжөөс 4 зөвлөмж дээр манай улс бүдэрсэн тул зөвлөмж өгөөд байсан юм.

Энэ дагуу хамгийн сүүлд л гэхэд мөнгө угаах хамгийн өндөр эрсдэлтэй хэмээн үнэлсэн үл хөдлөх хөрөнгө зуучлал, үнэт металл, чулуу, үнэт чулуун эдлэлийн арилжаа эрхлэгчид зэрэг оролцогчдыг бүртгэлжүүлэх ажлыг Санхүүгийн зохицуулах хорооноос хийж буй.

Нягталсан: Ц.Тамир (MCIR)

Төстэй мэдээлэл

Намуудын хамгийн өндөр төлбөртэй Фэйсбүүк дэх пост $4,000

Сүүлийн нэг сард буюу 2024.05.25-06.24-нд Монгол Улсаас Метагийн төлбөрт 1 сая орчим ам.доллар гадагш урссан байна. Тодруулбал, 379 фэйсбүүк хэрэглэгч хувь хүн болон пэйжээр дамжуулан 100-29,000 хүртэл ам.долларын төлбөртэй пост нийтэлсэн бол 100 ба түүнээс бага дүнтэй ам.доллар төлсөн хаягийн тоо 411 байгаа юм. Эдгээрийн дийлэнх нь УИХ-ын сонгуулийн сурталчилгаатай холбоотой билээ. Тэгвэл сонгуульд өрсөлдөж […]

Худал

Өргөдлийн байнгын хороо шатахууны үнийг бууруулсан гэдэг нь ХУДАЛ

УИХ-ын 2020 оны сонгуулийн сурталчилгаа эхэлсэнтэй холбоотойгоор нэр дэвшиж, сонгуульд өрсөлдөгчид, ялангуяа улирч буй парламентын гишүүд элдэв ажлыг өөрийн болгож “наах” үзэгдэл цөөнгүй гарч байгааг factcheck.mn нягталж байна. Хамгийн эхний баримт бол шатахууны үнийг Өргөдлийн байнгын хороо буулгасан гэх мэдээлэл. Тус байнгын хорооны дарга, УИХ-ын гишүүн М.Оюунчимэг Өргөдлийн байнгын хорооны үр дүнд хүрсэн ажлынхаа нэгээр шатахууны […]

МАН дөрвөн жилийн өмнө амалсан ч биелүүлээгүй Атрын IV аянаа 2020 онд дахин оруулж ирэв

УИХ-ын ээлжит сонгуульд оролцох нам, эвслийн мөрийн хөтөлбөрүүдийг Үндэсний аудитын газар хүлээн авсан. Мөрийн хөтөлбөрүүдээс бид ууган, томоохон намуудын мөрийн хөтөлбөрийн зарим зорилтыг 2016 оны сонгуулийнх нь мөрийн хөтөлбөртэй харьцуулан нягталж байна. Эхний удаад Монгол Ардын Намын хөтөлбөрийг авч үзэв. Тус нам 2020 онд эдийн засгийг төрөлжилт, тэр дундаа газар тариалан, хөдөө аж ахуйн салбарыг […]

О.Магнай, тусгай зөвшөөрлийг БАЙХГҮЙ БОЛГОНО гэсэн ч АН-ын мөрийн хөтөлбөрт ЦӨӨРҮҮЛНЭ гэжээ

УИХ-ын 28 дугаар тойрог буюу Сонгинохайрхан дүүрэгт АН-аас нэр дэвшиж буй О.Магнай дараах амлалтыг иргэдэд өгсөн бичлэгээ олон нийтийн сүлжээгээр цацжээ. Тэрбээр амлалтандаа “Би ялах юм бол энэ бүх дарамт шахалт бий болгож байгаа тусгай зөвшөөрлийг бүхэлд нь байхгүй болгонo. Та зургаадугаар сарын 25-ны өдрөөс эхэлж дэлгүүрээ нээхдээ хэнээс ч битгий зөвшөөрөл ав. Гуанзаа нээхдээ […]

Худал

СХД-ээс Чингэлтэй рүү 10 мянган “царцаа” ниссэн – ХУДАЛ

Удахгүй болон УИХ-ын сонгуулийн үйл явцад хяналт тавихаар АН-аас ажлын хэсэг байгуулсан бөгөөд тус Ажлын хэсгийн ахлагч, АН-ын дэд дарга Ж.Баярмаа “Дорноговь аймгаас сонгогдсон Б.Дэлгэрсайхан Сэлэнгийн Ерөө суманд байдаг компанийнхаа бүх ажилчдыг Дорноговь руу шилжүүлсэн. Дургүйцсэн хүмүүсийг нь айлгаж дарамталсан. Мөн Сонгинохайрхан дээс Чингэлтэй 10-аад мянган хүнийг автоматаар шилжүүлсэн. Энэ нь мөн л УИХ-ын гишүүн, […]

Худал

Б.Жаргалсайханы хэлсэн “хүүхэд залуучууд бүгд ажилгүй” гэдэг ХУДАЛ

2020 оны УИХ-ын сонгуулийн сурталчилгаа дуусахад цөөн хоног үлдээд байна. Factcheck.mn сайт нэр дэвшигчид болон намуудын сонгогчдод ярьсан зүйлээс нягтлан хүргэж байгаа билээ. Бид энэ удаад Бүгд найрамдах намын дарга, энэ удаагийн сонгуульд ШИНЭ-ээс өрсөлдөж буй Б.Жаргалсайхан тус эвслийн нэр дэвшигчдийн уулзалтын үеэр хэлсэн үгийг нягталж шалгалаа. Тэрбээр Сүхбаатар дүүрэг буюу 24-р тойрогт ШИНЭ эвслээс […]

Өөр мэдээ олдсонгүй.