Ким Жон Ун нас барсан гэх зураг хуурамч

Р. Адъяасүрэн
2020-04-24

Умард Солонгосын удирдагч Ким Жон Ун нас барсан гэх зураг цахим орчинд тараад байна. Гэвч энэ зураг нь өнөөдрийн зураг биш. Өөрөөр хэлбэл түүнийг нас барсан гэдгийг нотлох зураг биш юм.

Уг зурагт “Шуурхай мэдээ Ким 1-р нарийн бичгийн дарга нас барлаа” хэмээн японоор бичсэн бөгөөд тухайн зургийн доод хэсэгт JNN news хэмээн эх сурвалж дурджээ.

Ким Жон Ун цагаан дэр дэрлэж, улаан нөмрөг нөмөрсөн уг зургийг нягталтал 2017 оны 10 сарын 9-ний өдөр анх цахим орчинд нийтэлжээ.

Анх manbou_FX твиттер хаягаар тавьсан уг зургийг өчигдөр цахим орчинд дахин татан гаргаж ирж, түүнийг нас барсан гэх мэдээллийг цацаж эхэлсэн байна.

Энэхүү зураг нь 2011 онд Ким Жон Илийг эцсийн замд нь үдэх ёслолын ажиллагааны үеэрх зургийг эвлүүлэн тавьсан байж болзошгүй харагдаж байгаа юм.

Уг зурагт эх сурвалжаар тавьсан JNN news буюу Japanese news network Японы арилжааны телевизүүдийн холбооноос одоогийн байдлаар Умард Солонгосын удирдагчийн нас барсан талаарх мэдээллийг гаргаагүй байгаа юм.

Ким Жон Ун энэ сарын 12-ноос хойш олон нийтийн өмнө гарч ирээгүй, олон нийтийн арга хэмжээнд оролцоогүй нь түүнийг нас барсан байж болзошгүй гэх хардлагыг төрүүлж буй. Мөн хүнд мэс засалд орсон гэх мэдээлэл гараад байсан нь үүнийг үнэн байх магадлалтай гэсэн итгэлийг нэмээд байсан. Харин АНУ-ын Ерөнхийлөгч Ким Жон Уны нас барсан гэх мэдээллийг үгүйсгэсэн юм.

Мэдээллийг нягталсан: Fact Check Mongolia

Р.Адъяасүрэн GoGo.mn

Төстэй мэдээлэл

Ташаа

Вакцин хийлгэсэн хүмүүс хорт хавдар, харвалт болж байна-ТАШАА

Товч агуулга Аль ч вакцин хүний ДНХ-тэй харилцан үйлчлэлд орж, ямар нэгэн өөрчлөлт үзүүлэх боломжгүй. Тийм учраас хавдар үүсгэж чадахгүй. КОВИД-19-ийн эсрэг вакцин биш, харин коронавирусийн халдвар нь үрэвсэл болон цусны бүлэгнэл бөгөөд зүрхний шигдээсээс эхлээд цус харвалт, эрхтнүүдийг гэмтээх хүртэл хүндрэл үүсгэдэг. Эх Оронч Бүсгүйчүүд гэх фэйсбүүк хэрэглэгч 2022.09.10-ны өдөр “Вакцин хийлгүүлсэн хүмүүс цусаа […]

Худал

С.Одонтуяа: Хоёр эхнэртэй болох асуудлаар дахин санал оруулах хэрэгтэй – ХУДАЛ

Фэйсбүүкт Anna Sue гэх хаягнаас “С.Одонтуяа: Хоёр эхнэртэй болох асуудалаар дахин санал оруулах хэрэгтэй. Учир нь??” гэх гарчигтай мэдээг шэйрлэжээ. Уг мэдээлэлд 96 хүн хариу үйлдэл үзүүлж, 11 хүн хуваалцаж, 45 хүн сэтгэгдэл бичжээ. Уг мэдээнд “Гэр бүлийн тухай хуулийн 4.2.2.Монгол Улсад эрэгтэй хүн хууль ёсны нэг эхнэр эмэгтэй хүн хууль ёсны нэг нөхөртэй байна […]

Худал

Дэлхийн улсууд вакцинаа зогсоосон – ХУДАЛ

Дэлхийн улс орнууд вакцинаа зогсоож эхэлсэн гэсэн пост сүүлийн үед цахим орчинд гараад байна. Тухайлбал, Sanjaajamts Chimgee гэх фэйсбүүк хэрэглэгч 2021.01.25-нд “ХУУРАМЧ ТАХАЛ ГЕНОЦИТ НЬ ИЛЧЛЭГДЭЖ ДЭЛХИЙН УЛС ОРНУУД ВАКЦИНАА ЗОГСООЖ БХАД МОНГОЛЧУУД МУТАЦЫН ҮЛГЭРТ НЬ ИТГЭЖ ХОРОО ШАХУУЛЖ БДАГ АРАГГҮЙ МУНХАГ АЙМХАЙ ХУВИА ХИЧЭЭГЧ АРД ТҮМЭН ЮМАА” гэсэн пост оруулсныг 110 хүн шэйрэлжээ. Энэ […]

FactCheck: КОВИД-19 дотоодод 2020.11.10-наас өмнө тарсан байжээ

Дэлхий нийтийн цар тахал Коронавируст өвчин-19 (COVID-19)-ийг үүсгэгч

УИХ-ын 5 удаагийн сонгуулийн өмнө мөнгө тараажээ

Товч агуулга: “Эрдэнэс Тавантолгой” ХК-ийн хувьцааны ногдол ашиг болгож, иргэн бүрд 116,000 орчим төгрөгийн Цагаан сараас өмнө бэлнээр олгохоор төлөвлөж байгаа талаар тус компанийн Бүрэн эрхт төлөөлөгч Ж.Ганбат УИХ-ын чуулганы үеэр мэдээлэв. Энэ нь тус компанийн 2022 оны ногдол ашиг ажээ. 2024 оны УИХ-ын сонгууль дөхөж байгаа энэ үед “Эрдэнэс Тавантолгой” компаниас иргэддээ ийнхүү ээлжит […]

Худал

Монголд АстраЗенека вакциныг түр хойшлууллаа – ХУДАЛ

Монгол Улс шинэ коронавирусээс урьдчилан сэргийлэх дархлаажуулалтад АстраЗенека вакциныг ашиглахыг түр хугацаагаар хойшлуулсан талаарх мэдээллийг цахим орчинд түгээж эхэллээ. Дани, Норвеги, Исланд улс Оксфордын их сургууль болон Англи-Шведийн “АстраЗенека” компанийн хамтран боловсруулсан вакцины хэрэглээг түр зогсоож, уг вакцин цусны бүлэгнэл үүсгэж байгаа эсэхийг судлахаар болсон талаарх мэдээллийг өнөөдөр өглөө ВВС мэдээлсэн. Уг мэдээлэлтэй холбоотойгоор манай […]

Өөр мэдээ олдсонгүй.