Ерөнхийлөгч Трампын “Коронавирусийг минийх шиг устгаж буй биеийг эмч нар хараагүй гэж хэлсэн” жиргээ үнэн үү?

АНУ-ын Ерөнхийлөгч Доналд Трамп “Коронавирусийг над шиг устгаж байгаа биеийг эмч нар хараагүй гэж хэлсэн. Тэд миний ДНК-д шинжилгээ хийсэн. Тэгээд “Энэ бол ДНК биш, Энэ бол АНУ. Хэрэв Жо Байден коронавирусийн халдвар авсан бол үхчихсэн байх байсан” гэж эмч нар хэлсэн” гэсэн агуулгатай жиргээний скрийн шот олон нийтийн сүлжээгээр тараад буй.

Тэгвэл Доналд Трамп ингэж жиргээгүй болохыг Reuters нягталжээ. Устгасан жиргээг нягталдаг Politwoops-ээр шалгахад Доналд Трамп тийм зүйл жиргээгүй бөгөөд уг жиргээний зураг, эшлэл аль нь сайтаас олдоогүй байна.

Харин Трамп биеийн байдал нь сайн байгаа бөгөөд Walter Reed Үндэсний цэргийн төв эмнэлгээс гарч байгаагаа аравдугаар сарын 5-нд жиргэжээ. Түүнчлэн иргэдийг вирусийн халдвараас айх хэрэггүйг сануулсан байна.

Трамп хурдан эдгэсэн талаараа сайрхаж байсан нь үнэн ч биеийн байдлынхаа талаар түүний хийсэн бусад 6 бичлэгт дээрх агуулга байгаагүй.

Тодруулбал,

  • аравдугаар сарын 2-нд тэрбээр Цэргийн төв эмнэлэг рүү хүргэгдэж байхдаа “маш сайн байна”
  • аравдугаар сарын 4-нд тэрээр эмч нарынхаа талаар “гайхалтай”
  • аравдугаар сарын 5-нд эмнэлгээс гарсныхаа дараа өөрийгөө “агуу” хэмээн мэдэрдэг тухайгаа ярьж, “Би хамаагүй дээр байна. 20 жилийн өмнөхөөс ч илүү дээр байсан”
  • аравдугаар сарын 7-нд тэрбээр Walter Reed рүү явах шаардлагагүй хэлээд вирусийн эсрэг Regeneron-ий эмчилгээ түүнийг хурдан сайжруулж байгааг тэмдэглэв.
  • аравдугаар сарын 8-ны өдөр өөр нэг видеогоороо Regeneron-ийн эсрэг биеийн коктейлийг дэмжиж байгаагаа дахин хэлэв.

Ашигласан эх сурвалжууд: 

  • Ройтерс агентлаг
  • Politwoops
  • Доналд Трампын албан ёсны твиттер хаяг

Нягталсан: Р.Оюунцэцэг (ikon.mn)

Төстэй мэдээлэл

УИХ-ын гишүүн, Шударга иргэдийн нэгдсэн намын дарга, ШИНЭ эвслийн тэргүүн Ж.Батзандан өнгөрсөн тавдугаар сарын 25-ны өдрийн 11:00 цагт Төрийн ордонд хийсэн хэвлэлийн хурлын үеэрээ Үндсэн хуульд орсон нэмэлт, өөрчлөлтийн заримыг нь өөрийн намын санаачилга мэтээр ярив. Тодруулбал, энэхүү хурлын үеэр тэрбээр Үндсэн хуульд оруулсан 30 гаруй нэмэлт, өөрчлөлтийн 4-5 нь ШИНЭ намын санаачилгаар орсон нэмэлт […]

Товч агуулга Тимеросал хэмээх нэгдэл нь мөнгөн усны агуулгатай бөгөөд аюултай бактери, мөөгөнцар үржихээс сэргийлэх үүрэгтэй. Томуугийн вакцины найрлагад багтдаг этилмеркури нь байгаль дээрх мөнгөн усны төрөл болох метилмеркуригээс ялгаатай бөгөөд хүний биед хөр нөлөөгүй аж. ДЭМБ-ын статистикаар вакцины тусламжтайгаар жил бүр 2-3 сая хүний амийг аварч байна. Handaa Byamba гэх фэйсбүүк хэрэглэгч 2022.12.19-нд “Б.акцины […]

Д Алтангэрэл хэмээх твиттер хаягаас нэгэн зураг нийтэлжээ. Тайлбар нь “Зураг дээр Монгол Улсын гурван Ерөнхийлөгч Оюутолгойн ордыг баялгийн хамт эзэмшигч Роберт Фридландтай хундага тулгаж байгаа байдал. Өлсгөлөн гөлөг шиг харцтай энэ этгээдүүд Монголчуудын асар их баялгийг гадныханд найр тавьж өгөхдөө санаа нь зовсон болов уу” гэжээ. Энэхүү мэдээллийг нягталж өгөх хүсэлт ирсний дагуу бид […]

Нийслэлийн удирдах ажилтны шуурхай зөвлөгөөн өнөөдөр 08:00 цагт товлогдож, өвөлжилтийн бэлтгэл ажлын талаар хэлэлцэх төлөвлөгөөтэй байв. Гэвч хурлын ирц хангалтгүй, маш олон газар, хөтөлбөрийн дарга ирээгүй тул хотын даргын үүрэг гүйцэтгэгч Ж.Батбаясгалан тэднийг чөлөөлж, хариуцлага тооцох талаар мэдэгдсэн юм. Тэрбээр: Авто замын газар Аялал жуулалчлалын газар Боловсролын газрын дарга Газрын албаны дарга Орон сууцны, дэд […]

Вакциныг албадан хийж байгаа гэж үзэж буй иргэд Нюрнбергийн шүүхэд хандах эрхтэй хэмээх пост цахим орчинд тархаад буй. Тухайлбал, Khulan Ruchira хэмээх фэйсбүүк хэрэглэгч “Вакциныг албадан хийж байгаа ЭМЯ, ДЭМБ-ыг олон улсын Нюрнбергийн дайны шүүхээр “хомроголон устгах гэмт хэрэг хийж байна” гэж одоо шүүж эхэлсэн тул та 2-дах тунгаа тариулах хэрэггүй, харин өөрийн гомдлоо интернетээр […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх