Товч агуулга
- Украиныг бүрэн ялах хүртэл энэ дэлхийн хаана ч байсан оросуудыг устгасаар байх болно гэснийг нь орос үндэстнийг дуусах хүртэл авлан устгана гэсэн утгатайгаар нийлж, гуйвуулжээ.
- Ингэж хоёр удаа мэдэгдэл хийсэн гэж пост дээр бичсэн нь мөн төөрөгдүүлсэн ташаа мэдээлэл байна.
хоёр дахь удаагаа ийм мэдэгдэл хийж байна гэсэн боловч өмнөх мэдэгдэл нь ОХУ-аас Киев рүү хийсэн удаа дараагийн пуужингийн дайралтын талаар 2023.05. 29-нд өшөө авах болно гэдгээ мэдэгдсэн
Ч. Пүрэвсүрэн нэртэй фэйсбүүк хэрэглэгч Украины Тагнуулын төв газрын даргатай холбоотой мэдээллийг оруулжээ.
Уг мэдээлэлд “Украйны Тагнуулын Төв Газрын дарга Кирилл Буданов гэгч энэ төрийн том эрх мэдэл бүхий этгээд « бид дэлхийн бүх орнуудаар явж орос үндэстэн сүүлчийн хүнийг дуустал тэднийг авлан устгасаар байх болно. Энэ бол манай төрийн гол зорилго» гэж 2 дахь удаагаа мэдэгдсэн нь өнгөрсөн 7 хоногийн том сенсац байлаа. Оросууд энэ украйны төрийн эрх мэдэлтэний энэ нацист фашист уриа, мэдэгдэлийг НҮБ-д болон бас украйны барууны эзэд нь яаж хүлээж авч зөвтгөх, шүүмжлэх ямар нэг хариу өгөхийг шаардав. Барууныхан таг дуугүй, мэдээгүй юм шиг хэд хоноод саяханаас нэг буруутгасан ганц хоер сулхаан жижиг мэдэгдэл гаргаад өнгөрөв. Манай либериалууд хамгаалаад байдаг украйны нацист засгийн, армийн үнэн төрхийг номер нэг фашист Буданов шууд ил гаргачихлаа ингээд. Оросууд орос үндэстэнээ устахаас хамгаалах Эх орны дайн хийж байгаа шүү. Украйны өмнөх, болон одоогийн Еөк, НАТО-гийн удирдлагууд ч удаа дараа «бидний зорилго бол Орос орныг бүр мөсөн устгаж, газарзүйн картнаас арчиж хаях явдал, тэр үед л бидний ялалт болно.» гэж удаа дараа мэдэгдээд байгааг мэдээгүй сонсоогүй юу тээ?!” гэсэн байна.
Энэ мэдээллийг нягтлах хүсэлт ирсний дагуу нягталлаа.
Factcheck:
Украины Цэргийн тагнуулын газрын дарга Кирило Будановын хэлсэн үг бүхий нийтлэлийг 2023.05.05-ны өдөр Yahoo News нийтэлжээ. Уг мэдээллийн гарчиг нь “Украины цэргийн тагнуулын дарга “Бид оросуудыг алсаар байх болно” хэмээн амлав” гэсэн байх бөгөөд дайны нөхцөл байдлын талаар Киев хотоос бэлтгэжээ. Энэхүү нийтлэлд Буданов ОХУ-ын нэрт үндсэрхэг үзэлтний охин Дарья Дугинагийн үхлийн талаар байр сууриа илэрхийлэх үеэрээ “Тэр сэдвээ битгий үргэлжлүүлээрэй. Миний хэлэх зүйл бил бид оросуудыг алсан бөгөөд Украиныг бүрэн ялах хүртэл энэ дэлхийн хаана ч байсан оросуудыг устгасаар байх болно” гэж The New York Times-т ярьсныг эшлэсэн байна.
Өөрөөр хэлбэл, дайн дуусах хүртэл гэсэн энэ утга санааг орос үндэстнийг дуусах хүртэл авлан устгана гэсэн утгатай болгон дээрх постод орчуулжээ.
Ч. Пүрэвсүрэн гэх хаягтай фэйсбүүк хэрэглэгч үүнийг хоёр дахь удаагаа ийм мэдэгдэл хийж байна гэсэн боловч өмнөх мэдэгдэл нь ОХУ-аас Киев рүү хийсэн удаа дараагийн пуужингийн дайралтын талаар 2023.05. 29-нд өшөө авах болно гэдгээ мэдэгдсэнийг BBC мэдээлсэн байна.
Мөн уг нийтлэлд Украины ерөнхийлөгч Володимир Финландад айлчлах үеэрээ “Бид Путин эсвэл Москва руу дайрдаггүй. Бид нутаг дэвсгэр дээрээ тулалдаж байна. Бид тосгон, хотуудаа хамгаалж байна” гэснийг ч мөн дурджээ.
Иймд дээрх пост дахь мэдээлэл үндсэн агуулгыг гуйвуулж, олон нийтийг ТӨӨРӨГДҮҮЛСЭН байна.
Аливаа мэдээллийг шэйрлэхдээ агуулгыг нь нягталж, баттай эх сурвалжаас мэдээлэл авч байхыг Factcheck.mn сануулсаар байна.
