Путин Ши-д сөгдсөн зураг хуурамч

@batdorj911 гэх твиттер хэрэглэгч 2023.03.20-нд “Путин Ши д сөгдөж байна. Араггүй сүүлийн найдвар нь юм …” гээд доорх зургийг жиргэжээ.

Уг жиргээг 100 хүн шэйрлэж, 175 хүн лайк дарж, 24 хүн коммент бичсэнээс цөөнгүй нь итгэсэн утгатай байна.

Зургийг бодит эсэхийг шалгалаа.

Factcheck:

Тухайн зургийг Google-ээр хайхад олдохгүй байна. Дайн эхэлснээс БНХАУ-ын төрийн тэргүүн ОХУ-д анх удаа айлчилж байгаа нь дэлхий нийтийн анхаарлын төвд ороод буй үйл явдал юм. Иймд олон улсын хэвлэл мэдээллийн агентлагууд тус үйл явдлыг хүргэж байгаа ч ийм зургийн илэрц олдохгүй байна.

Yandex ашиглан хайхад мөн уг зургийн илэрц гарч ирэхгүй байв.

Харин Tineye сайтыг ашиглан хайхад уг зургийн талаар мэдээлэл гарч ирж байна. Тодруулбал, зураг, видео, меме зэрэг контент шэйрэлдэг интернэт талбар болох imgur.com сайтад 2023.03.20-нд тавигджээ.

MrMithrandirG гэх хэрэглэгч тус зургийг оруулсан бөгөөд тэрбээр хошин болон янз бүрийн агуулгатай эвлүүлэг болон AI зургууд нийтэлдэг юм байна.

Уг зургийг @GlasnostGone гэх жиргээч 21-ний өдөр жиргээнд эхэлж оруулжээ.

Сүүлийн үед AI технологи ашиглан текстийг зураг болгодог Fotor, NightCafe, Dream by WOMBO, DALL-E 2, Midjourney гэхчлэн олон янзын хэрэгсэл бий болсон. Үүнтэй зэрэгцээд ийм зургийг таних зорилготой GAN detector болон код ашиглах хэрэгслүүд бий болсон ч бүрэн танихад хэцүү болохыг тайлбарлажээ.

ОХУ Украин улс руу цэргийн хүчээр түрэмгийлж, дайн эхлүүлээд жил гаруй хугацаа өнгөрч байна. Үүнтэй зэрэгцээд мэдээллийн дайн цахим орчинд эрчимтэй өрнөсөөр байгаа билээ. Дайн эхэлснээс хойш БНХАУ-ын төрийн тэргүүн Ши Жинь Пин ОХУ-д анх удаа айлчилж байгаа энэ үед дээрх зураг нь олон нийтийг багагүй төөрөгдүүлсэн байна.

Иймд аливаа мэдээллийг үргэлж нягталж байхыг Factcheck.mn сануулсаар байгаа билээ.

Эх сурвалжууд:

https://imgur.com/user/MrMithrandirG

https://www.fotor.com/blog/best-ai-image-generators/

Төстэй мэдээлэл

Дахин нийтлэв… Товч агуулга: ОХУ-ын эхлүүлсэн дайнтай зэрэгцээд тус улсын суртал ухуулга цахим орчныг дамжин дэлхийн нийтийг хэрж байгаа билээ. Монгол Улсын хувьд Оросын хуурамч мэдээлэл, пропаганда цахим орчинд мөн идэвхтэй явсныг Эрэн Сурвалжлах Сурвалжлагчдын Төлөө Төв(MCIR)-ийн хийсэн мониторингийн судалгаа харуулав. Анх 2022 оны гуравдугаар сард ОХУ Украин руу дайн хийсний дараа MCIR цахим орчин […]

Товч агуулга Bayarsaikhan Tse нэртэй фэйсбүүк хэрэглэгч “АНУ-ын ерөнхийлөгчийн сонгуульд нэр дэвшигч Роберт Кеннеди бага: Биднийг Украинд хүмүүнлэгийн зорилгоор ирсэн гэсэн үлгэр ярьж байгаа ч засгийн газрыг нь унагаж, оросуудыг л сулруулах зорилготой байсан. Украины ард түмэн геополитикийн зорилгоос шалтгаалж хоёр их гүрний хооронд болж буй дайны золиос боллоо. Дайны шалтгаан, бидний хариу үйлдэл бол […]

Товч агуулга Номын багш нэртэй фэйсбүүк хэрэглэгч “Украйнчуудын 93 хувь нь “Дайнаа үргэлжлүүлэх ёстой, ялна” гэсэн санал өгчээ. Харин Орост “Украйны газар хэрэггүй” хөдөлгөөн өрнөв” гэсэн мэдээллийг нийтэлжээ. Уг мэдээллийг нягтлах хүсэлт ирсний дагуу шалгалаа. Factcheck: Украйнчуудын 93 хувь нь “Дайнаа үргэлжлүүлэх ёстой, ялна” гэсэн санал өгчээ 2023 оны гуравдугаар сарын 31-ний өдөр Разумков центр […]

Товч агуулга Bolormaa Natsagdorj гэх фэйсбүүк хэрэглэгчийн “Нэг их Украйнд санаа зовсон хүмүүс. Цаад учир шалтгааныг хэдэн хүн мэдэх юм бол? Энэ улс хүний наймааны гол улс болсонд бгаа юм. Шулуухан хэлэхэд түүнийг цэвэрлэх гэж бгааг олон сувгаас уншлаа!!! Нато Орос асуудалгүй. Жилд дэлхийд 20 сая хүн алга болдог, түүний 50% нь хүүхэд!!!” гэсэн постыг […]

Товч агуулга: ОХУ-ын эхлүүлсэн дайнтай зэрэгцээд тус улсын суртал ухуулга цахим орчныг дамжин дэлхийн нийтийг хэрж байгаа билээ. Монгол Улсын хувьд Оросын хуурамч мэдээлэл, пропаганда цахим орчинд мөн идэвхтэй явсныг Эрэн Сурвалжлах Сурвалжлагчдын Төлөө Төв(MCIR)-ийн хийсэн мониторингийн судалгаа харуулав. Анх 2022 оны гуравдугаар сард ОХУ Украин руу дайн хийсний дараа MCIR цахим орчин болон мэдээллийн […]

Дахин нийтлэв… 2022.09.20. Батожабын амьдралыг орвонгоор нь эргүүлсэн шийдвэрийг Оросын Засгийн газраас гаргав. Энэ бол Украинтай хийж байгаа дайнтай холбоотойгоор цэргийн дэглэм тогтоож, орон даяар дайчилгаа явуулах шинэ дүрэм журам хэрэгжиж эхлэх гэж буй тухай байсан юм.  2022.09.21-ний 09:00 буюу Монголынхоор 14:00 цагт ОХУ-ын Ерөнхийлөгч Владимир Путин орон даяар цэргийн хагас дайчилгаа зарлаж, зарлигт гарын […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх