Д.Сумъяабазар: Согтууруулах ундаа борлуулахыг зөвшөөрсөн – ХУДАЛ

Өнөөдөр өглөө буюу 2022 оны 2-р сарын 1-ний 09:25 цагт твиттер хуудаст Д.Сумъяабазар (@ 118_Mugi) гэх хаягаас “Өглөөний мэнд. Сар шинийн баяр болж байгаа тул өнөөдөр дэлгүүр үйлчилгээний төвүүд бүх газраар архи согтууруулах ундаа худалдан борлуулах зөвшөөрөл өгсөн байгаа болно. Та бүхэн сар шинэдээ сайхан шинэлээрэй!” гэсэн жиргээг оруулжээ.

Уг жиргээ нь хотын дарга Д.Сумъяабазарын хаяг биш бөгөөд ийм шийдвэр гаргаагүй болохыг хэвлэлийн төлөөлөгч нь мэдээлсэн боловч, тус жиргээг үнэн хэмээн хүлээн авах иргэд байсаар байгаа юм.

Иргэд төдийгүй худалдаа эрхлэгчид хүртэл энэхүү жиргээг худал үнэнг эс ялган, шийдвэр өөрчлөгдсөн эсэхийг ч лавлажээ.

2009 онд НИТХ-аас сар бүрийн эхний өдөр архи, согтууруулах ундаа худалдан борлуулах, түүгээр үйлчлэхийг хориглосон шийдвэр гарсан. Энэ дагуу өнөөдөр 2022 оны 2-р сарын 1-ний өдөр тул согтууруулах ундаа, худалдан борлуулж болохгүй. Гэвч өнөөдөр үхэр жилийн сүүлийн өдөр буюу битүүний өдөр таарч байгаа тул дээрх жиргээг нөхцөл байдалтай холбогдуулан өөрчилсөн шийдвэр гэж хүлээн авах хүмүүс байгаа юм.

Тэгвэл албан тушаалтны нэрээр гаргаж буй мэдээллийг үнэн эсвэл худал эмээн хүлээн авахаас урьтаж дараах мэдээллийг шалгах нь зүйтэй.

Нийгмийн сүлжээнд өөрийн хаягийн нэрийг өөрчлөх боломжтой байдаг ч ард нь байгаа үндсэн үүсгэсэн нэрийг өөрчлөх боломжгүй. Тухайлбал, өнөөдрийн жиргээд Д.Сумъяабазар гэх нэр зургаар жиргэсэн боловч, үүсгэсэн нэр нь 118_mugi гэх хаяг байгаа юм.

Хоёрдугаарт хотын дарга, УИХ, Засгийн газрын гишүүн зэрэг албан тушаалтнуудын дийлэнх нь албан ёсны хаягтай байдаг. Үүнийг нийгмийн сүлжээнд цэнхэр, зөв тэмдгээр тэмдэглэсэн байдаг. Аливаа мэдээллийг үнэн гэж итгэхээсээ өмнө тухайн хаягийн нэр, хэзээ үүсгэсэн болон өмнө нь ямар мэдээлэл оруулж байсныг нь нягталж байхыг зөвлөе.

Өнөөдөр өглөө оруулсан уг жиргээ олон хүнд эргэлзээ төрүүлж, залруулга мэдээлэл гарч байгаа бөгөөд ийнхүү асуудал үүссэний дараа энэхүү жиргээг оруулсан хүн жиргээгээ устгасан байгаа юм.

Төстэй мэдээлэл

Tserenkhuu Ishtseden гэх фэйсбүүк хэрэглэгч 2023.01.07-нд буюу өнөөдөр “ШУУРХАЙ МЭДЭЭ. Блүүмбергийн мэдээгээр бол урд хөршид хоногт 5000 (албан) хүн нас барсан гэдэг худлаа хоногтоо 37-40сая хүн нас барж нийт нас барагсадын тоо 1тэрбумд дөхөж яваа болтой! ВСС төстэй мэдээ өгч” гэсэн пост оруулжээ. Түүний постыг 7 цагийн дотор 903 хүн шэйрлэж, 222 хүн шэйрлэсэн бөгөөд […]

Товч агуулга Zarig.mn сайтын албан ёсны фэйсбүүк хуудсаар 2024.10.10-ны өдөр “Эмчийн жоргүйгээр шприц, өвчин намдаах эм зэргийг авах боломжгүй болно” гэсэн мэдээлэл нийтэлжээ. Уг мэдээллийг 725 хүн шэйрэлж, 3К хариу үйлдэл, 1.4К коммент авсан байна. Энэхүү мэдээллийг нягталлаа. Factcheck: Эм, эмнэлгийн хэрэгслийн хяналт зохицуулалтын газрын даргын үүрэг гүйцэтгэгч Ш.Энхтуяа “Эмийн зохицуулалтад хуучнаасаа огцом өөрчлөгдсөн, шинээр […]

Монгол Улс Media фэйсбүүк группт “Д.Сумъяабазар: Иргэд ухамсартай байвал хөл хорьж, цагдахгүй” гэсэн мэдээг оруулжээ. Ингэхдээ “Ард түмэн ухамсаргүйдээ яасан юм бэ. Эцсийн эцэст улстөрчид л ард иргэдийг турхирч байгаагаас биш эгэл жирийн иргэд ар гэртээ байх нь байж, ажлаа хийх нь хийгээд мөрөөрөө л байна даг. Хотын дарга та багахан шиг даапална уу” гэсэн […]

“Эрдэмтэн Ханс Вернер Зин: Оюутолгойн гэрээ бол зууны ч биш, Мянганы шилдэг луйвар” гэсэн гарчигтай мэдээлэл Medee.mn мэдээллийн сайтад 2019 оны арваннэгдүгээр сарын 28-нд нийтлэгджээ. Жил гаруй өмнө нийтлэгдсэн энэхүү мэдээлэлд ““Оюутолгойн гэрээ бол Монголын ч биш, бүр дэлхийн түүхэнд гарсан, зууны ч биш Мянганы шилдэг луйвар” гэж дэлхийн эдийн засгийн томоохон мэргэжилтэн, Европын шилдэг […]

Вакцин хийлгэсэн хүмүүс вакцинд хамрагдаагүй хүмүүсээс илүүтэй омикроноор өвчилж байна гэсэн мэдээлэл янз бүрийн байдлаар олон нийтийн сүлжээнд ихээр тархсаар байгаа. Ялангуяа, mRNA вакцин хийлгэсэн хүмүүс халдвараар их өвчилж байна гэсэн постууд сошиал орчинд ихээр түгж байгааг нягталж өгөх хүсэлт уншигчаас ирсэн юм. Ийм агуулгатай пост Монголд ч цөөнгүй байгаа тул бид нягталлаа.  Омикрон хувилбар […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх