Фэйсбүүкт түгсэн хуурамч мэдээлэл
“Корона вирус уушгинд хүрэхээс өмнө хоолойд дөрөв хоног үлддэг бөгөөд энэ үед хүн ханиалгаж, хоолой өвддөг. Хэрэв тэр их хэмжээний ус ууж, бүлээн ус, давс эсвэл цагаан цуугаар угааж байвал вирусыг устгана. Энэ мэдээллийг хэн нэгэнд хадгалах боломжтой тул энэ мэдээллийг тараагаарай”
НЯЦААЛТ
Ковид-19 вирус нь хоолойд 4 хоног байдаг гэдэг нь батлагдаагүй. Харин амны хөндий хоолойг зайлснаар амьсгалын замын олон өвчнөөс сэргийлэх боломжтой хэдий ч Ковид-19-өөс хамгаалж байна гэсэн баттай судалгаа байхгүйг АУ-ы доктор О.Зэсэмдорж хэлсэн.
Давс болон хүнсний содатай уусмалаар ам болон хоолойг зайлснаар түүнд байгаа бичил биетэнг устгах, салстыг цэвэрхэн байлгах үйлчилгээтэй. Харин цагаан цуу нь хүчиллэг уусмал тул цагаан цууны уусмалыг буруу найруулж хэргэлэх юм бол салстыг түлж гэмтээх аюултай. Гэмтсэн салстаар өвчин үүсгэгч биед амархан нэвтрэх аюултай. Тиймээс дээрх мэдээлэлд итгэн цагаан цуугаар хоолойгоо зайлахгүй байхыг эмч мэргэжилтнүүд зөвлөв.
