Жон Ленноны Монгол дахь зургууд - ЭВЛҮҮЛЭГ

Жон Ленноны Монгол дахь зургууд – ЭВЛҮҮЛЭГ

Цолмонбаатар Тамир
2020-10-20

Билгүүн номч Бямбын Ринчен, Домогт “Битлз” хамтлагийн гишүүн асан, хөгжимчин, ая зохиогч Жон Леннон нарын зураг ойрын өдрүүдэд олон нийтийн сүлжээгээр түгээд буй.

Уг зургийг бид нягтлахад эвлүүлэг болох нь нотлогдлоо. Тодруулбал, Жон Ленноны уг зураг нь 1974 оны наймдугаар сарын 29-нд Нью-Йорк хотноо гэрэл зурагчин Боб Груэний авсан зураг ажээ. Боб Груэн энэ зургийн талаар “Энэ бол Леннон “Lost Weekend” цомгийнхоо ажлыг дуусгасны дараа, ням гарагийн үдэш байсан” хэмээн дурсжээ.

1974 оны 8 сарын 29, Нью-Йорк хот
Гэрэл зургийг Боб Груэн Caption

Харин дээрх эвлүүлгийн эх болох нэрт эрдэмтний сууж буй зургийн талаар Хэл зохиолын хүрээлэнгийн Хэл шинжлэлийн салбарын эрхлэгч, Б.Ринчений нэрэмжит шагналт, доктор Э.Пүрэвжаваас тодруулахад 1957, 1958 оны орчимд Хүрхрээ зусланд гэрийнхээ үүдэнд сууж буй зураг болохыг хэлсэн юм.

Төрийн соёрхолт, зохиолч академич, Б.Ренчин
Хүрхрээ зуслан дахь гэрийнхээ үүдэнд

Түүнчлэн “Зураг түүх өгүүлнэ. 1968.7.10-нд БНМАУ-ын АИХ-ын тэргүүлэгчдийн зарлигаар ИБУИНВУ-ын иргэн нөхөр Ж.Ленноныг империализмын эсрэг, энх тайвны төлөө үзлээр хүүхэд залуучуудыг хүмүүжүүлж, Ази-Номхон далайн бүс нутгийн тогтвортой байдлыг бэхжүүлэхэд үнэлж баршгүй хувь нэмэр оруулсан учир “Алтан гадас” одонгоор шагнасан байдаг. Тухайн үед мэдээлээгүй. Билгүүн номч Б.Ринчен, Ж.Леннон нарын Монголд хамт авахуулсан зураг ийм учиртай юм. Ер нь бол нэг будлиу тойрон хүрээлэгч Ж.Ленноныг хоёрын нууц хүүгийн ач хүү юм” гээд ойлгуулчихсанаас болсон гэж бас ярьдаг. Андуурснаа мэдээд нууцалсан ч гэх юм билээ” гэсэн тайлбартай бас нэг зураг тараад буй.

Тэгвэл уг зураг нь мөн эвлүүлэг байна. Тэрхүү гэрэл зургийн эх зураг нь 1969 оны арванхоёрдугаар сарын 23-ны өдөр Жон Леннон, Ёоко Оно нар Оттовагийн Парламентын ордонд Канадын Ерөнхий сайд Пьер Эллиот Трюдотой уулзах үеийг хальсанд буулгасан нь энэ аж.

Тиймээс эдгээр зураг нь олныг төөрөгдүүлсэх зорилгоор эвлүүлсэн ташаа мэдээлэл юм. Бид Гүүглийн зургийн хайлтын систем болон дээр дурдагдсан аман эх сурвалжуудыг ашиглан нягталж шалгалаа.

Ц.Тамир (MCIR)

Төстэй мэдээлэл

Төөрөгдүүлсэн

Украйнчуудын 93% нь “Дайнаа үргэлжлүүлэх ёстой, ялна” гэж санал өгчээ – ТӨӨРӨГДҮҮЛСЭН

Товч агуулга Номын багш нэртэй фэйсбүүк хэрэглэгч “Украйнчуудын 93 хувь нь “Дайнаа үргэлжлүүлэх ёстой, ялна” гэсэн санал өгчээ. Харин Орост “Украйны газар хэрэггүй” хөдөлгөөн өрнөв” гэсэн мэдээллийг нийтэлжээ. Уг мэдээллийг нягтлах хүсэлт ирсний дагуу шалгалаа. Factcheck: Украйнчуудын 93 хувь нь “Дайнаа үргэлжлүүлэх ёстой, ялна” гэсэн санал өгчээ 2023 оны гуравдугаар сарын 31-ний өдөр Разумков центр […]

Нотлогдоогүй

Сүүнд хушны самар хийж буцалгаад хүүхдүүддээ 3 орой дараалан өгвөл ханиад хүрэхгүй – НОТЛОГДООГҮЙ

“Ээж нараа хадгалаад аваарай!!! Аяга сүүнд хушны самар хийж буцалгаад хүүхдүүддээ 3 орой дараалан өгвөл ханиад хүрэхгүй…” гэсэн гарчигтай, gerbul.life хэмээн цахим хуудаст нийтлэгдсэн мэдээлэл 1.9 к хүнд хүрчээ. Тухайн мэдээлэлд “Улирал солигдож байгаа үед мөн хүүхдүүд олноор нэг дор цугларч байгаа энэ үед ямарч сайн дархлаатай хүүхэд нэг нэгнээсээ ханиадны вирус аваад байдаг. Яг […]

Ташаа

COVID-19 халдвараас сэргийлэх тухай олныг хамарсан ТАШАА ЗӨВЛӨГӨӨНҮҮД

Хуурамч мэдээлэлтэй тэмцэх Fact Check Mongolia санаачилгын үүсгэн байгуулагчдын

Нотлогдоогүй

“Хүмүүс гэнэт нас барсан нь КОВИД-ын вакцинаас болсон” – НОТЛОГДООГҮЙ

Товч агуулга Судалгааны үеэрх миокардит өвчний тохиолдлууд нь COVID-19 вакцинаас шалтгаалсан гэсэн баттай баримт, тодорхой нотолгоо байхгүй. Миокардитаар нас барсан гэж мэдээлсэн өвчтөнүүдийн уушгины болон судасны шинж тэмдгүүд нь зарим тохиолдолд атеросклероз, уушгины бөглөрөлтэй ижил шинж тэмдэгтэй байсан. Вакцин хийлгэснээс үүдэлтэй зүрхний эрсдэл нь COVID-19-ийн халдвар туссанаас бага байна. Цэнд-Аюуш Гүнбилиг гэх фэйсбүүк хэрэглэгч 2022.12.10-ны […]

Ташаа

Монголын бүх иргэд дансаар орсон мөнгөнөөсөө 1% татвар төлнө-ТАШАА

Р. Оюунцэцэг
2023-12-11

“Иргэн хувиараа бизнес эрхэлдэг та 2024.01.01 нээс АЛДАГДАЛТАЙ ажилласан ч та татвар төлнө, монголын бүх иргэд дансаар орсон мөнгөнөөсөө 1 хувийн татвар төлнө, чөлөөт цагаараа фитнест явж, хамт олноороо дуулах хоол идэх эргүй боллоо нийслэл хотын татвар 2 хувь болж нэмэгдлээ, одоо төлдөг төлбөрөө 2 дахин нэмж төлнө гэсэн үг үү……😪😪🫨🫨😦” гэсэн агуулгатай пост цахим […]

Худал