Ж.Батбаясгалан: Нийслэлчүүд утаанаасаа салсан бахдам амжилттайгаар 381 жилийн ойтойгоо золгож байна - ХУДАЛ

Ж.Батбаясгалан: Нийслэлчүүд утаанаасаа салсан бахдам амжилттайгаар 381 жилийн ойтойгоо золгож байна – ХУДАЛ

Цолмонбаатар Тамир
2020-10-29

Нийслэлийн ИТХ-ын тэргүүлэгч Ж.Батбаясгалан өнөөдөр тохиож буй Улаанбаатар хот үүсэж хөгжсөний түүхт 381 жилийн ойн мэндчилгээ дэвшүүлэхдээ “Түүнчлэн онцлон нэг зүйлийг тэмдэглэн хэлэхэд, Нийслэлчүүд бид өмнөө тулгамдсан хамгийн том асуудал болох утаанаасаа салсан бахдам амжилттайгаар 381 жилийн ойтойгоо золгож байна” хэмээн дурдсан юм.

Мэндчилгээнд дурдсан “УТААНААС САЛСАН БАХДАМ АМЖИЛТ” гэсэн үгс үнэхээр бодит байдалтай нийцэж байгаа эсэхийг бид нягталлаа.

Нийслэлийн агаарын чанарыг үзүүлдэг agaar.mn сайтаас харвал 17:00 цагийн байдлаар Улаанбаатар хотын агаарын чанарыг хэмждэг 12 цэгээс 10-т нь агаар “Бага бохирдолтой” хэмээн харагдаж байна. Харин айлууд ид гал түлдэг 21:00 цагаас хойш PM10, PM2 ширхэглэгт тоосонцрын хэмжээ өндөр байгааг тус сайтаас харж болно.

АНУ-ын ЭСЯ-наас мөн Улаанбаатар хотын агаарын чанарыг байнга хэмждэг болсон aqicn.org цахим хуудаст үзүүлснээр Амгалан, Бөхийн өргөө, Баруун дөрвөн зам гэсэн гурван цэгт агаар “Их бохирдолтой” буюу улаан өнгийг заасан байна. Сүүлийн таван өдөрт ялангуяа PM2.5 ширхэглэгт тоосонцрын хэмжээ маш өндөр байсныг дараах зураг харуулж байна.

Харин улс орнуудтай харьцуулсан агаарын чанарын үзүүлэлтээр манай улс дэлхийн улс орнуудаас дөрөвдүгээрт буюу хамгийн бохирдолтой орнуудын тоонд багтсан хэвээр байгааг тус цахим хуудсаас харж болно.

Улаанбаатар хот түүхий нүүрснээсээ салаагүй хэвээр болохыг өглөө, орой нийслэлийн иргэд биеэрээ мэдэрч байгаагаас гадна НМХГ-ын Агаарын чанарын хяналтын хэлтсийн Байгаль орчны хяналтын улсын байцаагч С.Төмөрбат “Эмээлтэд түүхий нүүрс хэрэглэж байсныг илрүүлж, 450 тонныг битүүмжлэн ₮13 саяар торгосон. Нийслэлд зарим ААН түүхий нүүрс хэрэглэж байгаа” хэмээн хэвлэлд ярьжээ.

Тиймээс нийслэлийн ИТХ-ын дарга Ж.Батбаясгалангийн “Нийслэлчүүд утаанаасаа салсан бахдам амжилттайгаар 381 жилийн ойтойгоо золгож байна” хэмээн хэлснийг үнэн гэж үзэхэд учир дутагдалтай ажээ. Өөрөөр хэлбэл Улаанбаатарчуудын толгойны өвчин болсон утаа нэг үеэ бодвол багассан боловч хараахан салаагүй байна. Нийслэлчүүд бид утаанаасаа салсан амжилтын эзэд болоогүй болохыг дотоод болон гадаадын чанарын хэмжилтүүд харуулж байна.

Нягталсан: Ц.Тамир (MCIR)

Төстэй мэдээлэл

Худал

Remdesivir эм COVID-19-ийг нэг өдрийн дотор эдгээсэн – ХУДАЛ

Remdesivir эм COVID-19-ийг нэг өдрийн дотор эдгээсэн талаар фэйсбүүкт @ChinbatM гэх хаягнаас пост оруулжээ. Уг постод “Вашингтонд нэг монгол хүндрээд түргэнд хандсан. Трампад өгсөн эм хэрэглэх үү, “классик” аргаар эмчлэх үү гэсэн. Трампын эмийг сонгосон. Маргааш нь зүв зүгээр болсон. Би өөрөө ковидтой байсан болохоор энэ тухай эмчээсээ асуусан. үнэн үү гэж. Remdisivir эмийг хэрэглээд […]

Худал

Монголд АстраЗенека вакциныг түр хойшлууллаа – ХУДАЛ

Монгол Улс шинэ коронавирусээс урьдчилан сэргийлэх дархлаажуулалтад АстраЗенека вакциныг ашиглахыг түр хугацаагаар хойшлуулсан талаарх мэдээллийг цахим орчинд түгээж эхэллээ. Дани, Норвеги, Исланд улс Оксфордын их сургууль болон Англи-Шведийн “АстраЗенека” компанийн хамтран боловсруулсан вакцины хэрэглээг түр зогсоож, уг вакцин цусны бүлэгнэл үүсгэж байгаа эсэхийг судлахаар болсон талаарх мэдээллийг өнөөдөр өглөө ВВС мэдээлсэн. Уг мэдээлэлтэй холбоотойгоор манай […]

Уул уурхайн нөхөн сэргээлтийн зардлыг хэрхэн бүрдүүлдэг вэ?

Уул уурхайн олборлолт олон арван жил үргэлжлээд дуусахад байгаль орчны нөхөн сэргээлтийг үр дүнтэй хийх нь орчин үеийн уул уурхайн салбарын чухал шаардлага болоод байна. Монгол Улсад өнөөдрийн байдлаар томоохон төслүүд, ялангуяа гуравдагч хөршийн хөрөнгө оруулалт бүхий нэг төсөл хэрэгжиж, өөр нэг төсөл эхлэх гэж байгаа. Үүнтэй холбоотойгоор Цөмийн энергийн тухай хуульд нэмэлт, өөрчлөлт оруулахаар […]

Factcheck: Газар доор уусган олборлох технологи ашигласан 50 жилд ундны ус бохирдуулсан тохиолдол нэг ч гараагүй

Товч агуулга Цөмийн энергийн тухай хуульд нэмэлт, өөрчлөлт оруулах тухай УИХ-аар хэлэлцэх үеэр уран олборлохтой холбоотой зарим мэдээлэл олон нийтийн дунд эргэлзээ төрүүлээд буй. Тухайлбал, уран олборлох нь бүс нутгийн ундны усны чанарт нөлөөлдөг тухай шүүмжлэл нийтийн дунд гараад байна. Энэ талаар бид нягталлаа. “Уран олборлолт нь бүс нутгийн газрын доорх усны чанар, нөөцөд сөргөөр […]

Автобусны худалдан авалтыг нууцад оруулсан, оруулаагүй

Цолмонбаатар Тамир
2023-09-30

Нийслэлийн нийтийн тээврийн парк шинэчлэлийн хүрээнд худалдан авсан эхний 80 автобус Улаанбаатар хотод ирсэн ч 30 жилийн өмнөх хуучин автобус байна гэсэн шүүмжлэл иргэдийн дунд гарсан. Энэ талаар НИТХ дахь ХҮН намын төлөөлөгчид автобуснуудыг 318 тэрбум төгрөгөөр төрийн нууцад оруулж байгаад авсан талаар мэдээлсэн. Үүнийг нийслэлийн Засаг дарга Д.Сумъяабазар хүлээн зөвшөөрсөн бол Улаанбаатар хотын авто […]

Ташаа

Монголын 10-15 насны 100 хүүхдийн 11 нь амиа хорлож байна – ТАШАА

НҮБ-ийн хүн амын сангийн Монгол дахь шадар суурин төлөөлөгч Л.Оюунаа “Монголын 10-15 насны 100 хүүхдийн 11 нь амиа хорлож байна. Энэ тоо бол Ази бүсдээ 5 дахин илүү үзүүлэлттэй байгаа” хэмээн МҮОНТВ-д өгсөн ярилцлагадаа дурджээ. Уг мэдээллийг нягталж өгөх хүсэлт уншигчаас ирсний дагуу нягталлаа. Factcheck: ДЭМБ, Эрүүл мэндийн хөгжлийн төв хамтран “Эрүүл мэндийн үзүүлэлт” сэдэвтэй […]

Өөр мэдээ олдсонгүй.