Боловсролын дэд сайд Д.Гантулга CNBC Mongolia телевизэд ярилцлага өгөх үеэрээ Бага ангийн хичээлийн тоог 11-ээс 6 болгоно” хэмээн ярьжээ.
Уг мэдээлэл “I ангийн 11 хичээлийг 6 болгож цөөрүүлнэ” гэсэн агуулгаар цахим сайтуудаар мөн тархаад байгаа ба нягталж өгөх хүсэлт ирсний дагуу нягталлаа.
Factcheck:
БШУЯ-ны Боловсрол мэдээллийн технологийн төвийн Сурах бичиг цэст байгаа сургалтын хөтөлбөрөөр бол нэгдүгээр ангид долоо, дөрөв, тавдугаар ангид найман хичээл байна.
Энэ талаар Боловсрол, шинжлэх ухааны яамны Ерөнхий боловсролын бодлого зохицуулалтын газраас тодруулахад Боловсрол шинжлэх ухааны сайдын А350 тушаалаар баталсан бага ангийн сургалтын төлөвлөгөөний дагуу 1-3 дугаар ангид долоон хичээл, дөрөвдүгээр ангид есөн хичээл, тавдугаар ангид 10 хичээл орж байгааг хэллээ.
Түүнчлэн бага ангийн багшаас тодруулахад долоон хичээл орж байгааг хэлсэн юм.
Тиймээс Боловсролын дэд сайд Д.Гантулга бага ангийн хөтөлбөрт байгаа хичээлийн тоо 11 хэмээн буруу ТАШАА мэдээллийг нийгэмд түгээжээ.
Эх сурвалж:
- БШУЯ
- Ерөнхий боловсролын сургууль
- Боловсрол мэдээллийн технологийн төв
- CNBC Mongolia
