Factcheck.mn сайт 2025 онд ашиглалтад орно хэмээн улстөрчид мэдээлж, нийгэмд хүлээлт үүсгэсэн байсан ажлууд дахин нэг оны босго давж байгааг эргэн сануулж байна.
Хамгийн анх 2013 онд Засгийн газрын тогтоолоор Тавантолгойн цахилгаан станц барих талаар ярьснаас хойш 13 дахь онтойгоо золгох гэж байна.
Эрчим хүчний сайд асан Ц.Даваасүрэн 2018 онд Засгийн газрыг төлөөлж “Оюу толгой” компанитай гэрээ байгуулан 300 МВт хүчин чадалтай станцыг барьж, 2023 онд ашиглалтад өгөх талаараа мэдээлж байсан.
Үүний дараа 2021 оны аравдугаар сард Засгийн газар хуралдаад тус станцын барилга угсралтын ажлын гүйцэтгэгчийг сонгон шалгаруулах тендерийг зохион байгуулахыг Эрчим хүчний сайдад даалгаж, 2025 онд 450 МВт хүчин чадалтай станц ашиглалтад орно гэж тухайн үеийн салбарын сайд Н.Тавинбэх мэдэгдэж байсан. Гэвч тендерийн маргаан гарсны улмаас ашиглалтад ороогүй өнөөдрийг хүрэв.
