Factcheck: Монгол Улс уран олборлолтоор ОХУ-тай хамтрах тухай

Товч агуулга

ОХУ-тай ураны хамтын ажиллагааны хэлэлцээр 2008 оноос сэргэж эхэлсэн.
ОХУ-ын “Росатом” корпорац Дорнод аймгийн ураны ордуудыг ашиглах зорилгоор “Дорнод Уран” хамтарсан компани байгуулахаар болсон.
“Росатом” компани Улаанбаатар хотод төлөөлөгчийн газраа байгуулжээ.

Аж үйлдвэр, эрдэс баялгийн яам стратегийн найман ордын талбайн хил заагийг тогтоох тухай тогтоолын төслийг боловсруулан, Засгийн газрын 2025.04.09-ний хуралдаанаар танилцуулсан бөгөөд үүнд Дорнодын ураны орд, Мардайн ураны орд, Гурванбулагийн ураны орд багтаад буй. Эдгээрээс Мардайн ордод оросууд Социализмын үеэс үйл ажиллагаа явуулж, 1998 он дуустал уран олборлож байсан гэдэг. Үүнтэй холбоотойгоор ОХУ-тай уран олборлолтын чиглэлээр Монгол Улстай хамтрах эсэх хэлэлцүүлэг цахим орчинд өрнөсөн.

Өнгөрсөн онд ОХУ-ын талаас Мардайн уурхайг түшиглэн бага оврын атомын цахилгаан станц барьж өгөх санал тавьж, идэвхтэй ажиллаж байгаа тухай УИХ-ын гишүүн Б.Пүрэвдорж хэлж байв.

2023 оны арванхоёрдугаар сард “Росатом” болон Монголын “Мон-Атом” компани Монгол Улсад бага оврын атомын цахилгаан станц барихаар санамж бичигт гарын үсэг зурсныг Тасс агентлаг мэдээлж байсан.

Тэгвэл ОХУ Монгол Улстай ураны салбарт ямар хамтын ажиллагаатай талаар нягталлаа.

Factcheck:

Монгол Улс ОХУ хооронд ураны салбарт хамтран ажиллах талаар хэд хэдэн хэлэлцээр байгуулсан бөгөөд эдгээр нь Монголын ураны ордуудыг ашиглах, боловсруулах, экспортлох тухай байжээ.

2008.04.11. Ураны хамтын ажиллагааны хэлэлцээр

Монгол Улсын Ерөнхий сайд С.Баяр Москвад айлчлах үеэр Монгол, Оросын Засгийн газар ураны хайгуул, олборлолт, боловсруулалтын чиглэлээр хамтран ажиллах хэлэлцээр байгуулж байжээ. Энэ хэлэлцээрийн хүрээнд Оросын мэргэжилтнүүд Монголд ураны хайгуул, олборлолт, боловсруулалтад оролцохоор болсон байна.

2009.02.17. Цөмийн хамтын ажиллагааны хэлэлцээр

ОХУ-ын “Росатом” корпорацийн орлогч захирал Николай Спасский, Монголын Цөмийн энергийн газрын дарга С.Энхбат нар ураны ордуудыг хамтран ашиглах хамтарсан компанийн талаар хэлэлцээр байгуулсан. Энэхүү хэлэлцээр нь цаашдын хамтын ажиллагааны суурь болсон.

Эдгээр хэлэлцээрүүд нь Монгол, Оросын ураны салбар дахь хамтын ажиллагааг өргөжүүлэх зорилготой байсан ч, зарим нь хэрэгжээгүй буюу удаашралтай байсан.

2009.08.25. “Дорнод Уран” хамтарсан компанийн хэлэлцээр

Монгол, Оросын Засгийн газар Дорнод аймгийн ураны ордуудыг ашиглах зорилгоор “Дорнод Уран” нэртэй хамтарсан компани байгуулахаар тохиролцсон байна. Энэхүү хэлэлцээрийн дагуу Монголын талаас “Мон-Атом” компани, Оросын талаас “Атомредметзолото” (АРМЗ) оролцсон бөгөөд төслийн хүрээнд жилд 2000 тонн уран олборлохоор төлөвлөж байжээ.

2010.12.14. Хамтарсан компанийн зарчмын хэлэлцээр

Монгол, Оросын Засгийн газар Дорнодын ураны ордыг ашиглах хамтарсан компанийн зарчмын хэлэлцээр байгуулав. Энэ хэлэлцээрийн дагуу “Дорнод Уран” компани байгуулагдаж, төслийн эхний хөрөнгө оруулалт 300 сая ам.доллар байхаар төлөвлөжээ. Жилд 2000 тонн уран олборлох хүчин чадалтай байхаар энэ үед тооцоолсон байна.

2010.12.24. ОХУ-ын Ерөнхийлөгчийн баталгаа

ОХУ-ын Ерөнхийлөгч Дмитрий Медведев Монголтой хамтран Дорнодын ураны ордыг ашиглах хамтарсан компанийн тухай хуулийг баталсан. Энэ нь “Дорнод Уран” компанийн үйл ажиллагааг албан ёсоор эхлүүлэх эрх зүйн үндэс болсон.

Гэвч өнөөдрийн өнөөдрийн байдлаар ОХУ-тай ураны салбарт хамтран ажиллаж байгаа төсөл байхгүй байна.

Энэ талаар “Мон Атом” компанийн гүйцэтгэх захирал Д.Далайжаргалаас тодруулахад

“ОХУ-ын зүгээс хуучин хамтарч ажиллаж байсан ураны төсөл дээрх үйл ажиллагаагаа сэргээх сонирхлоо илэрхийлж, хоёр улсын Засгийн газрын түвшинд сүүлийн жилүүдэд хэлэлцээд явж байгаа. Энэ асуудлыг тус улсын цөмийн энергийн “Росатом” компани хариуцаж байгаа бөгөөд өнгөрсөн онд төлөөлөгчийн газраа Улаанбаатар хотод байгуулсан. Одоогоор хайгуулын тусгай зөвшөөрөл авахаар Монгол Улсын хууль, дүрмийн дагуу компаниа байгуулахаар ажиллаж байгаа. Жижиг оврын атомын цахилгаан станцын тухайд тус улсаас байгуулж өгөх санал тавьсан. Одоогоор барихаар болсон зүйл байхгүй, мэдээлэл солилцоод ажиллаж байгаа” гэлээ.

Эх сурвалжууд:

Засгийг газар
Шинжлэх Ухааны Академи
“Мон Атом” компани
Тасс агентлаг

Төстэй мэдээлэл

Төөрөгдүүлсэн

Жирэмснээс хамгаалах эм жороор олгогддог болжээ-ТӨӨРӨГДҮҮЛСЭН

Товч агуулга Хишигдалай Амартүвшин гэх фэйсбүүк хэрэглэгч 2024.10.13-ныд өдөр “Жирэмснээс хамгаалах эм жороор олгогддог болжээ хө !” гэсэн пост оруулжээ. 924 хүн хариу үйлдлээ илэрхийлж, 245 хүн коммент бичин, 122 хүн шэйрэлсэн уг постыг нягталж өгөх хүсэлт ирсний дагуу нягталлаа. Factcheck: Эм, эмнэлгийн хэрэгслийн тухай хуулийн шинэчилсэн найруулга 2024 оны аравдугаар сарын 1-ний өдрөөс хэрэгжиж […]

Худал

Украины Буча хотод болсон халдлагын талаар Оросын тал ХУУРАМЧ МЭДЭЭЛЭЛ түгээжээ

Товч агуулга ОХУ-ын Батлан хамгаалах яам болон бусад өндөр албан тушаалтнууд Украины нутаг дэвсгэрээр дайран өнгөрч буй автомашины дүрс бичлэгт хоёр хүнийг үхсэн украинчуудын дүрд тоглуулан харуулсан байна. Тэд Telegram болон Twitter дээр энэ тухай мэдээлэхдээ нэг хүн гараа хөдөлгөж байхад нөгөө хүн машины толинд сууж байгаа дүрс бичлэгийг харуулсан гэж нийтийг төөрөгдүүлжээ. Энэ үеийн […]

“Дархан бэр” тэмдэг, үнэмлэх олгох журмын үндэслэл БУРУУ

admin
2022-01-07
Бусад

Өмнөговь аймгийн Цогтцэций сумын Иргэдийн төлөөлөгчдийн хурлын тэргүүлэгчдийн тогтоолоор 2021 оны 12-р сарын 30-ны өдөр “Дархан бэр” энгэрйн тэмдэг, үнэмлэх олгох журмыг баталсан. Журамтай холбоотой олон улсын болон дотоодын хууль тогтоомжоор баталгаажсан хүний эрхийн суурь зарчмыг зөрчсөн шийдвэр гэж үзэж буйгаа иргэд, иргэний нийгмийн байгууллагууд илэрхийлсэн юм. Мөн Хүний эрхийн үндэсний комиссоос энэхүү журмыг цуцлах […]

Худал

Хаан банк Засгийн газраас олгосон 300 мянган төгрөгийг зээлэнд суутгасан – ХУДАЛ

Монгол Улсын Засгийн газраас хатуу хөл хорио тогтоох болсонтой холбогдуулан иргэн бүрд 300 мянган төгрөгийн дэмжлэг үзүүлэх шийдвэрийг дөрөвдүгээр сарын 8-ны өдөр гаргасан. Улмаар энэ мөнгө иргэдийн дансанд шилжиж эхлээд байгаа юм. Иргэдийн халамж болон и-баримтад бүртгэлтэй дансаар шууд орж буй энэ мөнгөн дэмжлэгийг Хаан банк зээлэнд суутгасан талаарх мэдээлэл цахим орчинд таржээ. Тодруулбал “Tanii […]

Худал

Эмчийн жоргүйгээр шприц, өвчин намдаах эм зэргийг авах боломжгүй болно-ХУДАЛ

Товч агуулга Zarig.mn сайтын албан ёсны фэйсбүүк хуудсаар 2024.10.10-ны өдөр “Эмчийн жоргүйгээр шприц, өвчин намдаах эм зэргийг авах боломжгүй болно” гэсэн мэдээлэл нийтэлжээ. Уг мэдээллийг 725 хүн шэйрэлж, 3К хариу үйлдэл, 1.4К коммент авсан байна. Энэхүү мэдээллийг нягталлаа. Factcheck: Эм, эмнэлгийн хэрэгслийн хяналт зохицуулалтын газрын даргын үүрэг гүйцэтгэгч Ш.Энхтуяа “Эмийн зохицуулалтад хуучнаасаа огцом өөрчлөгдсөн, шинээр […]

Худал

УИХ-ын гишүүн С.Ганбаатарын ураны талаар хэлсэн мэдээлэл ТӨӨРӨГДҮҮЛСЭН

УИХ-ын гишүүн С.Ганбаатар иргэдтэй уулзах үеэрээ уран олборлолтын талаар “Ураныг боль гэж хэлэхээс илүү энэ аюултай, уран газрын хэвлий рүү хор шахахад дараа нь тэндээс үүл босоод ууршаад, тэр үүл нь нүүж ирээд энд буухад энд байгаа ургамлуудыг бүгдийг нь байхгүй болгох уу гэдгийг судалгаагаар гаргаж ир. Үгүй гэвэл баталгаагаа өг. Уран, янз бүрийн улс […]

Өөр мэдээ олдсонгүй.