Томуугийн вакцины талаарх 5 худал мэдээлэл

Монгол Улс 1-5 насны хүүхдүүд, жирэмсэн эхчүүд,  65-аас дээш насны, архаг хууч өвчтэй иргэдээ  вакцинд хамруулж байгаа. Гэвч томуугийн вакцины талаарх ташаа мэдээлэл олон нийтийн сүлжээгээр тархсаар байгаа юм.

Иймд нийтийн дунд томуугийн вакцины талаар хамгийн их тарсан таван ТАШАА мэдээллийг Factcheck.mn хүргэж байна.

Учир нь томуу бол вирусийн гаралтай, ханиаднаас хүнд, амь насанд эрсдэлтэй, тахал хэлбэрээр тархдаг тул аюултай өвчин юм.



Ташаа ойлголт: Би томуу тусаад эдгэчихсэн болохоор энэ жилийн хувьд вакцин хийлгэх шаардлагагүй.

Баримт: Та томуугийн тухайн өвчилсөн вирусийнхээ эсрэг дархлаатай болсон байж болох ч эргэлтэд байгаа бусад вирусийн омгоор өвчлөхгүй гэх баталгаа байхгүй юм.

Ташаа ойлголт: Томуугийн вакцин таныг өвчлүүлнэ.

Баримт: Зарим хүнд вакцины дараа хамар битүүрэх, бага зэрэг халуурах, өвдөх, ядрах зэрэг богино хугацаанд үргэлжлэх шинж тэмдэг тохиоллдог. Энэ нь томуугийн эсрэг дархлаа тогтож байгаагийн илрэл бөгөөд эдгээр шинж тэмдэг нь удаан үргэлжилдэггүй.

Ташаа ойлголт: Эмийн компаниуд вакцин хүн болгонд үйлчлэх эсэхийг урьдчилан таамаглаж чадахгүй.

Баримт: Судлаачид тухайн жилийн турш томуугийн вирусийг дэлхий даяар хянасны үндсэн дээр томуугийн улирал болгонд вакцины хамгийн үр дүнтэй хослолыг тодорхойлон гаргаж авдаг.

Ташаа ойлголт: Ганцхан төрлийн томуугийн вакцин байдаг.

Баримт: Зарим вакцин нь тодорхой нас, эрүүл мэндийн эрсдэлт бүлэгт зориулагдсан байдаг ба вакцин нь гурав, эсвэл дөрвөн(дөрөвлөсөн) вирусээс хамгаалах боломжтой. Мөн булчинд биш, зөвхөн арьсанд нэвтэрдэг жижиг зүүтэй вакцин байдаг. Таны нас, эрүүл мэндийн байдал, өндөгний харшилтай эсэх, жирэмсэн зэргийг харгалзан аль вакцин тохирохыг таны эмч мэднэ.

Ташаа ойлголт: Томуугийн вакцин таныг коронавирусээс хамгаална.

Баримт: Томуугийн вакцин нь томуугаас хамгаалах тул маш чухал. Гэвч КОВИД-оос хамгаалахгүй. КОВИД нь өөр төрлийн вирус бөгөөд өөр вакцинаар дархлаажна.

Эх сурвалж:

ЭМЯ

https://www.umms.org/bwmc/bwmg/services/adult-senior-care/health-and-wellness-information/5-facts-and-5-myths-about-flu-vaccines?fbclid=IwAR0S9K70CEGO4nGwm5GFEUWKwpLpsTm8K9yNTFM9X9Cqj5KN8_kqwc6vkZo

НҮБ-ын Хүүхдийн сантай хамтран бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

“54 жил тасралтгүй үзэгчдэд хүрсэн “Цагийн хүрд”-ийг гаргахаа

ОХУ Украин руу цэргээ оруулж, довтолсонтой холбоотой цахим орчинд маш олон видео бичлэгүүд тархаад байна. Тэдгээрээс зарим худал бичлэгийг Японы BuzzFeed мэдээллийн сайт бодит бичлэгүүдийг нь нийтэлжээ. “Оросын Агаарын десантын цэргүүд Киев рүү довтлохын яг өмнө” Бодит бичлэг: “Оросын Агаарын десантын цэргүүд Киев рүү довтлов. Яг үүнээс өмнөхөн хийсэн бичлэг” гэх уг бичлэгийг тав хоногийн […]

Украинд үүссэн нөхцөл байдал олон нийтийн анхаарлын төвд байгаа энэ үед Zarig.mn сайт “Донецкийн орчим Украины армийн тэргүүн хэсэг цохилтод өртжээ” гэсэн гарчигтай видеог цацав. 26.9К хүнд хүрсэн уг видеог нягталж өгөх хүсэлт уншигчаас ирсний дагуу бид нягталлаа. FactCheck: Yandex болон Tineye хайлтын системийн тусламжтай уг бичлэгийн хэсгийг хайж үзэхэд 2017 онд яг энэ бичлэг […]

Smart business гэсэн сошиал хаягаар спонсорлож түгээсэн, Монголбанкны Ерөнхийлөгч Б.Лхагвасүрэнгийн зурагтай, оросоор “Хэрэв эхний сард 3 сая төгрөг олж чадахгүй бол би танд 25 сая төгрөг өгнө. Б.Лхагвасүрэн” хэмээн бичсэн постер цахим орчин таржээ. Уг мэдээллийг нягталж өгөх хүсэлт ирсний дагуу нягталлаа. Factcheck: Smart business гэх пэйжээр спонсорлож буюу төлбөр төлж явуулсан уг постерын доор […]

“ҮНЭХЭЭР НИЙТЭЭРЭЭ ДУУСАЖ БАЙНА ДАА. ТЭМЦЭЭД БИД ДИЙЛЭХГҮЙ ЮМ. Ёстой эмгэнэл юм” гэсэн тайлбар бүхий матрас дээр хөнжил нөмрөн хэвтэж буй хүүхдийн зураг цахим орчинд тархсан. Уг зургийг иргэн Ч.Ганжавхлангийн 2017 онд Ид шидийн аяны хүрээнд бэлэг тараах, сайн үйлсийн аяны үеэр бичсэн постын хамт шэйрлэж байгаа бөгөөд уг зургийг нягталлаа. Энэхүү зургийг 2019 оны […]

Монгол Улсад уурхайн үйл ажиллагаа малчин иргэдийн амьдралд хэрхэн нөлөөлж буйг тодорхойлон үнэлэх судалгааг Дорноговь аймгийн Даланжаргалан, Улаанбадрах, Хатанбулаг сумдын иргэдийг хамруулан Форум Ази, Хүний эрх хөгжлийн төв ТББ-аас явуулсан талаараа 2023.04.10-ны өдөр хэвлэлийн бага хурал хийж, мэдээлсэн. Судалгаанд хэчнээн иргэнийг хамруулсан нь тодорхойгүй байгааг хэвлэлийн хурлаараа ярьсан байна. “Эдгээр сумдын иргэд малын бэлчээргүй, ундны […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх