Нүүр хуудасНягталсан мэдээлэлБусадМонголын газар нутгийг гадны бирж дээр зарах хууль бий болчихлоо - ТАШАА

|

Монголын газар нутгийг гадны бирж дээр зарах хууль бий болчихлоо - ТАШАА

Товч агуулга

  • Газрын тухай хуульд хамгийн сүүлд 2022.07.05-нд нэмэлт өөрчлөлт оруулсан ба дээр пост дахь агуулга бүхий заалт алга.
  • Ж.Энхбаяр одоогоор парламентад дэвшиж, сонгогдоогүй буюу УИХ-ын гишүүн биш, Үндэсний Аюулгүй Байдлын Зөвлөлийн нарийн бичгийн даргаар ажиллаж байна.
  • Уг бичлэг дорж хаяж хоёр жилийн өмнөх үйл явдлыг харуулж байна.


Хөтлөгч Ezo Enhzorig нэртэй фэйсбүүк хаягаас 2022.09.15-ны өдөр "Монголын газар нутгийг гадны бирж дээр зарах хууль бий болчихлоо❗️" гэсэн агуулгатай пост бичээд ТВ9 телевизийн "Монгол коммент" нэвтрүүлгийн видеог хуваалцжээ.

"Хүүеээ юу болоод байгаа юм бээ‼️⁉️

Монголын газар нутгийг гадны бирж дээр зарах хууль бий болчихлоо❗️ Энэ зүгээр интернэтээр бараа зарж байгаа биш биз дээ!!!

Дээр нь давхар сумын засаг дарга нар гадаадынханд газар зарах эрхтэй болчихлоо. Яаж ийм юм байж болох юм бэ! Энэ зүгээр талх зарж байгаа үйл явц биш шүү дээ!!! Эх орны газар нутаг шүү дээ‼️

МИНИЙ МОНГОЛЫН ГАЗАР ШОРООНООС БУРХАН ГУЙСАН Ч БҮҮ ӨГ!!! гэдэг биз дээ!!!! Зүгээр бирж дээр нутгаа, газраа зараад сууж болж байгаа юмуу?! Бас хужаа нар чинь хэдэн сумын засаг дарга нарын оймсонд нь мөнгө чихээд газар аваад2 явчихна шүү дээ!!! Бүүр чихэндээ итгэдэггүйээ🤦🏻‍♂️" гэж постод бичэн байна.

Уг постод нэг өдрийн дотор 2.5К хүн лайк дарж, видеог нь 194К хүн үзэж, 292 коммент бичсэн бол өнөөдрийн байдлаар 3.1К хүн лайк дарж, 340К хүн үзжээ. Комментийг харвал олон хүн эсэргүүцэж, энэ парламентыг тараах талаар байр сууриа илэрхийлжээ.

Энэхүү постыг нягталлаа.

Factcheck:

Уг видеогоор "Монголын төр, энэ парламент түүхэндээ анх удаа Монголын газар нутгийг биржээр арилжаалах шийдвэр гаргалаа. Маш ноцтой шийдвэр гаргалаа шүү. Хүсвэл Монголын газрыг Хонконгийн бирж дээрээс авч болно. Энийгээ гадаад зах зээлээс мөнгө босгож болно гэж гоё сайхан үгээр халхавчилсан. Хоёрдугаарт, орон нутгийн хэмжээнд үйл ажиллагаа явуулж байгаа гадаадын хөрөнгө оруулалттай компаниуд болон иргэн, ААН-д газар олгох зөвшөөрлийг дан ганц сумын Засаг дарга олгон гэж байна" хэмээн хөтлөгч хэлсний дараа Байнгын хорооны хуралдааны бичлэг үзүүлэв.

Бичлэгт Ж.Энхбаяр "Газрын тухай хуулийн 44.5-д нийслэлийн нутаг дэвсгэрт байгаа газрыг 44.4-т байгаа гадаадын иргэн, харьяалалгүй хүнд ашиглуулах нөхцөлийг арилжаалах замаар шийдвэрлэнэ гэдэг зүйл орж байгаа. Ашиглуулна, гэхдээ энийгээ биржээр дамжуулаад зарна гэж байгаа. Энийг сумын Засаг дарга шийдэх гээд байна" гэжээ.

Газрын тухай хуулийн

44.4.Монгол Улсад байнга /183 хоногоос дээш хугацаагаар/ оршин суугаа гадаадын иргэн, харьяалалгүй хүнд газрыг зөвхөн гэр бүлийн хамтын хэрэгцээний нь зориулалтаар ашиглуулах асуудлыг дуудлага худалдааны зарчмаар тухайн шатны Засаг дарга шийдвэрлэнэ.

44.5.Гадаадын хөрөнгө оруулалттай аж ахуйн нэгжид энэ хуулийн дагуу газрыг тусгай зориулалт, хугацаа, болзолтойгоор ашиглуулах бөгөөд уг хугацааг Засгийн газар тогтооно хэмээн заасан байна.

Газрын тухай хуульд хамгийн сүүлд 2022.07.05-нд нэмэлт өөрчлөлт оруулсан ба дээр пост дахь агуулга бүхий заалт алга.

Мөн энэ удаагийн парламент буюу УИХ-ын 2020 оны сонгуульд Ж.Энхбаяр нэр дэвшээгүй бөгөөд тэрбээр одоогоор Үндэсний Аюулгүй Байдлын Зөвлөлийн нарийн бичгийн даргаар ажиллаж байна.

Өөрөөр хэлбэл, Хөтлөгч Ezo Enhzorig-ийн шэйрлэсэн бичлэг одоогийнх биш, дор хаяж хоёр жилийн өмнөх бичлэг байгаа юм. Иймд тухайн фэйсбүүк хэрэглэгч хуучин бичлэгийг сая шинэ болсон үйл явдал мэт түгээж, олон нийтийг ТӨӨРӨГДҮҮЛСЭН байна.

 

Төстэй мэдээ

Хандив өгөх

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Та дараах маягтыг бөглөж бидэнтэй холбоо барина уу:

FACTCHECK нягталсан мэдээлэлдээ үнэлгээг хэрхэн хийдэг вэ?

  • Нотолгоо эсвэл баримтууд нь үнэн.
  • Саармаг, бүрэн үнэн биш, бүрэн худал биш.
  • Нотолгоо эсвэл мэдүүлгүүд нь тодорхойгүй хэвээр байгаа эсвэл нотлох боломжгүй.
  • Илрүүлэх үйл ажиллагаа эсвэл мөрдөн байцаалт үргэлжилж байгаа.
  • Ихэнх хэсэг нь үнэн ч хайхрамжгүйгээс гарсан алдаа байгаа боловч үндсэн агуулга нь үнэн.
  • Гарчиг нь тухайн нийтлэлээс уншиж болох зүйлээс огт өөр зүйлийг санал болгосон. Тухайлбал, Clickbait буюу өгөөш.
  • Ямар нэгэн зүйлийг орхигдуулсан, эсвэл уялдаа, холбооноос нь гаргаад хаячихсан.

  • Саармаг, бүрэн үнэн биш, бүрэн худал биш.
  • Нотолгоо эсвэл мэдүүлгүүд нь тодорхойгүй хэвээр байгаа эсвэл нотлох боломжгүй.
  • Илрүүлэх үйл ажиллагаа эсвэл мөрдөн байцаалт үргэлжилж байгаа.
  • Ихэнх хэсэг нь үнэн ч хайхрамжгүйгээс гарсан алдаа байгаа боловч үндсэн агуулга нь үнэн.
  • Гарчиг нь тухайн нийтлэлээс уншиж болох зүйлээс огт өөр зүйлийг санал болгосон. Тухайлбал, Clickbait буюу өгөөш.
  • Ямар нэгэн зүйлийг орхигдуулсан, эсвэл уялдаа, холбооноос нь гаргаад хаячихсан.

Нягтлуулах, хуурамч мэдээлэл илгээх

Та хаа нэгтээ эргэлзээтэй мэдээлэлтэй таарсан уу? Ялангуяа олны танил, улс төрчдийн хэлсэн эргэлзээтэй мэдээлэл унгиж эсвэл сонссон уу? Бидэнд нягтлуулах мэдээллээ илгээгээрэй!

Мэдээлэл илгээхдээ тухайн мэдээллийг олж уншсан эх сурвалжийн линк (url) болон огноог бичнэ үү.

Бид таны имэйл хаягыг мэдээллийг нягтлан шалгах зорилгоор тантай холбоо барихаас бусад зорилгоор ашиглахгүй болно.